فتى باريس نجد
15-07-2006, 03:59 PM
منقـــــــــــــــــــــــــــــــــــول
البارحه عيني عن النوم قازيــــه
الناس نيــــــام وانا سهــــيــــــــر
أكايــز العـبـرات في مظلم الدجــا
والقلب له بين الضلوع زفــــيــــر
جـان كتاب بالبـــــــــريد مسجــــل
قالوا توجه والجــــواب خطـيــــــر
قلت آه واعــزاه ويش مصيـبـتـــي
ويش آخرت هـــذا الجواب تصيـــر
من الحجاز امسيت والنفس طايبـه
ماعــاد نفســــــــــي تقبل التأخيـــر
وركبـت من وقتي وشغـلـت موتري
ونيــت ملكي ماعـــليــــــه شويـــــر
من باكـر مسيـــان طـبـيـــت ديرتـي
قــلت الخبـــر والعــلــم والتفسيـــــر
قالوا لي أمـــــــك له ليالي مريضــه
وملــزمه عليــــك بالتحضيـــــــــــــر
واليـــوم هذا مع رحيمك توجهـــــت
تبغــى طـــــبـيـــب بالرياض خبيـــر
قلت الطبيــب الله جــــــــــل وتعالى
سامع دبيب النمــل يوم تسيـــــــــر
وركبت بالموتــر وراهم بساعتـــي
ولااتسمع بالمـــراض مشيـــــــــــر
وصلت ابريــــده بساعــه ولقيتهــا
وسلمت على أمي والفراق عسيـــر
لاجـــــت تبي تسأل عني تعبــــرت
ودموعهـا فــــــوق الخدود نثيـــــر
قالت وراك ابطيـــت عني ونا امـك
وانته ابعقلــــــي ياضناي خشيــــر
وانا أوجس الدنيا بوجهي تقلبـــت
وانا ادري ان حق الوالدين كبيـــر
واخذت بخاطرها وهي من راضيه
ياالله عساني في رضــاه قديــــر
بغيت أخاويها ولكـــن تعــــــذرت
وصارت علي بالقعــاد تشيـــــــر
وتقول وسع خاطر أمي وعيلتي
وانا اسبوع وراجعه في خيـــــر
وادعتها والقلب معها ومهجتـي
مدري عن الدنيا بها وش تصيــر
وعادت عقب اسبوع تنهي علاجها
والحال تنقص ما بها توفيـــــــر
لاحظتها والنقص يمشي بحالها
وقعدت عند امي ولاعاد اسيــر
يوم المرض فيها تشدد وجادهـا
جلست انا عند الوالده خفيـــــــر
قعدت عند الوالده ليــــن توفيــت
وهي على صدري وبقيت حسيــر
صفقت في كفي وعضيت شفتــي
ولا لي عن اللي يقسم الله مطيــر
وهلت ادموع العين مني على الثراء
وحار القدم لاجيت أسير يحيـــــر
النفس ماتقوى عن الصبر دونها
والصدر به عقب الفراق سعيـــر
وناديت غسالاتها يعـتـنــن بهـــا
وبوي يبكي والفراق وعيــــــــر
وصلوا عليها العصر وشلناه بالنعش
على متون الفاعلين الخيـــــــــر
وضعتها بالقبر وياكبــــر عبرتي
أكايز العـبـــــــــــرات بالضميــــر
وصفوا عليها اللبن اتلى العهد بها
والدمع من فوق النظير يحيــــــر
وعزون في فرقى الحبيبه جماعتي
والله يعطيــــــــن العـزاء في خير
ورجعـت لم الدار والى اصياحهم
كبيرهـــــــم اردا من الصغـيــــــر
قعدت انا بالدار ياشين دارنـــــــا
من عقب فرقى الأم ويش نصيـر
قلت آه واعـزاه عزي لحالتـــــي
وانا اوجس الدنيا بي تستديــــر
الدار انا سبلت ما طالني بهــــا
للداني اللي يستحــق الخيـــــــر
يا دار مالي فيك من عقب ما مضى
يا دار لك غيري وانا القى غيـر
يا دار مالك ذنب الآلـــه مطلــع
لاشك رجلي يوم اجيك تحيـــــر
الله يغفــــــر له ويلطف بحالها
العالــــــم الى بالعباد بصيــــــر
الله يغفر عنك ما ذعذع الهواء
ياخير من نرجيه يا مجيــــــــر
تجيرها في رحمتك وانت ربها
يارب اجرها من عذاب السعير
الله يسامحهـــا والله يبيحهـــا
ويبيحني منها على التقصيـــر
يا الله يالمعبود تجبر مصيبتي
يالمعتلي يا جابر الكسيــــــــر
ياجابر عظــــم له من تلايمـــه
يجبر لو انه غادي شعثريــــــر
يا الله عسى برضاه ربي يجيرني
والله يعلــــــم كــل مايصيــــــر
ياقبر امي طيــب الله لك الثراء
عساك تبقى واسع عـطـيـــــــر
ياقبـر ماضميـت مثله بخاطري
عندي انا والا المسلميــن كثيـر
امامها نـور ونــور اخلافــهـــا
وشمالهـا ويمينهـا منيـــــــــــــر
وجدي على امي كل ليله وساعه
والشاهــــد الله مامعــــــي تدبيــر
وجدي عليها وجد يوسف مع اخوته
يوم اجدعوا يوسف بوسط البيــر
وعادوا لبوهم قايلين مع الأســف
الذيب اكل يوسف بغيــر شويـــــر
وجابوا قميصه فوقه الـدم سايـل
الــــــدم كـــذب بالقميـــص نثيــر
ومن عقب هذا جابوا الذيب كلهم
امحضـريــن الـذيــب للتقــــريـــر
الذيـــــــب قال ليعـقـــوب كلمــــه
نجا بها نفســه وصار جـسـيــــــر
قال أن لحم الانبيـــــــــاء محرمـه
على السباع وكيـــــف ذا يصيــــر
اطلق سبيل الذيب ودموع عـينـــه
تجري من الفرقى لما صار ضرير
الولف والفرقى والفقد والحــــزن
ابكاه لين ابيض منه النـــــظـيــــر
اعاضه الله وهو مييس من السفر
يوم استحس واقـبلــن العـيـــــــر
يعقوب قال اني اجد ريح يوسف
وبيـوسف المفقــود جاء بشيــــر
والقوا على وجهه قميص ليوسف
وارتـد في امر الآلــــه بصيـــــر
وجدي على امي وجد ام موسى
يوم أن موسى بالمهاد صغـيـــر
سوت له التابوت ماهوب ودهـا
وجدعته ابحرن طويل غزيــــــر
ومشت به الامواج ليـن جابتـــه
بدار العـدو الطاغــــــي الكبيــــر
في دار فـرعون قالت زوجتـــــه
لقيت طفـل بالبحــــــــر نظيــــــر
نبغي نربي الطفــــل نبغـاه عندنا
ويبقـــى لنا بالبيـت وهـو أسيــــر
فرعـــون قال اخاف هـذا عــدوي
يقضــي علي إلى صـار كبيــــــــر
قالوا خلــه هذا صغيـــــر ولادرى
والى كبــر مـاله وراك منيــــــــــر
وافق وموسى مارضى يرضع اللبن
ماغير ثـدي امه رضع من غـيــــر
داروا على الي يرضعـه مابغاهـــن
ودلا بـه الخـــــــــــــــدام يستديــــر
شافتهــم اخته يدورون مرضعـــــه
قالـــت أنا بســـوي نيــة خــيــــــــر
ادلكـــــم من يكفلـه في رضاعتـــــه
وردوه لِمــه والآلـــــــه قـــــديــــــر
وجـــدي على امي مايفيـدن توجدي
ولا امــــل القــــــول والتكـريـــــــــر
حملتيني في جوفك يجي تسعة اشهر
مدري عن اللي طال والقصيـــــــــر
ومن عقـب ذا طـلـــق يلوفك بسبتي
يكاد عقلــــــــــك من حشاك يطيــــر
وعاميـن من ثـديـــك حليــب يقيتني
يـــوم أن ثديـك بالحليــب دريــــــــر
وانا على مـتـنـــك بـــروحه وجـيــه
والى قعـدتي لــي حشــاك سـريـــــر
ورضاع ومعاجا بكاي ووصاختـــي
ومعالــــــــــج كنه اعـلاج كسيــــــر
ولا مشيـت وصـرت بالسـوق ماشي
يزيــــد غربالي واصيـــر شــريـــــر
وياما تعـبـتــي كــــل يوم بساقـتـــي
في دورتي من عـقـب كـل اخـيـــــــر
وياما تعـــب قلبك وعينــــك لدورتي
ونا امريح اتعبــــــــــــك بالتدويـــــر
وياما غلطتي بصلاتـــك بسبتــــــــي
واخلفـــك بالتهليل والتكبـــــيــــــــــر
صبرك علينا فوق صبرك على الدهر
ترجين نفعي لاغـديـــــــت كبيـــــــــر
لكن عسى برضاك ربي يجيرنـــــــي
والله سبحانه هــــــــو الــــمجـــيــــر
مهما نـــكمـــــل واجبـــــــات امنــــا
انا اشـــــــوف أن الطويل قـصـيـــــر
الوالده ارضـــــــاه ارضا لربنـــــــــا
الله قاله ما معي تــــــزويـــــــــــــــر
الله يشملها بعفـــــــــــوه ورحمتـه
ويسامحهـــــــا مني سماح بريــــر
لا واهني من قام بواجباتهـــــــــــا
من قام برضا الوالدين بخيــــــــــر
انا اشهد انه تاجر في زمانـــــــــه
حتى ايش لو هــــو بالحلال فـقـيـر
اسباب ما هاض الحشى في مثايله
طير صدفته بالطريق اعـــصــيــــر
تطـيــــــر ما تبعـــــد ومني قريـبـه
وانا اتعجب كيف ما تذيـــــــــــــــر
تميت بقضبها وطارت ووقعـــــــت
وعادت علي بسرعة له زريــــــــر
وصرت أتعجب وأتفكر بسرهــــــا
طيرن سلم وشلون مايطيـــــــــــر
يوم التفت يمين ولا وليدهـــــــــا
بين الحصى متذرين بو كيــــــــر
ساعة خذيت اوليدها طار عقلها
تطير بقصا الجوثــم تعـيـــــــــــر
على الحصى والشوك ترمي بروحها
وتفرك بكبده بالحصـى وتديــــــر
تصيح صوت ماعرف وشلونـــه
وتمزر أحسن ريشها تمزيـــــــر
شفت الحنونه يوم حنة وليدهــا
اثر البكاء بين ولو كان صفيـــر
يحرم عليك الموت مني وبندقي
وافــــــات ربي مالها تحكيــــــر
واعتقتها واطلقت معها وليدهـا
وفرحت بشوفه يوم جاها يسير
ما لومها واللي جرالي جرالهـا
كد ذقت كاس المر والتمريـــــر
ولابد ما يزهى زمانك وينجلـي
زرع زهى قبل الحصاد يصيــر
ولابد ما تسعد لياليك وتعتلـــي
ولابد ما عقب العـــلا تحديـــــر
ولابد ما يصفي زمانك مع الملاء
ولابد ما عقب الصفاء تكديــــر
يا هل القلوب القاسيات ويلكــم
بالماقف الي فيه شر وخيــــــر
يا ويلكم من واحد عالم بكـــــم
الى وقِفِ الميزان للتقريـــــــــر
يوم لا ينفعك مالاً ولا ولـــــــــد
كل شقى والنار لها زفيــــــــــر
الله قال للنار هل امتلأتـــــــــي
وقالت له هل من مزيد كثيــــر
تلقى غضب الوالدين بوسطها
بالدرك الاسفل بس يستديــــر
والى انفسخ جلده من النار وانحرق
يبدل الله له بجلد غيــــــــــــــــر
والى اشتكى من النار يصلاه حرها
شالوه منها الى زمهريـــــــــــر
كانه من اهل الخير ياسعد عينه
مايقدمه حاضر بلا تغـيـيـــــــــر
وكانه من اهل الشر واعزتالــه
ياكثر ما يلقى من التعـــزيـــــــر
الله تعالى كل شئ موضحـــــه
ارسل بشير ومرسلٍ نذيـــــــــر
وآيات من القرآن في كل ساعه
غير الحديث الي به التفسيــــر
{منها خلقناهم وفيها نعيدهم}
وهو ربنا واليه المصيـــــــــر
يقضِ ويمضِ كل حي بدبرته
وعن القدر ما ينفع التحذيــر
وعزي لحالي يوم افكر بحالتي
ولا لي إلا الله لي نصيــــــــر
وان عشت يا يمه وساعدني الولي
حجيت لك يا يمه ولا هوب كثير
والبس احرام الحج البِرِك وألبي
واكثر من التهليل والتكبيــــر
والعبد ما يأخذ من الرزق في يده
الله هو اللي يحسن التدبيــــر
أقولها وقد قالها راعي المثل
في كلمةٍ كد قالها شعيــــــــر
لو أن الأزرق تاتي بقـــــــوه
مع النسر وش يأخذ اعصيفير
ولكن الأزرق بيدين ربنــــــا
يرفع وياضع قادرٍ بصيــــــر
وصلات ربي عد ما ينبت الحيا
وعداد ما رفع حمام يطيــــر
على نبي وضح الله دلايلـــه
شفيعنا بالماقف الكبيـــــــــر
* لشاعــــــــــر: فهـد بن فهـد العلوش
البارحه عيني عن النوم قازيــــه
الناس نيــــــام وانا سهــــيــــــــر
أكايــز العـبـرات في مظلم الدجــا
والقلب له بين الضلوع زفــــيــــر
جـان كتاب بالبـــــــــريد مسجــــل
قالوا توجه والجــــواب خطـيــــــر
قلت آه واعــزاه ويش مصيـبـتـــي
ويش آخرت هـــذا الجواب تصيـــر
من الحجاز امسيت والنفس طايبـه
ماعــاد نفســــــــــي تقبل التأخيـــر
وركبـت من وقتي وشغـلـت موتري
ونيــت ملكي ماعـــليــــــه شويـــــر
من باكـر مسيـــان طـبـيـــت ديرتـي
قــلت الخبـــر والعــلــم والتفسيـــــر
قالوا لي أمـــــــك له ليالي مريضــه
وملــزمه عليــــك بالتحضيـــــــــــــر
واليـــوم هذا مع رحيمك توجهـــــت
تبغــى طـــــبـيـــب بالرياض خبيـــر
قلت الطبيــب الله جــــــــــل وتعالى
سامع دبيب النمــل يوم تسيـــــــــر
وركبت بالموتــر وراهم بساعتـــي
ولااتسمع بالمـــراض مشيـــــــــــر
وصلت ابريــــده بساعــه ولقيتهــا
وسلمت على أمي والفراق عسيـــر
لاجـــــت تبي تسأل عني تعبــــرت
ودموعهـا فــــــوق الخدود نثيـــــر
قالت وراك ابطيـــت عني ونا امـك
وانته ابعقلــــــي ياضناي خشيــــر
وانا أوجس الدنيا بوجهي تقلبـــت
وانا ادري ان حق الوالدين كبيـــر
واخذت بخاطرها وهي من راضيه
ياالله عساني في رضــاه قديــــر
بغيت أخاويها ولكـــن تعــــــذرت
وصارت علي بالقعــاد تشيـــــــر
وتقول وسع خاطر أمي وعيلتي
وانا اسبوع وراجعه في خيـــــر
وادعتها والقلب معها ومهجتـي
مدري عن الدنيا بها وش تصيــر
وعادت عقب اسبوع تنهي علاجها
والحال تنقص ما بها توفيـــــــر
لاحظتها والنقص يمشي بحالها
وقعدت عند امي ولاعاد اسيــر
يوم المرض فيها تشدد وجادهـا
جلست انا عند الوالده خفيـــــــر
قعدت عند الوالده ليــــن توفيــت
وهي على صدري وبقيت حسيــر
صفقت في كفي وعضيت شفتــي
ولا لي عن اللي يقسم الله مطيــر
وهلت ادموع العين مني على الثراء
وحار القدم لاجيت أسير يحيـــــر
النفس ماتقوى عن الصبر دونها
والصدر به عقب الفراق سعيـــر
وناديت غسالاتها يعـتـنــن بهـــا
وبوي يبكي والفراق وعيــــــــر
وصلوا عليها العصر وشلناه بالنعش
على متون الفاعلين الخيـــــــــر
وضعتها بالقبر وياكبــــر عبرتي
أكايز العـبـــــــــــرات بالضميــــر
وصفوا عليها اللبن اتلى العهد بها
والدمع من فوق النظير يحيــــــر
وعزون في فرقى الحبيبه جماعتي
والله يعطيــــــــن العـزاء في خير
ورجعـت لم الدار والى اصياحهم
كبيرهـــــــم اردا من الصغـيــــــر
قعدت انا بالدار ياشين دارنـــــــا
من عقب فرقى الأم ويش نصيـر
قلت آه واعـزاه عزي لحالتـــــي
وانا اوجس الدنيا بي تستديــــر
الدار انا سبلت ما طالني بهــــا
للداني اللي يستحــق الخيـــــــر
يا دار مالي فيك من عقب ما مضى
يا دار لك غيري وانا القى غيـر
يا دار مالك ذنب الآلـــه مطلــع
لاشك رجلي يوم اجيك تحيـــــر
الله يغفــــــر له ويلطف بحالها
العالــــــم الى بالعباد بصيــــــر
الله يغفر عنك ما ذعذع الهواء
ياخير من نرجيه يا مجيــــــــر
تجيرها في رحمتك وانت ربها
يارب اجرها من عذاب السعير
الله يسامحهـــا والله يبيحهـــا
ويبيحني منها على التقصيـــر
يا الله يالمعبود تجبر مصيبتي
يالمعتلي يا جابر الكسيــــــــر
ياجابر عظــــم له من تلايمـــه
يجبر لو انه غادي شعثريــــــر
يا الله عسى برضاه ربي يجيرني
والله يعلــــــم كــل مايصيــــــر
ياقبر امي طيــب الله لك الثراء
عساك تبقى واسع عـطـيـــــــر
ياقبـر ماضميـت مثله بخاطري
عندي انا والا المسلميــن كثيـر
امامها نـور ونــور اخلافــهـــا
وشمالهـا ويمينهـا منيـــــــــــــر
وجدي على امي كل ليله وساعه
والشاهــــد الله مامعــــــي تدبيــر
وجدي عليها وجد يوسف مع اخوته
يوم اجدعوا يوسف بوسط البيــر
وعادوا لبوهم قايلين مع الأســف
الذيب اكل يوسف بغيــر شويـــــر
وجابوا قميصه فوقه الـدم سايـل
الــــــدم كـــذب بالقميـــص نثيــر
ومن عقب هذا جابوا الذيب كلهم
امحضـريــن الـذيــب للتقــــريـــر
الذيـــــــب قال ليعـقـــوب كلمــــه
نجا بها نفســه وصار جـسـيــــــر
قال أن لحم الانبيـــــــــاء محرمـه
على السباع وكيـــــف ذا يصيــــر
اطلق سبيل الذيب ودموع عـينـــه
تجري من الفرقى لما صار ضرير
الولف والفرقى والفقد والحــــزن
ابكاه لين ابيض منه النـــــظـيــــر
اعاضه الله وهو مييس من السفر
يوم استحس واقـبلــن العـيـــــــر
يعقوب قال اني اجد ريح يوسف
وبيـوسف المفقــود جاء بشيــــر
والقوا على وجهه قميص ليوسف
وارتـد في امر الآلــــه بصيـــــر
وجدي على امي وجد ام موسى
يوم أن موسى بالمهاد صغـيـــر
سوت له التابوت ماهوب ودهـا
وجدعته ابحرن طويل غزيــــــر
ومشت به الامواج ليـن جابتـــه
بدار العـدو الطاغــــــي الكبيــــر
في دار فـرعون قالت زوجتـــــه
لقيت طفـل بالبحــــــــر نظيــــــر
نبغي نربي الطفــــل نبغـاه عندنا
ويبقـــى لنا بالبيـت وهـو أسيــــر
فرعـــون قال اخاف هـذا عــدوي
يقضــي علي إلى صـار كبيــــــــر
قالوا خلــه هذا صغيـــــر ولادرى
والى كبــر مـاله وراك منيــــــــــر
وافق وموسى مارضى يرضع اللبن
ماغير ثـدي امه رضع من غـيــــر
داروا على الي يرضعـه مابغاهـــن
ودلا بـه الخـــــــــــــــدام يستديــــر
شافتهــم اخته يدورون مرضعـــــه
قالـــت أنا بســـوي نيــة خــيــــــــر
ادلكـــــم من يكفلـه في رضاعتـــــه
وردوه لِمــه والآلـــــــه قـــــديــــــر
وجـــدي على امي مايفيـدن توجدي
ولا امــــل القــــــول والتكـريـــــــــر
حملتيني في جوفك يجي تسعة اشهر
مدري عن اللي طال والقصيـــــــــر
ومن عقـب ذا طـلـــق يلوفك بسبتي
يكاد عقلــــــــــك من حشاك يطيــــر
وعاميـن من ثـديـــك حليــب يقيتني
يـــوم أن ثديـك بالحليــب دريــــــــر
وانا على مـتـنـــك بـــروحه وجـيــه
والى قعـدتي لــي حشــاك سـريـــــر
ورضاع ومعاجا بكاي ووصاختـــي
ومعالــــــــــج كنه اعـلاج كسيــــــر
ولا مشيـت وصـرت بالسـوق ماشي
يزيــــد غربالي واصيـــر شــريـــــر
وياما تعـبـتــي كــــل يوم بساقـتـــي
في دورتي من عـقـب كـل اخـيـــــــر
وياما تعـــب قلبك وعينــــك لدورتي
ونا امريح اتعبــــــــــــك بالتدويـــــر
وياما غلطتي بصلاتـــك بسبتــــــــي
واخلفـــك بالتهليل والتكبـــــيــــــــــر
صبرك علينا فوق صبرك على الدهر
ترجين نفعي لاغـديـــــــت كبيـــــــــر
لكن عسى برضاك ربي يجيرنـــــــي
والله سبحانه هــــــــو الــــمجـــيــــر
مهما نـــكمـــــل واجبـــــــات امنــــا
انا اشـــــــوف أن الطويل قـصـيـــــر
الوالده ارضـــــــاه ارضا لربنـــــــــا
الله قاله ما معي تــــــزويـــــــــــــــر
الله يشملها بعفـــــــــــوه ورحمتـه
ويسامحهـــــــا مني سماح بريــــر
لا واهني من قام بواجباتهـــــــــــا
من قام برضا الوالدين بخيــــــــــر
انا اشهد انه تاجر في زمانـــــــــه
حتى ايش لو هــــو بالحلال فـقـيـر
اسباب ما هاض الحشى في مثايله
طير صدفته بالطريق اعـــصــيــــر
تطـيــــــر ما تبعـــــد ومني قريـبـه
وانا اتعجب كيف ما تذيـــــــــــــــر
تميت بقضبها وطارت ووقعـــــــت
وعادت علي بسرعة له زريــــــــر
وصرت أتعجب وأتفكر بسرهــــــا
طيرن سلم وشلون مايطيـــــــــــر
يوم التفت يمين ولا وليدهـــــــــا
بين الحصى متذرين بو كيــــــــر
ساعة خذيت اوليدها طار عقلها
تطير بقصا الجوثــم تعـيـــــــــــر
على الحصى والشوك ترمي بروحها
وتفرك بكبده بالحصـى وتديــــــر
تصيح صوت ماعرف وشلونـــه
وتمزر أحسن ريشها تمزيـــــــر
شفت الحنونه يوم حنة وليدهــا
اثر البكاء بين ولو كان صفيـــر
يحرم عليك الموت مني وبندقي
وافــــــات ربي مالها تحكيــــــر
واعتقتها واطلقت معها وليدهـا
وفرحت بشوفه يوم جاها يسير
ما لومها واللي جرالي جرالهـا
كد ذقت كاس المر والتمريـــــر
ولابد ما يزهى زمانك وينجلـي
زرع زهى قبل الحصاد يصيــر
ولابد ما تسعد لياليك وتعتلـــي
ولابد ما عقب العـــلا تحديـــــر
ولابد ما يصفي زمانك مع الملاء
ولابد ما عقب الصفاء تكديــــر
يا هل القلوب القاسيات ويلكــم
بالماقف الي فيه شر وخيــــــر
يا ويلكم من واحد عالم بكـــــم
الى وقِفِ الميزان للتقريـــــــــر
يوم لا ينفعك مالاً ولا ولـــــــــد
كل شقى والنار لها زفيــــــــــر
الله قال للنار هل امتلأتـــــــــي
وقالت له هل من مزيد كثيــــر
تلقى غضب الوالدين بوسطها
بالدرك الاسفل بس يستديــــر
والى انفسخ جلده من النار وانحرق
يبدل الله له بجلد غيــــــــــــــــر
والى اشتكى من النار يصلاه حرها
شالوه منها الى زمهريـــــــــــر
كانه من اهل الخير ياسعد عينه
مايقدمه حاضر بلا تغـيـيـــــــــر
وكانه من اهل الشر واعزتالــه
ياكثر ما يلقى من التعـــزيـــــــر
الله تعالى كل شئ موضحـــــه
ارسل بشير ومرسلٍ نذيـــــــــر
وآيات من القرآن في كل ساعه
غير الحديث الي به التفسيــــر
{منها خلقناهم وفيها نعيدهم}
وهو ربنا واليه المصيـــــــــر
يقضِ ويمضِ كل حي بدبرته
وعن القدر ما ينفع التحذيــر
وعزي لحالي يوم افكر بحالتي
ولا لي إلا الله لي نصيــــــــر
وان عشت يا يمه وساعدني الولي
حجيت لك يا يمه ولا هوب كثير
والبس احرام الحج البِرِك وألبي
واكثر من التهليل والتكبيــــر
والعبد ما يأخذ من الرزق في يده
الله هو اللي يحسن التدبيــــر
أقولها وقد قالها راعي المثل
في كلمةٍ كد قالها شعيــــــــر
لو أن الأزرق تاتي بقـــــــوه
مع النسر وش يأخذ اعصيفير
ولكن الأزرق بيدين ربنــــــا
يرفع وياضع قادرٍ بصيــــــر
وصلات ربي عد ما ينبت الحيا
وعداد ما رفع حمام يطيــــر
على نبي وضح الله دلايلـــه
شفيعنا بالماقف الكبيـــــــــر
* لشاعــــــــــر: فهـد بن فهـد العلوش