أبوزياد
01-01-2008, 07:21 PM
بسم الله الرحمن الرحيم
الفضل لاَهْلَ الفضل
بمناسبة الاحتفال الذي أقامه الشيخ حمد بن حسن العميم البقمي مدير متوسطة أبي عبيدة في عنيزة جنوب البديعه تكريما للشيخ الأستاذ صالح بن محمد المزيني مدرس التاريخ بمناسبة إحالته على التقاعد حسب طلبه (11/11/1428هـ):
سبحان من رَتَّب لنا الكون بالدور=وَارْسَى لنا بين القلوب العَلاقِه
من رحمِتِه وِهْدَايِتِه ساطِعَ النُّور=نَمْشي على نوره ونَتْبع سِياقِه
نِعِيش بالتَّدْريج والخلق مامور=حِسْنَ الخَواتيمَ الجِميله شِفاقِه
في دولة الإيمان والأمن موفور=واللي يخالفنا عرفنا نفاقه
هذ العَلَم من فُوقَ الاَحْبَاب منشور=اِسْمَ الأَمِين ابوعبيده وِثَاقِه
في مامِضَى ذِكْرَ التَّقَاعِد منَ الجور=كِنِّه نِذِيرَ الموت والا الإِعاقِه
هو مِبْتِدا النَّسيان والغِيب محذور=واليوم بابٍ للشَّرَف واللِّياقِه
في ذِمِّةَ التَّعليم للشِّكْر دِسْتُور=يَبْعَث دِفِينَ الحُبّ من عِقْب فاقِه
هذا المزيني له من الفَضْل مذخور=وَثَّق له الشِّيخَ المنِير البِطاقِه
إدارةَ التَّعليم تشهد على الفور=أَوَّل مَراسِمها الْعْليَّان سَاقِه
ثُمَّ النِّعيم بْخِير والدَّرْب ماثور=وَاهْدَى له الميمان بالمدح باقِه
والدُّور للمنصور ثابِت ومذكور=يِزِيد في عَهْدَ العبيكي لِباقِه
واليوم يوسف كَلِّلِه وَرْد وِزْهُور=في ساعِةٍ مشهودِةٍ للرُّفاقِه
فيها المحافظ شَرَّفَ الحفل مشكور=يَبْسُط على حاضر عنيزة رْوَاقِه
والثَّانويِّه دُورَها منه منظور=سَجَّل لنا الميمان عام انْطِلاقِه
اِنْشِد وتَلقْى دَرْبَ الاَخْيَار مَعْمور=عند الجوِيعِد والزمن له سِبَاقِه
وَامْضَى معَ الصِّيخان بَاعْوَام وِشْهُور=يَفْتَح لنا من بابَ الاِخْلاَص طاقِه
أَدْوَار من قَلْبٍ على الحق دكتور=يَمْلِك منَ اسْبَابَ الهْدَايِه عراقِه
هذا المزيني صافِيَ الرَّاي والشُّور=نجمٍ نَخَاف اذا اسْتَراح احْتِراقِه
ماهو على التَّاريخ جامِد ومقصور=في كِلْمِةٍ تِلْقَى بْسَاعَةْ فِرَاقِه
يارايِدَ التَّكرِيم بالحق منصور=افْتَح عنَ اللِّيلَ البِهيمِ انْغِلاَقِه
يابوحَسَن مانَقْبله يوم محصور=خلوه سِنِّه للجميع اعْتِنَاقِه
إن ماذِكرت الشيخ مانيب معذور=والفضل لاهل الفضل يلقى وفِاقِه
أنا منَ التَّقْدير والشُّكر مسرور=ماظَنِّتِي بالطِّيب يِمْكِن لحاقِه
صلاة ربِّي كِنَّها الدُّرّ منثور=على نبي خالَفَ اهْلَ الحماقِه
ابوزياد _ عبدالرحمن بن عبدالله الهقاص–عنيزة 11/11/1428هـ
الفضل لاَهْلَ الفضل
بمناسبة الاحتفال الذي أقامه الشيخ حمد بن حسن العميم البقمي مدير متوسطة أبي عبيدة في عنيزة جنوب البديعه تكريما للشيخ الأستاذ صالح بن محمد المزيني مدرس التاريخ بمناسبة إحالته على التقاعد حسب طلبه (11/11/1428هـ):
سبحان من رَتَّب لنا الكون بالدور=وَارْسَى لنا بين القلوب العَلاقِه
من رحمِتِه وِهْدَايِتِه ساطِعَ النُّور=نَمْشي على نوره ونَتْبع سِياقِه
نِعِيش بالتَّدْريج والخلق مامور=حِسْنَ الخَواتيمَ الجِميله شِفاقِه
في دولة الإيمان والأمن موفور=واللي يخالفنا عرفنا نفاقه
هذ العَلَم من فُوقَ الاَحْبَاب منشور=اِسْمَ الأَمِين ابوعبيده وِثَاقِه
في مامِضَى ذِكْرَ التَّقَاعِد منَ الجور=كِنِّه نِذِيرَ الموت والا الإِعاقِه
هو مِبْتِدا النَّسيان والغِيب محذور=واليوم بابٍ للشَّرَف واللِّياقِه
في ذِمِّةَ التَّعليم للشِّكْر دِسْتُور=يَبْعَث دِفِينَ الحُبّ من عِقْب فاقِه
هذا المزيني له من الفَضْل مذخور=وَثَّق له الشِّيخَ المنِير البِطاقِه
إدارةَ التَّعليم تشهد على الفور=أَوَّل مَراسِمها الْعْليَّان سَاقِه
ثُمَّ النِّعيم بْخِير والدَّرْب ماثور=وَاهْدَى له الميمان بالمدح باقِه
والدُّور للمنصور ثابِت ومذكور=يِزِيد في عَهْدَ العبيكي لِباقِه
واليوم يوسف كَلِّلِه وَرْد وِزْهُور=في ساعِةٍ مشهودِةٍ للرُّفاقِه
فيها المحافظ شَرَّفَ الحفل مشكور=يَبْسُط على حاضر عنيزة رْوَاقِه
والثَّانويِّه دُورَها منه منظور=سَجَّل لنا الميمان عام انْطِلاقِه
اِنْشِد وتَلقْى دَرْبَ الاَخْيَار مَعْمور=عند الجوِيعِد والزمن له سِبَاقِه
وَامْضَى معَ الصِّيخان بَاعْوَام وِشْهُور=يَفْتَح لنا من بابَ الاِخْلاَص طاقِه
أَدْوَار من قَلْبٍ على الحق دكتور=يَمْلِك منَ اسْبَابَ الهْدَايِه عراقِه
هذا المزيني صافِيَ الرَّاي والشُّور=نجمٍ نَخَاف اذا اسْتَراح احْتِراقِه
ماهو على التَّاريخ جامِد ومقصور=في كِلْمِةٍ تِلْقَى بْسَاعَةْ فِرَاقِه
يارايِدَ التَّكرِيم بالحق منصور=افْتَح عنَ اللِّيلَ البِهيمِ انْغِلاَقِه
يابوحَسَن مانَقْبله يوم محصور=خلوه سِنِّه للجميع اعْتِنَاقِه
إن ماذِكرت الشيخ مانيب معذور=والفضل لاهل الفضل يلقى وفِاقِه
أنا منَ التَّقْدير والشُّكر مسرور=ماظَنِّتِي بالطِّيب يِمْكِن لحاقِه
صلاة ربِّي كِنَّها الدُّرّ منثور=على نبي خالَفَ اهْلَ الحماقِه
ابوزياد _ عبدالرحمن بن عبدالله الهقاص–عنيزة 11/11/1428هـ