تفضل يا صاهود

[راعي المجاهيم]

السلام عليكم ورحمة الله وبركاته
اشوف الخيمه بارده شوي مادري هو من بروده الجو والا وش السالفه والا انشغال الناس عنها
من غير قصور في الجميع ودي العب مع صاهود بجرب حظي معه
استلم ياصهود لاهنت:

وش بلى منتدى الخيمه غشاه الركود = كل ما ادخل عليه القاه ما فيه زود
يا سلامي عليكم عد رمل النفود = والثناء والشكر لله رب العباد

صاهود قرب عسا عمري وعمرك طويل = بي نحيي الخيمه اللي طافيٍ نورها
يا كثر شعارها لكن مهنا ضويل = خيم عليها الغبار وطق ما طورها

[صاهود]

يامرحبا صح لسانك

وش بلاها بلاها كن ماشن يشوق = والبضايع كثيره مير مافيه سوق
مرحبا عد مايكشح كريم البروق =والثنـاء والشكـر لله رب العبـاد ====================================

رع المجاهيم وان وردك يم الدحول = من فوق حمرا سنامه شالعٍ كورها
من فوق حمرا جنها من عريب الزمول= له نية يحيي الساحه وجمهورها

[الوسمي]

ياسلام سلم والله ياحنا مبطين عن العب الحلو وصح السنتكم يالغالين وبيض الله وجيهكم وشد حيلوكم تكفون

[راعي المجاهيم]

السلام عليكم ورحمة الله وبركاته
اررحب يا صاهود وسامحنا على القصور ترى المقصد الاستفاده منك الله يطول عمرك ولا هوب عيب التوجيه والنصح ان جاء في بيوتي خلل
واستلم لاهنت

ازهم الربع ألين العلم يبلغ وياصل = لين كلن يخلي عنه مقرى فواصل
لازم يصير في الخيمه وجود وتواصل = والثناء والشكر لله رب العباد

راعي المجاهيم يارد للدحل والمسيل = يعرف مكان الدحول ومحكمِ شورها
نمشي مع الارض يارجال بأمر الجليل = وانتم هل العزوة اللي باقي دورها

[أبوتمام]

الله الله
مبطين عن اللعب الحلو
بيض الله وجهك ياراعي المجاهيم على هالوسيمة الحلوة
ولاهان أخوي صاهود هديب الشام .

أنا معكم بالصف

[راعي المجاهيم]

السلام عليكم ورحمة الله وبركاته
اخوي الوسمي اخوي ابو تمام يا هلا ويا مرحبا فيكم والخيمه عامره بوجودكم

[عشـير النشاما]

يسلام سلم
وين انتم مبطين عنا
يعطيكم العافيه
لاتنسونن تراي بالصف معكم
:0037::0037::0037::0037::0037:

[صاهود]

يامرحبا هلابك وصح لسانك
يامرحبا اخوي الوسمي كيف حالك طال عمرك
استاذي ابو تمام حياك الله وسررنا بحضورك
حياك الله اخوي عشير النشما ياهلابك

لا توصي وعلمك مع هل العرف شاع = خل كيلك مع الاجواد صعٍ بصاع
أن خسرته خسرته حامض العلم ظاع=والثنـاء والشكـر لله رب العـبـاد========================================

واعلمك اللي تورا بين سعن اوصميل = وجه لنا النظوه اللي طافحٍ زورها
وشلون نغبق وحنى قد شربنا العبيل = صدر كثير العلوم او هات همرورها

[عشـير النشاما]

صح لسانك يالغالي
0037:0037:0037:0037:

[راعي المجاهيم]

السلام عليكم ورحمة الله وبركاته
اررحب يا صاهود
واستلم لاهنت

المثل قايلٍ لا لا توصي الحريص = ثم يطمر لعلمك مثل طمرة قريص
والنخل لختلف تمره يقولون شيص = والثناء والشكر لله رب العباد

بقول لك علم يا صاهود ماله مثيل = تراك في الخيمه العمده وناطورها
كلمتك تسمع من اللي عارفين الجميل = والا المهبل تروح وتلحق قشورها

[أبو ماجد]

الله واكبر عليكم ياسلام سلم:0007:


إيه عيالي هذ ا الشغل العدل


راعي المجاهيم صح لسانك وقليبك ياخلفهم وهذي مطخه:0008:


صاهود حفيدي الله ده دي إزاي بأا يابعدي مردن طيب وأنا جدك إقضب هاالجغفه:0008:




هذا اللعب اللي يونس :0088: ماهوب مثل لعب ال.......... :0021:



والله يا أنا أقرق بس تحملون أباأخذ غطه:0086:

[عشـير النشاما]

ياسلام سلم
لكم خالص شكري
على احياء هذه الخيمه

[صاهود]

صح لسانك اخوي راعي المجاهيم واسف عن التأخر تعرف مامن تكيه على التنت

قاضي الاشتراك وتعرف اذا جددت الاشتراك ابشر بالوسيمه وانا الان داخل من الدوام


صح بند اخوي عشير النشما

هلا والله بجدي ابو ماجد وشلونك ياعرسزي هذي والله الساعه المباركه يوم تمر

لاكن الصغار مثلي لازم يستفيد من اهل الخبره استلم الوسيمه في صفحه ثانيه