السلام عليكم كل عام وانتم بخير ياربعنا الوسيمه للحاظر

[صاهود]

سلام رديتن من عقب عيد الرمضان = لو انت بعض الاودم بالوصل جافيه
يالله تعيده على الاسلام بأمن وامان = و يالله تعيده على صاهود بالعافيه

[الوسمي]

وعليكم السلام ورحمة الله وبركاتة

وكل عام وانت بالف خير وصحة وسلامة وحياك الله اخوي الغالي صاهود

تسلم والله وصح لسانك يابعدي ويعطيك العافيه


لو ان بعض الاودم بالوصل جافيه


علمك روحك الله يعطيك الصلاح

[صاهود]

هلا والله بالوسمي يالله حيه لا هين شف كم وسمت من مره مارد علي احد من العام

[كوووبرا]

هلابك اخوي صاهود وكل عام ونت بالف خير .. تسلم على الوسيمة

وأن شاء الله يجي احد يرد عليك

[المجهول]

وعليكم السلام ويالله ان تحي اخوي صاهود وصح لسانك يابعدي على هالوسيمه

عسى الله يرزقنا بشاعر يلعب معك

[ساهر ليل]

صاهود

لي الشرف طال عمرك ان اجاريك للاستفادة منك فقط لاغير ،،،،،،،،،،،،،،،،،،،


يامرحبا بالنيابه عن طوال اليمان ***** وان كان وافي ترا اهل المنتدى وافيه

العام دربك يسر واليوم فيه امتحان ***** ياحر جتك الاشاره كافيه كافيه

[كوووبرا]

تسلم والله وصح لسانك اخوي ساهر ليل ويعطيك العافيه .. اخيراً لقينا من يلعب مع صاهود

[صاهود]

الله يحي ربعنا صحت ابدانكم

هلابك اخوي سراب وانت بخير طال عمرك

اخوي المجهول حياك الله طال عمرك

صح لسانك اخوي ساهر اليل يعني وش قصدك مصلحه هههههههههه يارجال الحال مثل بعضه

الدعوه هج اثمك يرزقك الله وحنى اللي نستفيد والضاهر انا قد استفدنا بعد.

فيك البفى يالمفوض وانت راعي حصان = والمشي يعبين مادام الرجل حافيه
لا والله الا عطيتن مير مدك ذنان = يالشاعر اللي سريت او شمعتك طافيه

[ساهر ليل]

صح بدنك اخوي سراب ،،،،،،،،،،،،،،،،،،،،،،،،


استلم يالذيب،،،،،،،،،


ياراعي القاف معك القاف يادوب زان ،،،،، لكن صف الضمير وشّيب القافيه


انا عطيتك ياصاهود الجزال السمان ،،،،، يالشاعر اللي عيونك من عصر غافيه

[صاهود]

صح لسانك

استلم
العام وفيت من جازا الحسان ابحسان = وياكثر من شفت نياته بعدخافيه

مير انت لوح ليا شارفت فوق العدان = رد الخبر جعل حضك دايم العافيه

[ساهر ليل]

صح بدنك

واستلم،،،،،،،،،،،،،،،،،،،،،،،،،،،،،،،


العام قالوا تقلد دور كوفي عنان ،،،،، واليوم اشوفك تقلد شلت المافيه


هرجتك هذي ترا يبغالها ترجمان ،،،،، لايسمج الهرج فالعربان عرافيه

[الوسمي]

يعطيكم العافيه اخوي صاهود وخوي ساهر ليل

[المجهول]

ايامل العافيه وعاشو الربع على هالمحاورة الجيدة وبيض الله وجيهكم

[كوووبرا]

ماقصرتو والله على هالعلب الحلوة وشد حيلكم ترانا معكم

[صاهود]

مرحبا

اسمع

يمكن نزلنا منازيلن تعده طمان = ماهو ردا مير خوف العج والسافيه

ازريت انا ياعميل الخير أعد الزمان = ألوم وسع العدود أو صغر مغرافيه