نغض الطرف اذا شفنا سعودية

[المثنى]

يا بنت أرجوك أنا ما أقدر كفانـي ماضـي الغلطـات
أخــاف الله يعذبـنـي وأنــا خــواف يا بنـيـه

وأخـاف بساعـة اللـذة يجينـا هــادم الـلـذات
ويأخذ مـن حشـى جوفـي بقايـا روحـي الحيـه

أنا ليّه ثمان اسنيـن وأنـا مدمـن علـى الشهـوات
ديـار الفسـق حاستهـا مواطـي تحـت رجلـيـه

عيوني مـن كبـر همـي تخلـط الـدم والعبـرات
مِسيـل الدمـع مـن عينـي حفـر بالخـد ماريـه

صحيح إنك جميله بـس تبنـا مـن هـوى الزينـات
تركنـا الحـب غصـب وطـوع للعيـن الشقاويـه

يابنت أنتي على بالـك أبأخـذ مـن بنـات الشـات
أجـل مجنـون أنـا يابنـت أشيـل العقـل بيديّـه

ترى أكبر شيء يربطني مِعك جـوال ابـو شاشـات
وهاتـف ينقـل أشواقـي علـى نبـرات سلكـيـه

وترى كل العلـوم اللـي عطيتـك بالهـوى كذبـات
وحتـى دمعتـي يـوم الفـراق الصعـب كذبـيـه

هـذاك اليـوم ماهلـت عيونـي لجلـك الدمعـات
لأن الدمـع ماينـثـر بقـصـه حــب وهمـيـه

أنا أضحك مِعك واضحك منك وعليك أكثّر الضحكات
كأنـي بالـهـوى جـنـي يعـبـي راس جنـيـه

وأنا مانـي بخكـري يلبـس القمصـان والشرتـات
ويفـرح قلبـه المسكـيـن إذا حــب الدوينّـيـه

أنـا مـن لابـةٍ أروت ضمايـا سيوفهـا الغـزوات
خلاياجسمـنـا عـاشـت عـلــى دم القبيـلـيـه

ودهنتي شعـرك الاسـود بألـوانٍ مـن الصبغـات
وعيـت تقبـل الصبـغـه ملامـحـك الخليجـيـه

وحشرتـي ردفـك المسكيـن بالبنطـال والجنـزات
خلاقـيـنٍ تصنّعـهـا مـزاجــات اليـهـوديـه

عشاني ميـتٍ فـي ثغـرك الأحمـر أبـو لمعـات
تحسبينـي أبرضـخ لـك لأن إشـفـاك ورديــه

ورب الكون مأرضى فيك لو إنك شيخـة الحلـوات
وإذا صمـل علـيّ العلـم أكـب ارض السعوديـه

يابنت الناس عـزك فـي سـوادٍ يستـر العـورات
وعزي في شماغ أحمـر وثـوب أبيـض وطاقيـه

سعودييـن نفخـر فــي عبـايـات السعـوديـات
نغـض الطـرف إجـلالً إذا شفـنـا السعـوديـه

وخليجييـن نفخـر فـي عبـايـات الخليجـيـات
نغـض الطـرف إجـلالً إذا شفـنـا الخليجـيـه

[كوووبرا]

قصيدة جميله ورائعه اخوي البرفسور وتسلم والله يالغالي

الله يعطيك العافيه ويخليك لنا ذخر

[بنت عنيزة]

السلام

مشكور اخوي على هالقصيده

[فتى باريس نجد]

وأخـاف بساعـة اللـذة يجينـا هــادم الـلـذات
ويأخذ مـن حشـى جوفـي بقايـا روحـي الحيـه
_ _ _ _ _ _ _ _ _ _ _ _ _ _ _ _ _ _
يابنت الناس عـزك فـي سـوادٍ يستـر العـورات
وعزي في شماغ أحمـر وثـوب أبيـض وطاقيـه

سعودييـن نفخـر فــي عبـايـات السعـوديـات
نغـض الطـرف إجـلالً إذا شفـنـا السعـوديـه
__________
أبيات جميلة وسلمت يداك

[اسير الشوق]

الله يعطيك العافية أخي العزيز المثنى على هذه القصيدة الجميلة وماقصرت.

[عازف]

يـــا ســــــلاام علـــــــيك .,


كلمات قمة بــ الروووووووعه والجمااااااااااال .,


آبيات ذات آحاسيس جياشه ومشاعر عذبه التي تطرب مسامع القارئ ويتحسس حروووفها العذبه .,


آبـــــداع الـشـاعـر بـ الكلمه وآبـــــداعــت بـ منقووووولك المتميز .,


لاعدمنآآآآآ هـ الذووووووووووق وحس الآنتقاء .,



تحيااااتي لك .,


عزgggف ..