التهديد والقطعه

[همس القلوب]

قولوا للي تواصلني وتقطعني = اما تواصل او القطعه القطعه
ماتذكر اشصار ..والا ناسيه يعني = من قال منا انا رايح بلا رجعه
والحين لو جيت ابرجع وش يرجعني = من بعد ما قالت بروح وقلت للقلعه
قولوا لها ان كان ماعادت تتابعني = باقي على خبرها والسمعه السمعه
ماني بكاظم الا حبت تسمعني = ولا ني بنغمه على جوالها الدمعه
صحيح (همس القلوب)بشفاها تلوعني = بنت الذين تقول البنت مرتفعه
اتمدها لين تاخذني وتوجعني = همس القلوووووووب واقول ويش تبغين يالروعه
والحين ماعادني ذيبها المعني = ولا عاد (00000)منها تجي سنعه
راحت عليها تجي بكره تراجعني = بعض القصايد تجي ما تلحق الطبعه
اسبوع توله علي واسبوع تقطعني =تزعلني السبت وتصالحني الجمعه
والحين تبغاني ارجع وش يرجعني = وحياة غنج الشفاه وفتنة اللمعه
لا اقطع قليبها قبل ان يقطعني = واعد ..قطعه وراء قطعه وراء قطعه
ماعاد فيها كذا والا كذا يعني = انا كذا مقتنع والبنت مقتنعه
الله يقطع سوالفها ويقطعني = ان كنت صادق بها التهديد والقطعه

[كوووبرا]

مـانـي بـكـاظـم الا حـبــت تسمـعـنـي
....................ولا نـي بنغـمـه عـلـى جوالـهـا الدمـعـه


الله الله ياهمس القلوب شغل عدل والله يالغالي كلمات في منتهى الروعة والجمال .

صح لسانك وتسلم يمناك لا عدمناك يابعدي


لك خالص تحياتي

[غاوي شعر]

مـاعـاد فيـهـا كــذا والا كــذا يـعـنـي=انــا كــذا مقتـنـع والبـنـت مقتـنـعـه

الله يـقـطـع سـوالـفـهـا ويقـطـعـنـي=ان كنـت صـادق بهـا التهـديـد والقطـعـه

صح لسانك ولاعدمناك. همس ماش ياخوي قلبك خضر . ويحقلك ماتتركه rrr

[سهيل]

والحـيـن ماعـادنـي ذيـبـهـا المـعـنـي = ولا عـاد (000)منـهـا تـجـي سنـعـه

( ... ) نبي الاسم اللي بالفراغ تكفـــى !! :p

صح لسانك همس القلوب ,, القصيده إجمالا جميله جدا وفيها افكار حلوه

وفي بعض الابيات ما لهن سنع ! (>>)

بإنتظار المزيد من الابداع ,,

ppp