ياسلامي عليكم

[الذيب]

السلام عليكم ورحمة الله وبركاته--- كل عام وانتم بخير


ياسلامي عليكم بعد طول الغياب=عد مالاح برق الصيف بمزونها
جيت مشتاق لاهل الطيب والكيف طاب=عقب هاك الليال اللي تخبرونها

[كوووبرا]

وعليكم السلام ورحمة الله وبركاتة

ونت بخير وسلامه ويالله ان تحي الغالي الذيب الي لا اقول مجامله بل والله ما في قلبي

اننا اشتقنا لك كثيراً وفرحتي لا توصف هذا اليوم بان رايتك من جديد

صح لسانك وتسلم يمناك يابعدي على هذه الابيات الجميله والرائعه


ربي يخليك ويحفظك من كل شر وتكفى لا تقطع ترانا نوله عليك

[البيان]

بالخير اسمحولي ابا ارد ------ صح لسانك

مرحبا يالمسلم في ربوع الشباب
................ عد فرض الصلاة الي تصلونها
السوالف نبيها منك ببلا عتــــاب
............... والصعايب بعون الله ياهونــــها

[صاهود]

وعليكم السلام وانت بخير وسلامه حياك الله

هلا بالذيب صح لسانك ماقصرت

هلا بالبيان يالله حيه وصح لسانك عدل

[الوسمي]

ماشاء الله حيا الله ربيعنا وياهلا ومرحبا

وشلونك اخوي الذيب وعساك طيب وبخير وعافيه والحمدلله على السلامه

وياهلا باخوي البيان وكيف الحال طال عمرك وعسا كل شي تمام

هلا والله باصاهود وياهلا وغلا


يالله من فضلك الله لا يغير هالجمعه الطيبه التي توسع الصدر

[كوووبرا]

هلا والله ومرحبا باخوي البيان وحياك الله يالغالي وينك وين ايامك فاقدينك ومشتاقين لك

الحمدلله انكم بخير وعافيه


الله يشدكم بالعافيه وواصلوا تكفون

[المجهول]

يالله ان تحيهم اخواني الذيب والبيان وصاهود ويعطيكم العافيه

ترانا بالصفوف يالغالين

[الذ يب]

حياكم الله اخواني الوسمي- سراب- صاهود- البيان- المجهول
والله حنا كذلك مشتاقين لكم لكن الظروف تحكم وياهلا والله بكم كلكم
صح لسانك اخوي البيان والمعذره عن تاخري بالرد ماجات على مانبي
واستلم

عشت ياللي على الممشا يحث الركاب=من رجالن يفيض السمن بصحونها
السوالف كثيره لو نفل الكتاب= وانت رجال مايجهلك مضمونها

[البيان]

مساكم الله بالخير --- حيالله الجميع كل بسمه وشلونكم يالربع عساكم بخير
صح لسانك يالذيب
المعاني على ماقيل ببلا حجـــــــاب
....................... لو تلد النظر ياذيب تلقونــــــــــها
كل شي على حكم الخطا والصواب
....................... ناس ضاعت ولا تسبعك بلحونها

[كوووبرا]

ياسلام مبطين عن هالعب الحلو صح لسانك اخوي الذيب وصح لسانك اخوي البيان

تكفون لا تقطعون وترانا نتحراكم

[الذ يب]

صح لسانك اخوي البيان

[الذ يب]

صح لسانك اخوي البيان


شفت سيارة(ن)فيها كثير الخراب=كل ليله مع السكه يدفونها
البلاالسايق اللي ساقها للهضاب=كل ماروحت يبرم دركسونها

[الوسمي]

ياسلام عليكم وصح السنتكم اخواني الذيب والبيان والله يشدكم بالعافيه

[المجهول]

ايامل العافيه وبيض الله وجيهكم اخوي البيان وخوي الذيب


:clap: :clap: :clap:


البلاالسايق اللي ساقها للهضـاب ....... كل ماروحت يبرم دركسونهـا

[كوووبرا]

الله الله ارحبو ويالله من فضلك الذيب والبيان عز الله استمتعنا ونبسطنا

الله يقويكم وحنا معكم

[صاهود]

:punk: :punk:

عاشو ياسلام

[البيان]

حيا الله الجميع
صح لسانك يالذيب

بيض الله وجه الي ليا جبت جاــب
........................ مير ياذيب انا بنشدك وش لونها
ليت بعض العرب لو دققو بالحساب
........................ هقوتي قبل ليله جيت من دونها

[الذ يب]

صح لسانك يالبيان

لونها احمر لك الله يبعث الاكتأب=الله اكبر عليكم ماتشوفونها
حدها لين تقلب في محير الشعاب= خل كبوتها من فوق طبلونها

[المجهول]

:clap: :clap: :clap: :clap: :clap:


هالمحاورة تطرب الي ما ينطرب بيض الله وجيهكم عمي الذيب وعمي البيان

ايامل العافيه

[كوووبرا]

بعدي والله اخوي الذيب واخوي البيان والله يشدكم بالعافيه على هالعلب الروعة

كفو والله وماقصرتوا

[البيان]

حي الله الجميع --- حياك الله المجهول شارك ياخوي
صح لسانك يالذيب ههههههههههه

مخطر النار وسط النار بالليـــل ذاب
.......................... اجبروها توقف لاتعدونـــها
مرقب (ن) له كم يرقب لصيده عقاب
......................... ما تهيت لنا وصحا تخلونها

[الوسمي]

ياسلام عليكم ويعطيكم العافيه اخوي الذيب واخوي البيان


مرقب (ن) له كم يرقب لصيده عقاب
......................... ما تهيت لنا وصحا تخلونها


الله الله وينك يالذيب

[الذ يب]

الوسمي- سراب- المجهول صحت ابدانكم
صح لسانك اخوي البيان

في طريقك تراها ماعليه عتاب=مسرعه جتك ماجاتك على هونها
كان مانتب ولد ذيب(ن) كلتك الذياب=ودي اشوف فعلك لاتلفونها

[الوسمي]

تسلم يمناك اخوي الذيب ويعطيك العافيه يالغالي ... وينك يالبيان

[البيان]

مساكم الله بالخير ---- وشلونكم
الله الله صح لسانك يالذيب

فعلنا تعرفونه لا نهيب ونهـــــــــــــــاب
........................... والكلاشات انا فرغت مخزونهـــا
عاينوها على الرفرف تشوف الصواب
........................... عنك طلق المشوك كسر اعيونها

[الوسمي]

الله الله تسلم اخوي البيان وصح لسانك ويعطيك العافيه .. وينك يالذيب

[المجهول]

:clap: :clap: :clap: :clap: :clap: :clap: :clap:


عاينوها على الرفرف تشوف الصواب
........................... عنك طلق المشوك كسر اعيونها



صح لسانك عمي البيان

[كوووبرا]

عدل عدل تسلمون اخواني البيان والذيب على هالعلب الحلو

[صاهود]

ياسلام

كفو عاشو الربع واصول لله دركم :clap: :clap: :clap: :clap: :clap: :clap: :clap: :clap: