قصيدة توجد للدوسري ( صوتية ) رائعة

[كوووبرا]

السلام عليكم ورحمة الله وبركاته

قصيدة للشاعر ( خالد بن مدعث الدوسري )

من أروع قصائد الوجد وأجزلها وصفت الحال بـ أصدق العبارات والمشاعر فيها ملتهبة ..
صورت حال الماضيين والفراق وضنك العيش والعناء في حياتهم ...
يفتقدون لأعظم نعمة وهي الأمن الذي نعيشه نحن ولله الحمد والكثير غير مبالي بهذه النعمة العظيمة ...



كل مافاضت عيوني باشت الاضلاع غنا
الموارد في الضلوع وكل ضلع في ونه
والتمني مايحقق هقوت القلب ان تمـنا
بس قلبي مايداني تبعد الهقـوات منه
واوجودي وجدمن جلي عن دياره مجنا
توعمره عشر واربع والليالي ماتحنه
ماوراه الا عجوز واخته وعود مسنا
بـين فقروبـين دين وبين ضيم وبين منه
ماذبحهم غير دمع من الغبينه مايكنا
ويل من سودالليالي بالمصايب يبتلنه
راح مثل الذيب وهبلته حياة الذيب ظنا
وآمن والموت يومه بين مخلابه وسنه
راح ينقل دم قلبه وان ضواه الليل ونا
الذيابه مروحاته والسيــوف يدورونــه
ليا ذكر دم القرايب عانق البيدا وثنـــا
وان تذكرضحكه امه زاغ قلبه من مغنه
مايلوعه في حشاه الا ليا شاف البرق سنا
غاب عشر سنين مابه من يرد العلم عنه
ان حداه الخوف منا هزت الاشواق منا
يوم طال الوقت عود للدياراللي ربنه
قال مادام المذله والبلاوي يـبــتـلـنا
والله ان الموت في الاوطان بين الربع جنه
يوم وقف في المنازل مالقى بيت مبنا
غير بيت للهبايب والذواري يلعبنه
راح يمه كنه اللي ضاربه رمح مطنا
وعذابه مادرى ان سهوم بقعا يحترنه
يوم قرب سمع له صوت من العله يحنا
حصل امه عندها ضيف يقول الموت سنه
قال يمه قالت عيوني من الدمع انعمنا
قال ابويه قالت اطوال النصايب قد خذنه
قال واختي قالت اقفى القوم باختك مع ظعنا
قال ربعي قالت اسنين المجاعه فرقنه
قال جيتك قالت ان الموت ماظني تونا
واستلمها نازع الارواح روحن مرجهنه
ثم صاح من التفرق صيحه اللي فيه جنا
دق صدره وانطوى من حر مابه طي شنه
كل هذا حال قلب من خلقه الله معنا
الهموم يوكلنه والروابع يوكلنه
ليه ادور للسبايب والسبب فينا ومنا
النفوس وماتسوى واليدين وماحصدنا
لاتسودنا الخطايا نلحق الشرهه زمنا
ماجزانا الا عملنا والخلائق يثبتنه

[HILUX 99]

قصيدة روعه يابعدي

مشكوور وصح لسان شاعرها

[الوسمي]

روعة يالغالي وماقصرت يابعدي . يعطيك العافيه اخوي سراب

[كوووبرا]

الله يعطيكم العافيه وماقصرتو اخواني على مشاركتكم

[سهيل]

سراب

يا سلام عليك ,, هذا القصيد والا بلاش !

صح لسانه الدوسري والله .

ناصر الفراعنه .. أُعجب بالقصيده وجاراها بقصيده على نفس الطرق لا تقل بجزالتها عن قصيدة خالد بن مدعث

اسمح لي إني أشارك بها معك ).. يقول ناصر :-


كل ما فاضت عيوني نجر ابـن حربـان دنّـا = في ضلوعي يسمع اللي مـن ورا بغـداد دنّـه

يوم ابن مدعث لنا سـن الوجـود الحـق سنّـا = وا فوادي كن دود الارض يرعى فـي مسنّـه

وا فوادي لو تضنّى يابن مدعـث مـا تضنّـى = كنّّـه المجـدور عقـب الجـور مرمـيٍٍّ بعنّـه

اشعل التنباك مـن خلقتـه مـا شبّـه و كنّـا = مير كنّّه من عجـاج فـاح مـن صـدره يكنّّـه

وا وجودي وجد منهو عـض بابهامـه وحنّّـا = واحدٍٍ شـاف الثـلاث البيـض سـودٍ مستجنّـه

شـاف قـدّام الخيـام خشيـف ريـمٍ مرجهنّـا = وثوّر البندق يبي صيـده وراغ الخشـف عنّـه

اطلق اربع عقبها اربع ثـم سمـع صـوةٍ يونـا = واثرها امه صابها طلقه و طـار العقـل منّـه

واتهمـوه بذبحـة امـه ليلـة العيـد وتجنّـا = اتهمته النـاس و صـدوف المقاديـر اتهمنّـه

قالوا اخوانه تـرا منّـا بمنـك ولا انـت منّـا = يفرق الله بيننا و بينـك عسـى مالـك مظنّـه

لك ثلاث ايام من ذلحين وارحـل مـن وطنّـا = عقبها تخطر على راسـك مضاريـب الاسنّـه

ودّع مريتـه وتـو بنتـه صغيـره مـا تحـنّـا = توها ام اربع شهور و فـي لحمهـا زود لنّـه

ركب غوجه و انقلـب قبلـه بليـلٍ مـا تونّـا = والحمايا من خلافـه ارخـوا حبـال الاعنّـه

المطايـا و السبايـا مـن خـلافـه عمـدنّـا = والمنايـا سـجـدٍ قــدام عيـنـه يحتـرنّـه

كل ما عنّـز علـى قـومٍ وطـن الـراس طنّـا = قالوا اذلف ذابح امـه لعـن ابونـا لـو نحنّـه

ذابـح امـه لـو زبنّـا عـدّه انّـه مـا زبنّـا = لعـن ابـوك بيـوت قـومٍ ذابـح امـه زبننّـه

الجمالـه مـا تجمـل فـي ولـد حـرٍ تدنّـا = ميـر دوّرغيرنـا وانحـش بقلبـك لا نـدنّـه

وانقلب من عندهم كنّـه علـى محمـاس بنّـا = يمة اهل الغوص عجـلات الركايـب وجهنّـه

ركب بابور البحـر و دمـوع عينـه يذرفنّـا = فـوق خـدّه كنّـهـن اذواد بــدوٍ مرثعـنّـه

يـوم حـل الليـل اشرعـة السفينـه دودلنّـا = و الهبايـب مـا يخلـن محبـلٍ مـا دودلنّـه

قام ربّـان السفينـه قـال يـا نـاس امتحنّـا = قوموا ادعوا ربكم عـلاّم مـا وسـط الاجنّـه

قال شيـخٍ منهـم الا عنـدي الـراي المطنّـا = ضحّوا بواحـد عسـى الله ينقـذ ايديـنٍ رجنّـه

و طاحت القرعه على اللي ذابح امّه مـا تتنّـا = ثم رموا به فـي ظلمـات البحـور المستكنّـه

و ادبحوا عنّه وهو فـي غبّـة المـوج يتثنّـا = ثم عرض له من وحوش القرش جرجورٍ وصنّه

عض جرجور البحر ساقه و صايح و استجنّـا = ابك لولا الله كلاه القـرش مـا يسلـم مطنّـه

وفي ديارٍ من بلاد الهنـد بيـن انـسٍ و جنّـا = من فضل ربي عليه اطراف الامـواج احذفنّـه

ومثل ما قبل امس متهـومٍ بذبـح امـه معنّـا = اتهمـوه بذبـح سلطـان الـبـلاد المطمئـنّـه

و في السجون المظلمه خمسة عشر عامٍ قضنّا = مع ثلاث ما قضـنّ الا عقـب حالـه قضنّـه

لا سمع ورقـا تغنّـي جـر مسحوبـه و غنّـا = وكل مغنى يزعجه غصـبٍ يجـي تاليـه ونّـه

ولا طرته بيـوت قـومٍ فـي الخلايـا يرفعنّـا = دار دولاب الدبـا الدالـوب دولابـه و زنّــه

وكل ما برقٍ سرى شرقٍ صدوق الغيـث شنّـا = كـن قلبـه فـوق سبـق طيـور بـرٍ شطرنّـه

عقـب مـدّه جـاه مـن داره نذيـرٍ مرثعنّـا = قـال انـا جيتـك بعلـمٍ والله انّـه والله انّــه

حرمتك ماتت لها عشـر سنـواتٍ قـد مظنّـا = و البنيّه معمـسٍ تقـرع عليـك قـراع شنّـه

عمّها عزّر بهـا فـي وسـط بيتـه مـا تهنّـا = خادمـة نسوانـه الثنتيـن والـلـي ضيفـنّـه

ثم زوّجهـا لبـو سبعيـن عـامٍ مـا انقصنّـا = شايبٍ يطرب خفوقه لا سمـع للقـرش رنّـه

يوم سمع هروجهم فاضـت عيونـه وازحرنّـا = وسط سجنه كنّّه اللي ساكـنٍ لـه فـي مجنّـه

قال يا ربعي افزعوا لي من سجـونٍ غيضنّـا = و قبر قلبي الدمـدم آغـادي يديكـم يظهرنّـه

قالوا انّـا وش لنـا انّـا والله انـه مـا شحنّـا = غير بنتك ولا مثلك مـا قربـه بقـرب جنّـه

وانتحـوا وعيـون قايدهـم جنـوبٍ خايلـنّـا = وهو ورا سجنـه عيونـه كـل نجـمٍ خايلنّـه

وعقب عامٍ من مجي ربعه و سنٍ عـض سنّـا = اعفوا الكفّـار عنّـه مـن عقـب سـودٍ دهنّـه

يوم فكوا قيـد رجلـه وانطلـق خاطـره منّـا = و انفلت يبغى ديـارٍ مـن ورا نجـد اشحننّـه

حث ساقـه مـا يشـوف الا بنيتـه يـوم قنّـا = من عقب عشرين عامٍ في وطـن قـومٍ مصنّـه

ومن ردى حظه نهار اغضن عيونـه وارقدنّـا = فز من نومه عقب عضّـه حنـش دابٍ بسنّـه

ومن اثر سم الحنش يونـس ضلوعـه يطبخنّـا = و طاح عزّي لواحـدٍ سـود الافاعـي طيحنّـه

يـوم اهـو فكّـر ولا فوقـه نجـومٍ يبرقـنّـا = وشاف بكيـة بنتـه اللـي جـا يبيهـا بينهنّـه

قال يا نجوم السما تكفين روحي صوب اهلنـا = علمي بنتي عن اللي صـاب ابوهـا واستسنّـه

اشهد انّا مـا بحلنـا فـي الليالـي اشهـد انّـا = مير حظي خانّي ثم مات مـا بـه مـن يقنّـه

ذاك وجده وجد حالي في وطنّـا مـن عطنّـا = من هنـوفٍ خدرهـا بيـض الهنـادي يحتمنّـه

[كوووبرا]

ماقصرت والله يابعدي سهيل ويعطيك العافيه . وتكفى لا تحرمنا من هالزين

تقبل تحياتي

[مالك الشاص]

قيصده فــــــــــــــــله

[MSAFER]

الرابط لا يعمل........؟؟

ياليت تشوف له حل

وتقبل تحياتي

[الفضي]

صح لسان الشاعر

وتسلم والله يالغالي على هالقصيد

[القلم الجريء]

ياملا العوافي قصيدهـ جميلة

[khaled2q8]

الرابط لا يعمل

انا اتمنى اسمعها بصوت جميل

[قسوره2006]

الرابط لا يعمل

وين القصيده


ارجو رفع القصيده مره اخر وشكرا لك

[king2007]

ابيات تشكر عليها من روعتها وجمالها...

جهد رائع ومميز..