اللي يبا درب العلا يسرج الخيل

[سعد البراق]

من قصائدي
/
/


هاضت قريحة شعرنا بالتماثيـل=بالصيد شرد و بالفريدات شِـردا
وانا هجوسي لا حضر يوفي الكيل=سوات حرً يطرد الصيـد طـردا
الفكر صاحي وان دعيته لتجزيل=حاضر وفالـه طيـبً مـا تـردا
الشعر كيف وحكمته كنه الهيـل=واللي بقى من الشعر يكفيه وِردا
يا راعي النمات والقال و القيـل=يا ساردً عوج السواليـف سـردا
هذي تضويهـا بليـا محاصيـل=وهاذيك عن لبس الحشيمين جردا
ينقص مقامك في عيون الرياجيل=المرجله تبغـى شغـومً شقـردا
الله يبـارك بالرجـال الحلاحيـل=روامـة العليـا عليهـا شمـردا
اللي يبا درب العلا يسرج الخيل=لا يشتكي من وقت قيضً وبـردا
قدمه لخطلان الايـادي منازيـل=اللي يديهم من قسى الوقت عردا
واللي يجنب عن دروب المشاكيل=اكيـد مـع دورات الايـام يـردا

[بقايا جروح]

والنعم



صح لسااانك يالذيب

[عادل العتيبي]

الله الله


صح لسااانك من مطلع الشمس لين مغربها



جزله من راس جزل


لاعدمناك



تقبل تحياتي واعجابي بنصك الشعري

[king2007]

تسلم يالغالي...تسلم...
الصراحه قصيدتكـ بالملايين...
صح لسانك ...
ووفقك رب العالمين...
(نورت القسم بابياتكـ)

[عنتر نت*]

يا راعي النمات والقال و القيـل=يا ساردً عوج السواليـف سـردا
هذي تضويهـا بليـا محاصيـل=وهاذيك عن لبس الحشيمين جردا
ينقص مقامك في عيون الرياجيل=المرجله تبغـى شغـومً شقـردا
الله يبـارك بالرجـال الحلاحيـل=روامـة العليـا عليهـا شمـردا



صح لســـانك

شاعرنــا سعد البراق العتيبي


نص في غاية الجمــال..


وإفتتاحيه للقسم أكثر من رائعه


بإنتظار بقية إبداعاتك اخي العزيز


وإلى ذلك الحين دمت بحفظ الله ورعايته

[نقي القوافي]

ابيات رائعة ..

شكرا لك ..

[سعد البراق]

بقايا جروح

الله ينعم حالك ، وصح بدنك ،،

اشكرك على التواجد ،،، .

[سعد البراق]

بقايا جروح

الله ينعم حالك ، وصح بدنك ،،

الله يعطيك العااااااااافيه ،،،

[المغرم]

صح لسانك يا سعد ... قصيدة جزلة
الشعر كيف وحكمته كنه الهيـل
واللي بقى من الشعر يكفيه وِردا
الله الله ...
(ما تردا) شردت عن القافية يا سعد ...
ومهيب غلط بس تضعف القصيدة
(شغـومً شقـردا) تقصد شغاميم شقردية صح؟
الشغموم جمعه شغاميم مهوب شغوم إلا كان هي لهجة خاصة فيمكن
ومثله شقردا ... الصراحه ما عمري سمعت (شقردا) ...
(خطلان الأيدي) الشجعان ... لكن وش معنى خطلان
طبعا هالتعبير معروف عند كبار الشعراء بس أحب أعرف
معنى الكلمة الأصلي ... ومثله (شمردا)
(واللي بقى من الشعر يكفيه وِردا)
من الشعر ... ما تنقري إلا بسرعة
(قدمه لخطلان الايـادي منازيـل)ماش أحس إنه يضلع شوي
وبأوله ثقل بين (قدمه) و(لخطلان) ...
يعطيك العافية يا سعد وهالأسئله ما تقلل من جزالة القصيده
الله يعافيك وسامحنا

[سعد البراق]

عادل العتيبي


صح بدنك والله يعطيك العافيه

اشكرك على التواجد ،،،

[سعد البراق]

شاعر كله مشاعر

صح بدنك واشكرك على التواجد


الله يعطيك العافيه

[سعد البراق]

عنتر نت

صح بدنك


واشكرك على الاشاده و التواجد الجميل

[سعد البراق]

نقي القوافي

الرائع هو تواجدك

الله يعطيك العافيه

[سعد البراق]

المغرم

صح بدنك واشكرك على التواجد

والله يعطيك العافيه ،،


بخصوص ملاحظاتك :

* (ما تردا) اوافقك الرأي بانها لم تشدد كباقي اواخر الكلمات بالشطر الثاني ولكن هي مثل ما قلت ليست غلط في القافيه .


* ( شغوم ) كلمه معروفه واستخدمها الكثير من الشعراء في قصائدهم
مثل الشاعر / عبدالعزيز ابا العون

ملفاك شغومً على الطيـب مدغـاش
،،،،،،،،،،،،،،،،،نجـازي مـلاذ مـدور الحاجتينـي

والآخر يقول / تلفين شغومً يداوى الغلايل ،،، ياحامى الصولات صلال ينخاك

وباقي الكلمات التي ذكرت في استفسارك سمعتها من شيبانا ولكن اصل هذه الكلمات لم ابحث عنها ، واللي يبي يبحث عن اصل هذه الكلمات يبي يتعب
لان كلامنا عامي وبعضه ليس له اصل باللغه العربية
انا ابسألك اصل كلمة (طعس) وش معناها خخخخ اعرف انها العرق
طيب اصل كلمة ( العرق ) وش معناها وابتل على هذا الحال
(الشماغ) اللي تلبس ليش سمي شماغ لماذا لم يقال عمامه
ريح عمرك ولا تشقي نفسك وانا اخوووك
وسالتني عن (شقردا) هي شقردية واجبرني الماقف على هذه الكلمه
وكما تعلم بأنه ( يجوز للشاعر ما لا يجوز لغيره )
وكثير من الشعراء غيرو في بعض الكلمات لان القافيه اجبرتهم
ككلمة التلفون خلوها التفون وكثييييييييير من الكلمات غيروها لان القافيه اجبرتهم .

* ذكرت ايضاً أن عندي كسر أو ثقل أو عرجههههه

بهذا الشطر ( قدمه لخطلان الايادي منازيل )

وانا ابي اسألك اخي الفاضل

القصيده 12 بيت

ايعقل أن شاعر يستطيع أن يوزن 11بيت وشطر ولا يستطيع ان يوزن شطر من القصيده !!

المشكله ليست بالشطر ولكن قرأتك للشطر غير صحيحه

انا اتوقع ان مشكلتك بكلمة ( قدمه ) وترى معناها ( قدامه ) او بمعنى آخر سبقوه

وتنطق هذه الكلمه بكسر القاف .

وهذه المشكله موجوده بالكثير من منتديات الشعر وخاصه اقسام المحاوره

لان اختلاف اللهجات يشكل على الكثير من حيث الوزن .

ولا يحكم على القصيده باختلال الوزن إلا إذا كانت اغلب القصيده مكسره

أما شطر وشطرين وباقي القصيده سليم فاعرف ان المشكله باللهجه .


وشكراً ،،،

[بنت روق رقه وذوق]

.
.
.
سعد البراق..
.
.
.
صح لسانك يالقرم
اشهد بالله انك ابدعت
وبيض الله وجهك
جزلة ووافية
وانت جزل ووافي
.
دمت بخير يالنشمي
.
.
.
أختك بنت روق

[المغرم]

هلا بك يا سعد وشكرا على توضيحك ترانا نعلق علشان نستفيد واناخوك
والشطر ( قدمه لخطلان الايادي منازيل ) صحيح طريقة القراءة هي
اللي ضيعتنا ... فعلا الشطر سليم مية مية وسامحنا طال عمرك
ونا الحقيقة استفدت كثير من توضيحاتك يامال العافية
ويوم أنشدك عن اصول الكلمات كان الهدف المعرفة مهوب الاحراج ترى
اما كلمة (طعس) فهي محرّفة من الكلمة الفصيحة (دعص) وهو كثيب الرمل
شكرا سعد

[سعد البراق]

اختي / بنت روق

صح بدنك يالنشميه

اشكرك على تواجدك

الله يعطيك العافيه ،،،

[سعد البراق]

اخي : الناقد الادبي / المغرم

صدقني اني سعدت بتواجدك واستفد منك

ولا ندعي الكمال فنحن بشر نخطي و نصيب

ولا نستغني عن النقد البناء


وشكرااااااااااااً ،،،

[محمد العبدلي]

سعد البراق

صح لسانكـ

قصيدة أكثر من رائعه

ننتظر جديدكـ أخوي


تحياتي/محمد العبدلي

[نايف العبدلي]

واللي يجنب عن دروب المشاكيل
اكيد مـع دورات الايـام يـردا


أخوي سعد البراااااق صح الساااااااانك

ولاهنت إبآآآآآاع إبدآآآآآآآع

[أبو ناصر]

صح لسانك يا شاعرنا ..

وننتظر المزيد من إبداعك ..