المساعد الشخصي الرقمي

مشاهدة النسخة كاملة : طريقه ســـــــــهله مـــــــــــــره لازالــــــــــــــه....؟؟

بنت عنيزة
19-07-2006, 08:30 PM
السلام عليكم

من اسبوعين قريت موضوع لوحده في احدى المنتديات عن تفتيح الركبه
موضوعها كان سهل وحلو , فقلت اجربه .. المهم انا كنت اعاني من سواد خفيف
في الركبه , الصراحه يوم قريت هالطريقه ضحكت لان من متطلباتها كيس
بلاستيك خخخخخخ , بس سويتها واستمريت عليها واللون خف بنسبة 100%

مب مطوله عليكم خلاص بدخل في الموضوع

اول شي سوي حلاوة للركبة .. لان الحلاوة بتنظف المنطقه وتشل الجلد الجاف
بعدين اخلطي فنجان قهوة زيت زيتون , عصير ليمون ملعقة كبيره ملح و نص فنجان سكر خشن .. اافركي الركبه زين عقب اتركيها لمدة 10 دقايق ,
بعدين اغسلي المنطقه بالماي الدافي

عقب ماتخلصين اخذي كريم جليسوليد وحطي كميه مناسبه وادهني الركبه
زين بهالكريم , بعدين اخذي كيس بلاستيك ولفي ركبتك فيه , طبعا لكل ركبه كيس
وتحملي تربطين الكيس بالقوة مب زين .. المهم بعدين اتخلين الكيس على
الركبه لين اتحسين انها عرقت , يعني ساعتين بالكثير

عقب ماتشلين الكيس , اخذي ليفه خشنه شوي وافركي فيها المنطقه زين

وانتي في الحمام ( وانتوا بكرامه )

.. ونظفيها .. المهم بعد ماتخلصين غسلي المنطقه بماي دافي , وعقب ادهني المنطقه بزيت اللوز المر او ممكن الجلسرين ( انا كل مره انوع ) .. وبسسسسسس

سهله خطواتها ومايبيلها شي , واحلى شي ان النتايج تطلع بسرعه

انشاءلله تعجبكم
جربوها وقولي لي رايكم

احتكم بنت عنيزة
أميرة الورد
20-07-2006, 03:12 AM
تسلــــــــــــــــــــــــــم ايدينك اختي بنت عنيزة ..
موضوعك من جد روعة .. مشكلة سواد الركب منتشرة كثير ..

لا عدمنـــــــــــــــــاك ..




تحيـــــــــــــــــــــاتي ..
كوووبرا
20-07-2006, 03:32 AM
والله اخيتي ركيباتي يلقن يالله من فضلك هههههههه

يعطيك العافيه وماقصرتي والله


تحياتي
جيد المهات
20-07-2006, 09:29 AM
يعطيك العافيه على نقل هالمووضوع

مشكلة تعاني منها بعض البنات والسبب هو الاهمال

من قبلها في سن المراهقه وقبلها من طفولتها

لكن الام الواعيه هي التي تعتني بابنتها من صغرها

وذلك في فترة الحبو على الركب ... بالباسها مايمنع احتكاكها بالارض

واحمد الله واشكره لأم لي .. لم تجعلنا نعاني تلك المشكله

متعها الله بصحتها وابقاها لنا .... آمييين
بنت عنيزة
20-07-2006, 05:33 PM
السلام


شكرا لكم

اميره الورد

سراب

السنافيه

على مشاركتكم وتشريفكم لموضوعي