مجموعة قصائد الشاعر المبدع (( ابو مشعل ))

[الوسمي]

السلام عليكم ورحمه الله وبركاته

شاعر ظل صامتاً سنوات طويله وفي هذا العام بزغ نجمه سريعاً لما تملكه كلماته من عذوبه الاحساس وجمال المعاني الأصيله ..

نجم قادم في سماء الشعر الشعبي بمحافظة عنيزة ونتمنى له المزيد من التألق في هذا المجال .
هنا اطرح لكم مجموعة من قصائدة واتمنى ان تنال على اعجابكم ..

( عزنا في عنيزة )



الـحـمـد لـلــه عـزنــا فــي عـنـيــزة = دار(ن) رجـاجـيـلــة لــعــزه سـنــدهــا
هـي ديــرة لـلـعـلــم وهــي الـركـيــزة = تـعـطـي لـمـن جـاهـا ومـنـهـو قـصـدهـا
مــن وقــت زامــل وسـكــان الـخـريــزة = يـاكـبـر حـض الـلـي بـوقـتـه شـهـدهــا
مـن قـالـهـا الـخـيــاط هــذي عـنـيــزة = كـلــن يـرددهــا ولــحــد(ن) زهــدهــا
بـتـاريـخـهـا نـفـخـر وتـبـقـى عـزيــزة = بـقـلـوبـنـا ويـاسـعـد مـنـهـو نـشـدهـا
أنـا اشـهـد إن الـحـب بـالـقـلــب مـيــزة = كـل (ن)عـشـقـهـا وبـو فـيـصـل أسـدهــا
يــارب تـسـتـرهــا وتـبـقــى عـزيــزة = نـفــداه بـالـغـالــي وحـنــا عـمـدهــا
نـحـبـهـا ويـازيـنـهــا مــن عـنـيــزة = سـبـحـان مـنـهـو خـصـهــا وفـتـردهــا





( هذا ضميري )


لا تجرحن ياشوق قلبي صغيـري = أرفق على قلب تعـذب بفرقـاك

دونك ترى يازين هـذا ضميـري = محد(ن) يسوي ياحبيبي سوايـاك

أحاول أنسى الهم وأتبع مسيـري = يارب ساعدني ترانـي برجـواك

رضيت أنا بالحق وهذا مصيـري = هذا هو المكتوب ما أضني ألقـاك

خلك على دربك وخلـن أسيـري = سامحك ربي دام هـذي نوايـاك

من رافق العذال يصبح ضريـري = عينك ترى ما تشوف لا ذا ولا ذاك

أبكي زمان راح يومـك نظيـري = عشرة عمر يازين صعب أتناساك

واليوم يوم إنـك تسلـى بغيـري = ما أريد أنا شوفك ولا أريد لقيـآك





( الوفــــــــــــــــــــا )


للمصلحة في كل شي ٍ مجالـي = ما للوفا طاري لو إنك رجيتـه
حنا بزمان ٍ يرخصون الغوالـي = ما ظن تلقى عنده اللي بغيتـه
وفيت أنا والزين لا ما وفالـي = لا وحاسايف عمري اللي قضيته
كم واحدٍ دالـه بدنيـاه سالـي = وكم واحدٍ باعك لو إنك شريتـه
عزيز نفس وعزتي راس مالي = ما أ ذلها وا للي نساني نسيتـه
ياما سهرت أيامهـا وا لليالـي = وياما على شانه دروبٍ مشيته
أستاهل اللي منه كلـه جرالـي = لا صار مايعطيني اللي عطيتـه
أحاول أنسى من سؤالك سؤالي = ( تحبني) ؟ ياليتنـي ماقويتـه
ياليتني من حبه أصبحت خالـي = وليتي نصحت القلب عنه ونهيته





( شفتــــــــــــــــــها )


من شفتها ياناس قلبـي بغاهـا = ما أضن أبلقى مثلهـا بالغوانـي
جميلة سبحـان رب(ن) عطاهـا = في وصفها تلقى جميع المعانـي
من عطرها تاخذ نسايم هواهـا = مورد الخديـن شوقـه ضنانـي
وشلون آبا صلها وأكسب رضاها = ماودي أتعذب وأصبـر وأعانـي
وإن كان لي حظ أبمشي معاهـا = وإن ما حصل ياناس هذا زمانـي
فكري وعقلي سارح في سماهـا = منام أنا ليلي وش اللـي دهانـي
يالله لا تقطـع رجـاي ورجاهـا = إنك تجمعنا تـرى العمـر فانـي
مشتاق أنا أبيها وأطلب غلاهـا = هي مطلبي بهالكون وهي الأماني







( ياما كتبنـــــــــــــــــــا )


إلى متى ونته تجينـي بالأعـذار = كل يوم تطلع لي بهرجـه جديـده
مالي بصحبة واحد( ن) دوم غدار = ألقى حبيب( ن) مخلص لي وأريده
ياما كتبنا لك من أبيات وأشعـار = يوم أنت تطلبني ونـا لـك أزيـده
معكم قضيناها بترحـال وأسفـار = أمشي على دروبك ولوهي بعيـده
الصدفه اللـي جمعتنـا والأقـدار = وش ذنب قلبي في جروحك تبيـده
بنسى هواك اليوم لو صار ما صار = وأكسر هوى نفسي مع إنك فقيـده
الله يعوضني ولا أحتـار وأختـار = اللي تصير بوسط قلبـي وحيـده
ماعاد لي في شوفكم قرب وإصرار = أبسعـد بدنـاي وأنتـي سعيـده




( حـــــب قديــــــــــــــــــــــــــم )


حب قديم حتـى هالحيـن موجـود = بيني وبيـن اللـي بقلبـي مكانـه
له أكثر من العشر بسنين وتـزود = ما كنه إلـى لحظـة مـن زمانـه
ليمن وفالك مـن تحبـه وبحـدود = يبقـى غلاكـم دون أيـة خيانـه
مهما إبتعد ما أنساه وبالقلب موجود = حبل الوصل بينـي وبينـه حنانـه
ريم رماني بالهوى ناعـم العـود = أرخصتله قلبـي وكلـي عشانـه
حبل الوصل ما بيننـا دوم مشـدود = ماينقطع ومن الهوى فـي متانـه
ياعاذلي أبعد ترى الـدرب مسـدود = غيرك ترى حاول وحـاس بمكانـه






( أحـــــزان عينـــــــــــــي )


ياللي تلوم الوقـت مخطـي وغلطـان = هذا النصيـب اللـي جنيتـه بيدينـي
أنا ادري إن مفـارق الخـل ِخسـران = الحـب بلـوى ميـر ربـي يعيـنـي
الله علـى ذيـك الليالـي والأشجـان = أجيـه أنـا ون غبـت عنـه يجينـي
إلا طـرى بالبـال ياقلـب الأحــزان = تعيش في حزنك مـن أحـزان عينـي
لو وزعو همي علـى كـل الأوطـان = ما تاخـذه والعالـم اصبـح حزينـي
ياللي تجازينـي بصـد(ن) وهجـران = أنـا أدري إنـك بالنهـايـة تبيـنـي
يافـلان عذبنـي ونـا أبيـك يافـلان = لا بـد مـا ترجـع وتـروي حنينـي
لا تكشف أوراقك على كل مـن كـان = بالناس زيـن وفيـه بالنـاس شينـي
ما طابلك ما دام قيلـت مـن أزمـان = خـذ الحـذر منهـم وخلـك فطينـي
بالكون من يربح وبالكـون خسـران = ونا خسـرت ورحـت أسـدد بدينـي
الله كتبلـي عمـر بعـدك ونـسـان = ومـا بيننـا يازيـن خلـه دفيـنـي
وذكر حبيب(ن) مخلص(ن) لك ولا خان = لا يالنصيـب اللـي جنيتـه بيديـنـي







( خـــــــــــل الزعــــــــــــــــل )


خـل الزعـل يامتعـب القـلـب وإرتــاح = لابـد مـا تنسـى الهـوى يالشـقـاوي
إلحـق علـى باقـي حياتـك بالأفـراح = ترى السعد للجـرح طـب( ن) يـداوي
تكثر سكاكين الجمل كـان هـو طـاح = خذ الحذر ون طحت طيـح متسـاوي
آنــا أدري إن الـحـب للـقـلـب ذبـــاح = تمسي وتصبح في همومك خلاوي
عده سحاب الصيف يـا صاحبـي راح = ما فاد قلـب(ن) جـرب الحـب هـاوي
حـاول تناسـى وسـود الأيـام تـنـزاح = ذكـرى الجـروح الماضيـه و الـبـلاوي
العيـب فــي طــرد المقـفـي إلا راح = خلـه يجـي ويـروح قــول متـسـاوي
آنـا أشهـد إن مفـارق الـخـل يـاصـاح = حسافة ( ن ) لا صار بالصدق نـاوي
دمعة رجل ما هي رخيصه إلا صـاح = لازم تـعـرف الـلـي لـدربـك يـخــاوي
درب المحـبـه مـابـه الـيـوم مـرتــاح = يـامـا حـكـو فيـهـا وقـصـو حـــزاوي
شف حالتي سدي مع الناس ما باح = هويـت لكنـي عـلـى الصـبـر قــاوي



مع خالص التحية والتقدير

[أبوتمام]

مع خالص التحية والتقديرلك وللمبدعين أمثالك
شكراً لك ولصاحب الإبداع وبودي لو أفصحت عنه أكثر

[الوسمي]

تسلم اخوي ابو تمام وابشر راح يكون عنه تعريف كامل بعد موافقته
لك خالص التحية والتقدير ..

وانقل لكم أخر قصيدة للشاعر المبدع ابو مشعل ..



ياليـت قلبـي ياحبيبـي بيدينـي = إن كان ما أبخل به ولايغلى عليك
آمر تدلل لو تبـي نـور عينـي = لك ما تبي منـي وتطلـب يجيـك
أبيك أنا جنبي وتـروي حنينـي = ترى الغلا بالقلـب وكلـي يبيـك
مهما إختلفنا عند شي(ن) يزينـي = كم مرة عنك آتغاضـى وداريـك
كم لي ونا أشكي من غيابك سنيني = تبعـد وقلبـي بالمحبـه يناديـك
منول(ن) لا غبت عنـك تجينـي = ما شوفلك حتى بالأحلام طاريـك
واليوم وينك عن غرامي ووينـي = تغيب عن عيني ولانـي بناسيـك
أبنتظـر شوفـك وربـي يعينـي = لوطالت الغيبه عن جروح غاليـك
تعال وأسكن داخل الـروح فينـي = وخذ قلبي وعيني لا صار يرضيك

[القلم الجريء]

ماشالله تباركـ الله قصائد في غاية الجمال والأبداع ,,

تمنياتي له بالمزيد من العطاء والتوفيق ,,



يعطيكـ العافية أخوي الوسمي ماقصرت ,,


دمتـ محب لشعر ,

[الوسمي]

الله يسلمك ويخليك اخوي القلم الجريء وماقصرت يالغالي

[بدر]

ياملا العافيه والله اخووي الوسمي والله يعطيك الف الف عافيه على هالقصايد الجزله

صح لسان شاعرها.... وتسلم يمين ناقلها

[البلاد]

تسلم والله اخوي الوسمي على المجموعه الحلوه من القصائد

وصح الله لسان شاعرها

[البرنسيسه]

راائع

قصاائد في قمت الروعه

اتمنى له التوفيق والتقدم ..

[ضايع]

صح لسان قاايلهااا ,,,

بس يااخوي من هو الشاعر ,,, ياليت نتعرف عليه اكثر ,,,

[الوسمي]

يعطيكم العافيه وبيض الله وجيهكم على مشاركتكم وان شاء الله اخوي ضايع ابشر بعزك

[ضايع]

تسلم اخوي الوسمي ,,, انا متابع معك ان شاء الله

[الوسمي]

الله يسلمك ويخليك اخوي ضايع ويعطيك العافيه

[المجهول]

ايامل العافيه اخيي الوسمي على هالقصائد الجميله

ماشاء الله اذا هذي بداية فاعتبرها بداية قوية جدا لشاعر قادم للساحة الشعرية العنيزاوية

بيض الله وجهه وصح لسانك يابو مشعل

[بوح الجروح]

الوسمي

يسلموووووووووو قصايد رووووووووعه ومجموعه حلوووووووووه

يسلم الشاعر ابو مشعل وتسلم انت تاج راسي

كلك ذوق

[الوسمي]

بيض الله وجيهكم اخواني المجهول وبوح الجروح ويعطكم العافيه يالغالين

لا والله انت تاج راسي وعمي بعد يالغالي

[333]

يعطيك الف عافيه ع الموضوع يالوسمي وما قصرت والله

[الوسمي]

الله يعافيك ويسلمك يالغالي 333 ومشكور على المشاركة

[الفضي]

تسلم يمناك يالغالي على هالابيات والقصايد العذبه


والله يوفق الشاعر لكل خير

[برق]

الوسمي والابداع
تــميز وامتـــاع

[الوسمي]

اشكركم اخواني الفضي وبرق على المرور الكريم ويعطيكم العافيه يالغالين

[أبو ماجد]

ياسلام عليك

الوسمي
بيض الله وجهك ياخلفهم وصح لسانك يا ابو مشعل

[الوسمي]

ووجهك يالغالي ويعطيك العافيه اخوي ابو ماجد واسعدني تشريفك

[المتيم]

الوسمي

شوقتنا الله يجزاك خير


وصح لسان أبو مشعل على هالقصيد


لك الود

[سـر الخـاطـِر]

http://www.alsowr.com/get-6-2007-h8t7bltv.gif
،
،
مساؤكم بالتـــوت مخضب ..
قد تحدتثم عنه ولكني لن اقول إلا أنه يكتب الشعر بجناحين لا يحلقان إلا في سماء شعره ...
مبــــــــــــدع ٌ يا أبا مشعل ..

أتحفتنا و الله بها يا اخي الوسمي

سلمت


مودتي

[الوسمي]

مشكور يابعدي المتيم ويعطيك العافيه يالغالي على المشاركة

اشكرك اختي سر الخاطر وماقصرتي على كلماتك الجميله

[عاشقة الجنان]

اللـــــــــــــــــــه يسلمك يارب00قصائد اكثر من رائعه^^

[الوسمي]

قصيدة جديدة للشاعر المبدع ابو مشعل ... اتمنى تعجبكم



درب الـهــوى يــازيــن مــــر وحــالــي = يـامـا تـعـذب مـنـه أشـكـال وأجـنـاس

تـــرى المـحـبـه تـذبــح ومـــا تـبـالـي = تقضي على الواحد ولا تدق الأجراس

الـــروح تـفــدا كـــل غـالــي وغـالــي = كلـي تحـت أمـرك ومـن دون حــراس

مـالـي أنــا غـيـرك مـــن أول وتـالــي = الله يـديــم الـحــب نـومــاس لـلــراس

يــا حـاسـدي إبـعـد ومـالـك ومـالــي = خلك في دربك وأتـرك النـاس للنـاس

الـهــرج واجـــد والـبــلا مـــا يـبـالــي = كلـه كــلام مــدون إبـوسـط قـرطـاس

لا تـسـمـع لـقـولــه وخــلــه يــلالــي = يتعب وحنـا بالهـوى جملـة إحسـاس

القلـب لـك وحــدك وقلـبـك صفـالـي = مابـي سـواك اليـوم ياعطـر الأنـفـاس

[ابو مشعل]

السلام عليكم ورحمة الله وبركاته
أحييكم جميعا وأشكر القائمين على هذا المنتدى الرائع والذي يحمل إسم غالي علينا جميعا وهو إسم عنيزة
وأحيي كل من رد على هذه القصائد المتواضعه من أخوكم وأقول لكم ألف شكر
ولا أنسى المجهود الجبار لأخي الوسمي جزاه الله خير وما قصر على هذا التنسيق الرائع
تقبلو خالص التحيه
أخوكم
أبو مشعل

[الوسمي]

حياك الله اخوي ابو مشعل وياهلابك يالغالي والشكر لله ثم لك على هذه القصائد الرائعه

نتمنى ان تزودنا دائماً بكل جديد ويعطيك العافيه

[محمد الصييفي]

السلام عليكم ورحمة الله وبركاته

الاخ الفاضل .. الوسمي .. الله يعطيك العافيه

تستاهل هالبيت .. اهداء

ابيع كل النــــــــــــاس يازيـــن وشـــــــــريك
وشوف في نظرة عيونك غنــــــــــــــــــــاتي

الحازم

[الفضي]

حياك الله اخوي ابو مشعل بيننا


وصح لسانك على هالابيات الرااائعه



والله يعطيك العافية يالغالي الوسمي على تعريفنا بهالشاعر الرااائع


لا تحرمنا من جديدك وابداعك

[اسير الشوق]

صح لسان الشاعر قصائد قمة في الروعة الله يعطيك العافية اخوي الغالي الوسمي على هذا الطرح الجميل

لاعدمناك ونحن سعداء بإنضمامك للمنتدى اخي العزيز ابو مشعل...

تحياتي ومودتي،،،

اسير الشوق

[ابو مشعل]

أخي الفضي
صح بدنك يالغالي
والله يحييك ويخليك لنا مشرفنا الغالي
وأبشر طال عمرك بالجديد في حال توفره ولن أبخل أبدا بما يجود بالخاطر على هذا المنتدى الغالي علينا جميعا
تقبل خالص التحيه


أسير الشوق
مرحبا بك أخي العزيز ويشرفني الإنظمام إلى هذا المنتدى الغالي
وأشكرك كل الشكر على إطرائك الجميل لا عدمناك
والبركة في أخي الوسمي جزاه الله خير

تقبلو خالص التحية والتقدير
أخوكم
أبو مشعل

[ابو مشعل]

السلام عليكم ورحمة الله وبركاتة
أحييكم من كل قلبي
وأشكر أخي الوسمي على هذا الموضوع وجمع القصائد في موضوع واحد
وهنا أحب أن أضيف الجديد لدينا حسب رغبات الأخوان في هذا المنتدى الرائع وهي قصيدة بعنوان


( ســـر يــاقـــلــم )



سر ياقلم وأكتب خفايا شعوري = للي لهم بالقلب شوقن وتذكار

كم جملة حارت بفكري تدوري = مالي سوى غير التسلي بالأشعار

رضاك عني من دواعي سروري = لي الشرف لا صرت لرضاك مختار

ترى الوصل يازين شين ضروري = و ش فيك غايب ياعيوني ومحتار

محروم. هايم . غارقن في بحوري = وصرت أتجرع في غيابه للأمرار

محتاج أنا لزيارتك ومعذوري = أشرحلك أسباب (ن) وبين لك أعذار

ودي تجيني وأشرحه في سطوري = لأنك سبايب ما جرالي وما صار

تدري أحبك ونت للدرب نوري = هذي حقيقة صدق لاتزوّد النار

تعال عبراتي تكسر بزوري = يرضيك أعيش العمر دونك بالأخطار ؟

آنا أدري إن البعد سبة غروري = خله على الله عالم (ن) كل الأسرار

عجزت أرتب في غيابك أموري = إرجع ترى وقتي على القلب قد جار

أتمنى أن تحوز على إعجابكم
ولكم مني خالص التحية
أخوكم
أبو مشعل:0088:

[king2007]

ماشاالله عليه..في قمة الابداع والروعه...
ابيات جميله وكلمات تلحن وتحفظ ...
لنا الفخر والعز..بأن نجد شخصا بهذا المستوى من الشاعريه...
ولنا الفخر بأنه من بلادنا ايضا...
...
مشكور اخوي الوسمي..

[ابو مشعل]

أشكرك أخوي شاعر كله مشاعر على هذا الكلام الطيب
وأنا من أفتخر بأني أحد أعضاء هذا المنتدى الرائع
وإني إبن من أبناء عنيزة
تحياتي لك والله يحفظك
أخوك
أبو مشعل

[هاوي عنيزه]

الوسمي ... يعطيكـ العافيهـ وأبو مشعل يستاهل كل خير وصح الله لسانكــ وفالكـ التوفيق

[بوح الجروح]

بجد ذوووووق يتجدد

يسلمووووووووو الوسمي


ويسلم لنا ذوقك أخوي أبو مشعل

قصائد اكثر من رائعه

كلك ذوق

[دمعة بلا لمعة]

الـــــوســــمـــــي

كـــل الــشـــكــر والــتــقـــديــر لــك

لأنــــــــــك عــــرفــتـــــنــــــــا

بـــــالـــشـــــــاعــــــر / أبـــــو مــشـــ عـــــل



تـــــســـلـــــم يــــمــنـــــــــاك

قــــصـــــائـــــــد

رائــــ عـــــهـ


تـــــابـــــ ع فنحن جــــمــهـــوركـ

[محمد441]

الله يعطيك العافيه صدقا قصائد روووعه..

[ابو مشعل]

هاوي عنيزه
بوح الجروح
دمعة بلا لمعة
محمد 441

أشكر لكم مروركم الكريم وكلامكم الطيب وسام على صدري
ولن أبخل أبدا في الجديد على هذا المنتدى الطيب
ويكفيني فخر بأن القصائد حازت على رضاكم
تقبلو مني خالص التحية
أخوكم
أبو مشعل

[الوسمي]

صح لسانك يابعدي وتسلم يمناك لا عدماك اخوي ابو مشعل وماقصرت يالغالي

كلمات ولا اروع والله وماشاء الله عليك


لك خالص التحية والتقدير

[ابو مشعل]

صح لسانك يابعدي وتسلم يمناك لا عدماك اخوي ابو مشعل وماقصرت يالغالي
كلمات ولا اروع والله وماشاء الله عليك
لك خالص التحية والتقدير

صح بدنك أخوي الوسمي ومن قال يسلم
مرورك زاد القصيدة روعة
أشكر لك هذه الزيارة
تحياتي لك
أبو مشعل

[نقي القوافي]

هلا بخوي ابو مشعل الحقيقة ابيات رائعة
-
-
انتضرجديدك ..

[بوح الجروح]

إستمتعت بقراءة قصائدك المميزه

وسبق ان تشرفت بالرد على الموضوع

ولكن أطـلب منك شاعرنا اللذي دعني أسميك :::


العذب .. الحساس ... الرائع ... بالجديد والمزيد


ولك مني الشكر على تلك الأحرف الذهبيه



كلك ذوق

[ابو مشعل]

هلا بخوي ابو مشعل الحقيقة ابيات رائعة
-
-
انتضرجديدك ..

ياهلا والله بنقي القوافي
شرفتنا
الله يسلمك ويخليك وروعت الأبيات زادت في تواجدك يالغالي
تحياتي لك
أبو مشعل

[ابو مشعل]

إستمتعت بقراءة قصائدك المميزه
وسبق ان تشرفت بالرد على الموضوع
ولكن أطـلب منك شاعرنا اللذي دعني أسميك :::
العذب .. الحساس ... الرائع ... بالجديد والمزيد
ولك مني الشكر على تلك الأحرف الذهبيه
كلك ذوق
أخي بوح الجروح
مرحبا بك عزيز وغالي ووجودك شرف لي في متصفحي في كل مرة تأتي فيها
وهنا أخي العزيز يتم طرح كل ماهو جديد لدينا
وطلبك على عيني وراسي وأبشر بعزك
وأسميتني بألقاب أعتز بها منك طال عمرك
ويكفيني من إسمك أن هناك أحد قصائدي كانت بإسم بوح الجروح الذي منها هالأبيات


أشقيت حالي ياهوى البال بالنوح = وش ذنب قلبي صابه اليوم لاوي
راع المحبه جرحه اليوم مفضوح = دايم وحيد ويسكن أرض( ن) خلاوي
الشمس لا غابت عن العين ما تروح = لازم تشوف اللي له القلب هاوي

تقبل مني خالص التحية والتقدير
أخوك
أبو مشعل:0024:

[عادل العتيبي]

مشكوووور يالغالي


وصح لسان ابو مشعل ملياااارات


امتعتنا بهذة القصائد


شكرا لك

[ابو مشعل]

مشكوووور يالغالي
وصح لسان ابو مشعل ملياااارات
امتعتنا بهذة القصائد
شكرا لك

مرحبا بك اخي عادل العتيبي
وصح بدنك يالغالي ولا هنت
أشكر لك مرورك الطيب وكلامك الحلو
تحياتي لك
أبومشعل

[نقي القوافي]

شاعر بالفعل ..

تبارك الله ..

[ابو مشعل]

شاعر بالفعل ..
تبارك الله ..

مرحبا أخوي أبو عبدالله
وأشكر لك كلامك الطيب وشهادتك وسام طال عمرك
تقبل خالص شكري وتقديري
أخوك
ابو مشعل

[بوح الجروح]

يسلم لنا ذوقك العذب اخوي ابو مشعل



وقصيدو الجروح حلوووووووووه


واذا فيه زيها ياريت تتحفنا


كلك ذوق .......... أختك بوح

[ابو مشعل]

بوح الجروح
أسعدني مرورك ومن قال يسلم والخير واجد
واليوم نطرح الجديد لدينا أتمنى تحوز على رضاكم جميعا
وهي بعنوان

((( أنـــــوح وأشـــــره )))


ماعاد لك في عيني اليوم نظرة = جرحت قلبي في سواتك بخليك

أهديتني من جرحك العام حسرة = هدمت ما بيني وبينك بياديك

خليت قلبي كنه اليوم جمرة = ونــته تعـيـش أفراح لـذة لـيـالـيـك

لجلك أنا دوّنت بيت(ن) وشطره = كل ما قريت البيت جاني بطاريك

إمنول(ن) وياك وأنوح واشره = واليوم ما ليبك ولاني مخاويك

رح في طريقك مابي اليوم نظرة = دور على غيري يحبك ويغليك

لكم مني خالص التحية
أبو مشعل

[الفضي]

تسلم والله ابو مشعل على هالابيات والله يحمانا وانا اخوك

[ابو مشعل]

تسلم والله ابو مشعل على هالابيات والله يحمانا وانا اخوك

الله يسلمك ويخليك مشرفنا الغاي
وما الجميل في الأبيات سوى حضورك الطيب
تقبل خالص شكري وتقدير لحضورك الجميل
أخوك
أبو مشعل

[بوح الجروح]

شاعري ابو مشعل :0024:
يسلم لنا بوحك الجميل والعذب دائما
قصيده اكثر من رووووووووعه سيدي:0007:
كلك ذوق:0014:



أختك بوحه

[دمعة بلا لمعة]

أبــــــو مـــــشــ عـــــــل


تـــــــســـــــلــــمــ


يـــــ م ــــــنــــــــاك


أبـــــيـــــــــــات

راااائـــــعـــهـ

نـنــتــظــر جــديــدك بفارغ الصبر

[ابو مشعل]

شاعري ابو مشعل :0024:
يسلم لنا بوحك الجميل والعذب دائما
قصيده اكثر من رووووووووعه سيدي:0007:
كلك ذوق:0014:
أختك بوحه

مرحبا بك أختي بوح الجروح
الله يسلمك ويخليك وشكرا لك على هذا الكلام الطيب من طيبك والله
وروعة القصيدة وما قبلها هو حضورك المتميز دائما
تقبلي خالص التحية والتقدير
أبو مشعل

[ابو مشعل]

أبــــــو مـــــشــ عـــــــل
تـــــــســـــــلــــمــ
يـــــ م ــــــنــــــــاك
أبـــــيـــــــــــات
راااائـــــعـــهـ
نـنــتــظــر جــديــدك بفارغ الصبر

مرحبا بك مشرفتنا العزيزة
ومن قال يسلم وروعة القصائد في تواجدك الطيب
وأبشري بالجديد في حال توفره
ولن أبخل أبدا عليكم ولن يطول بإذن الله
تقبلي خالص التحية والتقدير
أبو مشعل

[▓ĂًَBĎűĹĹăĥ▓]

مشكووووووووووووووور ياالغالي

لاعدمناك ياالوسمي

[جـgريْ]

قلمـ قوي مآ شاء الله ..

لا يخط إلا القوي من الكلمات ..

تسلمـ يمينك آبو مشعل على هذهـ الروآئـ ع ..

و دمتَ كمآ أنت قلم باذخ بالتميز و الابداع ..

و شكراً للـ وسمي على أن أتآح هذهـ المسآحة ..

لطالما كآن المبادر في إبراز كل ما هو يستحق ذلك ..

عآفكمـ المولى ..

[ابو مشعل]

مشكووووووووووووووور ياالغالي
لاعدمناك ياالوسمي

مرورك اسعدنا أخوي عبودي
تحياتي لك

[ابو مشعل]

قلمـ قوي مآ شاء الله ..
لا يخط إلا القوي من الكلمات ..
تسلمـ يمينك آبو مشعل على هذهـ الروآئـ ع ..
و دمتَ كمآ أنت قلم باذخ بالتميز و الابداع ..
و شكراً للـ وسمي على أن أتآح هذهـ المسآحة ..
لطالما كآن المبادر في إبراز كل ما هو يستحق ذلك ..
عآفكمـ المولى ..

أشكر لك كلامك الطيب وهذه الشهادة التي منحتيني إياه
وإزدانت القصائد روعه في تواجدك العطر
والشكر موصول لأخي الوسمي الذي أتاح لي الفرصة في هذا المنتدى الرائع
فتقبلي مني خالص التحية والتقدير
أخوك
أبو مشعل

[ابو مشعل]

السلام عليكم ورحمة الله وبركاتة
أخواني الأعزاء أخواتي العزيزات
نتواصل معكم بطرح القصائد الجديدة وبدوري أشكر كل من اثنى على قصائدي
وعلى كل من رد وشارك وزار الموضوع وأعجب به
والقصيدة تحمل إسم غالي علي جدا ويشرفني
و القصيدة الجديدة بعنوان

يابو زيد


يابو زيد أرجوك اسمع قصتي = مافي غيرك لي بهالدنيا قريب

مد لي يمناك وأمسح دمعتي = ياعساك تكون طبي والطبيب

داوني تكفى ورجّع فرحتي = خلني أرتاح من هذا النحيب

من عذاب القلب عالج علتي = ماهقيت إنك عن عيوني تغيب

لا تخليني لوحدي بغربتي = أتعذب ونت لا هي يالحبيب

رجع الماضي وفرّح مهجتي = ما صفالي جو غيرك ياالنصيب

أتمنى أن تحوز على رضاكم
تحياتي لكم
أبو مشعل

[دمعة بلا لمعة]

أبــــــو مـــــشـــ ع ــــــــــل..

مـــا أجــمــل الإبـحــار مــعــك ِ فـي غــابـات بــوحــك وهــمــســاتــك ِ ..


دمــــت مـــــتـــــألــقـــــا ,,


:0007:

[ابو مشعل]

أبــــــو مـــــشـــ ع ــــــــــل..
مـــا أجــمــل الإبـحــار مــعــك ِ فـي غــابـات بــوحــك وهــمــســاتــك ِ ..
دمــــت مـــــتـــــألــقـــــا ,,
:0007:

مشرفتنا الغالية
مرورك أسعدني وأشكرك على كلامك الطيب
ولن يزيد التألق سوى بحضوركم وتشجيعكم
تقبلي مني خالص التحية
أبو مشعل

[عنتر نت*]

يبدو أن وصلت متأخر كثير.....!!



عزيزي ابومشعل



الصراحه أنـا لست متابع لشعر الشعبي بشكل مستمر



ولست بناقد ولا أنا من يطلق الأحكام على هذا او ذاك


لكن


وبصراحه


كلماتك شدتني للمتابعه


دمت على هرم الإبداع ياخي الفاضل


وأنا بإنتظار جديدك هنـا




اطهر امنياتي

[ابو مشعل]

يبدو أن وصلت متأخر كثير.....!!
عزيزي ابومشعل
الصراحه أنـا لست متابع لشعر الشعبي بشكل مستمر
ولست بناقد ولا أنا من يطلق الأحكام على هذا او ذاك
لكن
وبصراحه
كلماتك شدتني للمتابعه
دمت على هرم الإبداع ياخي الفاضل
وأنا بإنتظار جديدك هنـا
اطهر امنياتي

مرحبا بك أخي العزيز عنتر نت وياهلا والله بهالطله
تشرفت والله بحضورك في متصفحي وكنت أتمنى أن تكون ناقد حتى تعطينا ملاحظاتك على القصائد لنستفيد
وكلامك وسام على صدري طال عمرك ويكفي أن القصائد أعجبتك وهذا ما نبتغيه
وما يساعدني على الإبداع هو تواجدك في الموضوع والإشاده بما يطرح من جديد
دمت بصحة وعافيه وكل عام وانت بخير
وأبشر طال عمرك بالجديد في حال توفره
لك مني خالص التحية والتقدير
أخوك
ابو مشعل

[بسمه]

صراحه شعروه مره حلووووووووو

صح السان ابو مشعل

والله يعطيك العافيه

[ابو مشعل]

صراحه شعروه مره حلووووووووو
صح السان ابو مشعل
والله يعطيك العافيه

صح بدنك اختي بسمة
والله يعافيك ويخليك
شاكر لك هذا المرور الطيب
تحياتي لك
ابو مشعل

[sami bom]

نشكر للشاعر ...... ولك يا الوسمي.. بالأفصاح عن الشاعر قليلاً هو خالي على طول
بس أشكر الوسمي والشاعر العنيزاوي

[ابو مشعل]

نشكر للشاعر ...... ولك يا الوسمي.. بالأفصاح عن الشاعر قليلاً هو خالي على طول
بس أشكر الوسمي والشاعر العنيزاوي

مرحبا بك أخي سامي نورت الموضوع
ولست وحدك من يشكر أخونا الوسمي فجميعنا نقول له ما قصرت يابعدي يابو يزيد على كل هذه الجهود المباركة في خدمة عنيزة عبر هذا المنتدى الغالي
وأشكر الله أنني من عنيزة وأفتخر بأني من ابنائها
تحياتي لك
أبو مشعل

[ابو مشعل]

السلام عليكم ورحمة الله وبركاتة
أحييكم جميعا ونعاود لطرح الجديد من القصائد والذي أتمنى أن تنال على إعجابكم
والقصيدة الجديدة بعنوان
تدري أحبك

أنا الحزين بسبة فراق خلّي = ليلي صعيب ومر الأيام ذقناه
ليمن ذكرت أيامنا والتسلّي = بالبال دايم والفرح ما نسيناه
أنت الهوى للقلب يازين قلّي = وش جاك مني لا تزيد المعاناه
الدمع حفّر وجنتي لين ملّي = مالي سوى ربن وحيد ورجيناه
تدري أحبك يابعد كل من لّي = وشلون تنسى أيامنا اللي قضيناه
أبطيت عني ليه كثر التغلّي = من قال من يبعد عن القلب عفناه ؟
أبيك أنا ترجع و أرحب وأهلّي = ترى الغلا بالقلب وحبك شريناه
تقبلو مني كل التحية والتقدير
ولا تنسونا بردودكم وملاحظاتكم و ما نستغني
أخوكم
أبو مشعل:0024:

[rak138]

صح اللسانك
يسلمووووووووووووووووووووووووووو الوسمي
يعطيك العافيه

[ابو مشعل]

أشكركم أخواني الأعزاء وأخواتي على حضوركم المشرف في هذه المجموعة لقصائدي
وكم تمنيت ان اجد الردود والمشاركات عند الطرح وهذا يعطيني الدافع في طرح الجديد
لكم مني كل التحية
وشكرا لك يابو يزيد
ابو مشعل

[الوسمي]

تدري أحبك يابعد كل مـن لّـي .. وشلون تنسى أيامنا اللي قضينـاه
أبطيت عني ليـه كثـر التغلّـي .. من قال من يبعد عن القلب عفناه ؟



ياسلام عليك يابعدي وصح لسانك يابو مشعل وبيض الله وجهك كلمات في منتهى الروعة والجمال ماشاء الله عليك .

شكلك تبي تنافس بالمسابقة الجديده بعد عدة ايام ونا واثق من قوة شعرك الله لايضرك

لك مني خالص التحيةو التقدير واتمنى لك التوفيق

[عنيزاااااااوي@]

السلام عليكم ورحمة الله وبركاته
قصيد موفق في بدايته..
:0007::0007::0007:موفق بإذن الله ... لك مني أجمل تحية .

[دمعه وفا]

مرررررررررررره القصايد حلوه ** بس اللي حجبتني اكثر قصيدة ((هذا ضميري))

[ابو مشعل]

الوسمي
صح بدنك أخوي أبو يزيد وشرفتنا بحضورك
ويكفي أن الموضوع يحمل إسمك وهذا فخر لي طال عمرك
ومن ناحية المسابقة تقدمنا لها وننتضر النتائج والله يوفق الجميع
تحياتي لك
ابو مشعل


عنيزاوي
مرحبا بك اخي العزيز وشرفتنا بتواجدك طال عمرك
تحياتي لك
ابو مشعل



دمعة وفــــــــــا
شرف لنا تواجدك بهذه القصائد المتواضعه ويكفينا فخرا أن أحدها نال على إعجابكم
لك كل التحية والتقدير
ابو مشعل