وسيمة لصاهود خاصة من دون قصور بالجميع .

[أبوتمام]

وين أنت ياصاهود لاتبعد عنا خذ الوسيمة :


ياناس بالله من عيّن لنا صاهود ريف القلوب=ذا له شهر ما حضر ذا له شهر ما حضر
أنا اشهد انّه رفيق الجنب لاصكت عليَّ الدروب=ياقف بدرب الخطر ياقف بدرب الخطر

[الوسمي]

صح لسانك يابعدي وماقصرت اخوي ابو تمام والظاهر ان صاهود طايحن بعسل بس شف وشو

خاصة بعد الدي اس ال ههههههههههه

[أبوتمام]

ما عليك يجي ، ولاجبناه .

[صاهود]

السلام عليكم هلا والله
استاذ بو تمام كيف حالك صح لسانك يامل اقل العافيه على هطرق
هلا والله استاذ الوسمي اليوم ستوديه وشلونك طال عمرك ايه الاتصال مضبوط


عاني ودربك خضر والذاريه تذري بكيف الهبوب = واليوم قيظن حمر واليوم قيظين حمر
يالشاعر العارف البيطار لك ناموس مع كل صوب = شرواك فيه الفخر شرواك فيه الفخر

[أبوتمام]

تسلم وطال عمرك .



تبقى وتحيا ويسلم راسك اللي من غثاه معصوب=لاشك مابك قشر لاشك مابك قشر
عندي خبر وش جرى بين الدروز اوبين شعب الجنوب=مافيهم اللي ظفر مافيهم اللي ظفر

[صاهود]

مرحبا مير ابيك عقبوه تعذرن استاذ ابو تمام عندي دوام بدري


خابرك فاطنٍ تحسب ثم تجمع كل شي محسوب = دايم طريقي يسر دايم طريقي يسر

ابك انت عيينت فيها جنبلاط اثره منافق كذوب = ان جيت اصيده جحر ان جيت اصيده جحر

[صفوق]

تسلم والله يا ابو تمام

[ضاري]

يعطيك العافيه

[الوسمي]

صح السنتكم يالغالين وبيض الله وجيهكم على هالعب الحلو

[أبوتمام]

طيب طيب استلم ...


ناشك من الحية أم جنيب ياصاهود نابٍ عطوب=كم قلت خلك حذر كم قلت خلك حذر
قد قلت لك لاتخبّط فالشجر لكن منتب تتوب=مامعك سمع وبصر مامعك سمع وبصر

[صاهود]

هلا ابو تمام صح لسانك

كم واحدٍ قاد جيشه من رها ويعود فيه امغلوب = حرب الشوارع غدر حرب الشوارع غدر
طبيعة البر هذي ياعميل الخير بردٍ وشوب = والعاقبه بالصبر والعاقبه بالصبر

[أبوتمام]

حياكم الله هلابكم أكثر .

ياسلام سلمت والله وصح لسانك


بالمعركة ما معك قلبٍ عزوم ولاضلوع وجنوب=واللي رغا ما هدر واللي رغا ما هدر
حقِّك وما جاك ياللي تعترض للسانية والغروب=واعصير مابه عصر واعصير مابه عصر

[صاهود]

ياسلام ياسلام




لا صرت تجهل علوم الفرم محسن ماتعرف الحروب = زوره وتلقى خبر زوره وتلقى خبر

وشلون تحكم عليا وانت مادققت فيها رسوب = ليتك تعيد النظر ليتك تعيد النظر

[راعي المجاهيم]

صح السنتكم يالغالين وبيض الله وجيهكم على هالعب الحلو

[أبوتمام]

حياك الله ياراعي المجاهيم وهلابك أكثر .
شرفتنا ياغالي .

طيب طيب ياصاهود .


عندي خبر لاتوصيني واميّز بين شرق وغروب=لكن ربك ستر لكن ربك ستر
شوفي بعيني ولا ني من رجالٍ ينقلون الذنوب=في يوم سبعة عشر في يوم سبعة عشر

[ابوبدر]

http://www.openiu.com/upload/071228/10383567844774e1e1e3d35.gif