الوسمي
29-03-2006, 09:31 PM
السلام عليكم ورحمة الله وبركاته
قصيدة من أروع قصائد الشاعر الكبير بن دويرج رحمه الله وأسكنه فسيح جناته
قصيدة في عنيزة التي عشقها وهو ليس منها ولم يولد بها ولكن توفي بها ودفن فيها سنة 1356 هـ
سقا الفيحاء
سقا الفيحا رواح بارقة يوضي كما البلور = حقوق والرعد له في فنون المزن زلزالي
لاكن به الطها زول المها اللي بالخلا مذيور = إلى هبت ذعاذيع الصبا جاله تعزالي
ثمان أوجاب والرابع سنا برقة يقد النور = من الجمعة إلى الأثنين والمأمور همالي
من البربك إلى رامه وغربيه ضفى بحدور = على وادي الرمه لين سيله يركب الجالي
حقوق صيب نافع على الفيحا وهو مأمور = ولا به شر بل هو خير يحيي الدمدم البالي
سقى دار إيداريها العدو يخشى من المحذور = إلى زامه خضع له خضعت المملوك للوالي
كما العله على كبد الحريب وصيتها مشهور = حشى ما ساقت الخاوه من الأول إلى التالي
ترى سوقه مقاديمه إلى كل بناله سور = ولا فيها يطيعون الوشات وهرج عذالي
إلى صاحت زمول الحرب يضحي ضدهم مكسور = ترى عقالهم مع ثورة البارود جهالي
فإلى منه زبنهم مجرم كنه بجال الطور = ينام الليل لو حمله وحل ما هوب ينشالي
على سامانها لو كان يرمي للحريب إزمور = بواريد تثور وصوت عمال ومحالي
ترى حلياه ما عمر شداد ميوات وحسن اقصور = على ما ينبغي مثل الزهر مختلف الأشكالي
إلى مريت سوق العصر فيها مثل نفخ الصور = قريب من نهار الوحي منه العقل يهتالي
ذكرت اللي بنفسي عن جميع البادية واحضور = على سوق سقاه من المعزه صيب يالي
رعى الله ديرة ما ساقها الحصني ولا السنور = ولا صابه مثل ما صاب غيره ذل واذلالي
لكن اللي امفصلها على تفصالها مجبور = على حد الوعر والغين في دمثات الأسهالي
على فج المناكب يشربن من دارجات انهور = ألا وازينهن كان الثمر بفروعهن مالي
مرابي خردات كنهن من ناعمات الحور = مرابيهن مصابيح مرتبت بالأسهالي
حماها عايل العيال من لا يقتدي بالشور = أبو خالد بعزم وجزم نقاض وفتالي
معه سلت هل الفيحاء إلى كز الحريب اسبور = بكور وصله عدم والكل يرخص عمره الغالي
يبيعون الغوالي دون غر مدعجات خدور = لهم بالطبق هدات كما هدات الأشبالي
حشا ما ظنتي يطري على الخاطر من المخطور = رهابك يا لإلاه اللي على سابع سماء عالي
فلا يشره على دار ربا فيها الأسد وانمور = محال إنه يرام الليث حيث الليث زعالي
ألا يا سورها يا نورها لا تذخر المقدور = ترى الديره طموح وشفها مع كل رجالي
على ما قال الأول كنت حبر فالرجال حبور = ونا ما قوله إلا شاهد المشروع يبرالي
إلى قلت الليال أقفت تراها كد عطت بنحور = علوم الرشد رجليه وعلم السو خيالي
عدوك لو ضحك لك بالشفه مستدخل شابور = خفيه سم والبين عذي الذوق سلسالي
جرا مني نصيحه والنصيحه حقها الدستور = ولا مثلك يواخذني ولو زليت بمثالي
يقوله صاحب اعذار وانت مكرم مافور = عسى عزك يدوم ولا ندور فيك الأبدالي
على سيدي صلاة عد ما ساق الضياء الديجور = عدد ما هل واهمل من حقوق الغيث همالي
عبدالله بن علي بن دويرج
قصيدة من أروع قصائد الشاعر الكبير بن دويرج رحمه الله وأسكنه فسيح جناته
قصيدة في عنيزة التي عشقها وهو ليس منها ولم يولد بها ولكن توفي بها ودفن فيها سنة 1356 هـ
سقا الفيحاء
سقا الفيحا رواح بارقة يوضي كما البلور = حقوق والرعد له في فنون المزن زلزالي
لاكن به الطها زول المها اللي بالخلا مذيور = إلى هبت ذعاذيع الصبا جاله تعزالي
ثمان أوجاب والرابع سنا برقة يقد النور = من الجمعة إلى الأثنين والمأمور همالي
من البربك إلى رامه وغربيه ضفى بحدور = على وادي الرمه لين سيله يركب الجالي
حقوق صيب نافع على الفيحا وهو مأمور = ولا به شر بل هو خير يحيي الدمدم البالي
سقى دار إيداريها العدو يخشى من المحذور = إلى زامه خضع له خضعت المملوك للوالي
كما العله على كبد الحريب وصيتها مشهور = حشى ما ساقت الخاوه من الأول إلى التالي
ترى سوقه مقاديمه إلى كل بناله سور = ولا فيها يطيعون الوشات وهرج عذالي
إلى صاحت زمول الحرب يضحي ضدهم مكسور = ترى عقالهم مع ثورة البارود جهالي
فإلى منه زبنهم مجرم كنه بجال الطور = ينام الليل لو حمله وحل ما هوب ينشالي
على سامانها لو كان يرمي للحريب إزمور = بواريد تثور وصوت عمال ومحالي
ترى حلياه ما عمر شداد ميوات وحسن اقصور = على ما ينبغي مثل الزهر مختلف الأشكالي
إلى مريت سوق العصر فيها مثل نفخ الصور = قريب من نهار الوحي منه العقل يهتالي
ذكرت اللي بنفسي عن جميع البادية واحضور = على سوق سقاه من المعزه صيب يالي
رعى الله ديرة ما ساقها الحصني ولا السنور = ولا صابه مثل ما صاب غيره ذل واذلالي
لكن اللي امفصلها على تفصالها مجبور = على حد الوعر والغين في دمثات الأسهالي
على فج المناكب يشربن من دارجات انهور = ألا وازينهن كان الثمر بفروعهن مالي
مرابي خردات كنهن من ناعمات الحور = مرابيهن مصابيح مرتبت بالأسهالي
حماها عايل العيال من لا يقتدي بالشور = أبو خالد بعزم وجزم نقاض وفتالي
معه سلت هل الفيحاء إلى كز الحريب اسبور = بكور وصله عدم والكل يرخص عمره الغالي
يبيعون الغوالي دون غر مدعجات خدور = لهم بالطبق هدات كما هدات الأشبالي
حشا ما ظنتي يطري على الخاطر من المخطور = رهابك يا لإلاه اللي على سابع سماء عالي
فلا يشره على دار ربا فيها الأسد وانمور = محال إنه يرام الليث حيث الليث زعالي
ألا يا سورها يا نورها لا تذخر المقدور = ترى الديره طموح وشفها مع كل رجالي
على ما قال الأول كنت حبر فالرجال حبور = ونا ما قوله إلا شاهد المشروع يبرالي
إلى قلت الليال أقفت تراها كد عطت بنحور = علوم الرشد رجليه وعلم السو خيالي
عدوك لو ضحك لك بالشفه مستدخل شابور = خفيه سم والبين عذي الذوق سلسالي
جرا مني نصيحه والنصيحه حقها الدستور = ولا مثلك يواخذني ولو زليت بمثالي
يقوله صاحب اعذار وانت مكرم مافور = عسى عزك يدوم ولا ندور فيك الأبدالي
على سيدي صلاة عد ما ساق الضياء الديجور = عدد ما هل واهمل من حقوق الغيث همالي
عبدالله بن علي بن دويرج