سؤال مهم لاهل الخبرة تكفوون ابي حل ؟؟

[وليد343]

عندي مشكلة بسيارتي شيفرولية تريل بليزر 2004
مشكلة سيارتي بالتفصيل :
غيرت البطارية القديمه وهي من نوع ايسي ديلكو ببطارية جديدة ونفس حجم القديمه 100%100 (وكاله) المهم بعد ماغيرتها طلعت عندي المشكله انه لما اشغل المكيف والسياره واقفه يشتغل الكومبرسر ثواني ينزل ظغط الهواء ثم يفصل الكمبرسر لدرجة انه احياناً تطفى السيارة طبعا كل هذا والسياره واقفه لكن لما امشي بالسياره او ادعس على الاابنص والسياره واقفه يكون شغال وطبيعي بس مجرد ماارفع رجلي عن الاابنص ينزل ضغط الهواء وتطفى السياره.
مع العلم اني وديتها لأكثر من فني اللي يقول الديلمو واللي يقوال حساس المكيف والله مدري من اصدق وخايف يلعبون بالسياره
( طبعا لاحظ ان المشكلةطلعت بعد ماغيرت البطاريه) وعلشان تكون الصورة واضحه اكثر بدون مااشغل المكيف السياره سليمة وطبيعيه ومافيها اي مشكلة.
ارجو التكرم باعطائي حل لمشكلتي او تدلوني على فني ممتاز بالرياض لااني والله تعبت وزي ماتعرفون مايقدر الواحد يستغني عن المكيف .

[نبض المشاعر]

هلابك اخوووي

طيب الوكاله مامريت عليه يشوفون وش الحل


هو مادامك تقول رحت لم فنين يعني وزنو ال ابنص واللاسلاك يعني الخراب من شيء داخلي

وشكرااا

[زيزو عنيزة]

والله يابعد قلبي أنشاء الله أبخدمك بالي أستطيع والعلم عند الله


البطاريه ماله دخل أبد أبد


والمفروض أول ماتشغل المكيف على طول يرتفع الأبنص (تزود دعسة البانزيم تماتيك)

بس الي أنا فهمته منك أن السياره يضعف عشان كذا لازم تدعس على البانزيم عشان يشبك الكمبرسر .
(وأعتقد أن العطل بالرداخ حق الهواء الي يزود البنص أكيد أنا ضعف مع الوقت حاول أنك تأكد منه لأن هو المسئول عن زيادة البنص)

أنشاء الله أنك فهمت يالغالي وأسف كل الأسف على التأخير

[وليد343]

احب اشكركم على المرور واحب اشكر كل القائمين على هذا المنتدى لآكثر من رائع ويعطيكم العافية على سرعة تجاوبكم واحب ابشركم ان مشكلتي والحمدالله انحلت
المشكلة هي برمجة كمبيوتر وكلفتني العملية 20 ريال فقط طبعاً بتستغربون لان برمجة الكبيوتر غالية بس اللي برمجها لي فنان وبرمجها بطريقه يدويه وسهله لدرجة انه ممكن اي واحد يسويها بدون الرجوع الى كهربائي اوغيره واحب افيد انها تصلح لكل من معاه شيفورلية كابرس او لومينااو جمس او....الخ
وراح اذكر لكم الطريقة وانشألله يستفيد منها كل من يواجه نفس مشكلتي او مشكلة من مشاكل البرمجة.

الطريقه هي طبعا زي اعادة ضبط المصنع وهي :

انك تضع المفتاح على وضعبة السويتش الاأخيره بدون ماتشغل السياره
بعدين تفصل احد اصبع البطارية سواً الموجب او السالب وتتركها لمدة مابين 15 الى 30 دقية وبعدها قبل ماتشبك الااصبع رجع المفتاح الى وضعه الااخير( يعني كأنك بطفي السيارة) وبمكأنك تطلع المفتاح من السلف برضوه عادي الحين الااصعب في المهمة انك تشبك الااصبع على طول بدون ما يتحرك اويلوز معك اثنا ربطك له وتشغل السياره وتخليها لمدة 30 دقيقة وانشألله ترجع لوضعها الطبيعي وترجع برمجتها

وعلى فكرة اذا مانجحت معاك من اول مرة ممكن تكرر العملية

[زيزو عنيزة]

الله يعطيك العافيه يابعدي على المعلومه القيمه

[بقايا جروح]

اعتقد انه بالحساس حق المكيف




طع شوري نشبه بالوكاله