مشاهدة النسخة كاملة : قصيدة لإهل البر والصيد


فتى باريس نجد
16-08-2006, 04:23 PM
بسم الله الرحمن الرحيم

إخواني الأفاضل من أعضاء ومشرفين هذي قصيده قرائتها وأعجبتني وأحببت أن تقراؤها معي
وأتمنى أن تحوز على رضاكم
وهي للشاعر طلال بن نشار :

يـــاهل الــولع قلبي تزايد فتوقـه
قصـده يسّج بديرتن مابها أسـوار
من فوق شاصٍ يعجب اللي يسوقه
مضفٍ على كل الصحاري حقوقه
تــّوه جديدٍ كل طبلونه أصفـــار
إليـــا شلع تقول يرخـــي سبــوقه
فــرخٍ قطامي ورّد عقب محـــدار
الطيــر والدربيــل تزهى شنوقـه
والعزبــه اللي زودهــا بن وبهار
أمــل التوانك لا تهمــك عروقه
وإضرب تهاتيه الخلا منت محتار
يحلا نسيم الصبح ساعة شروقه
بــالفيضة اللي كلها نبت نـــوار
يــزين بـدع القاف بحلا طروقه
بقـفــرٍ خلاء مــاطبها كـل دوار
إرم الحـطب والناس كلٍ وشوقه
وجذ الدلال الصفر فمصالي النار
ثــم إحكر الفنجال ويزيــن ذوقه
بــريةٍ يـطــرب لهــا كــل زوار
الصيــد واجــد والنشاما تحوقه
غــزايــرٍٍ دايــم سمينات وخيــار
إرم النظــر مــافيه شئ يعوقــه
برضِ خلاء ترتع بها دق الأبكار
العمـــر فاني والليالي تسوقــه
والــرازق الله والمخاليق قصّار[/align][/align]

الفضي
20-08-2006, 05:31 PM
تسلم اخوي فتى باريس نجد على القصيدة الاكثر من رائعة

وتبي الصراحة ....... والله يا اشتقنا للبر والكشتات

شرررررقاوي
20-08-2006, 07:09 PM
والله قصيده حلووووووووووووهومعبرررررررررره

وفعلا شوقتنا للبر والعزبه والسنع000
يعطيك الف عافيه اخوي000

كوووبرا
21-08-2006, 11:01 PM
تسلم والله يالغالي على هالقصيدة العدلة والروعة ... يعطيك العافيه

الف شكر اخوي فتى باريس نجد

فتى باريس نجد
22-08-2006, 10:40 AM
الفضي
شرررقاوي
سراب

مشكورين يالغالين على المرور

تقبلوا تحياتي