مرحبا بالطارف

[راعي المجاهيم]

السلام عليكم ورحمة الله وبركاته
مسيتوو بالخير كلكم عيدكم مبارك عقب اللي عقب الزحمه
بصراحه انا امر على المنتدى كل يوم ولا شفت فيه شى جديد ولا ادري وش السالفه وين شعار المنتدى نحب دايم نشوف الجديد
وحبيت احرك المنتدى ولو ان اليد الوحده ما تصفق مثل ما تعرفون وانا اعرف ان فيه شعار كثير وفيهم بركه وهم اكيد اقدر مني بس يمكن انهم مشغولين
وهالحين اللي تخف نفسه يتفضل الله يحييه

وين البحر هو وابو تمام وصحيبه = صاهود لا من زهمته يعجبك طيبه
مع باقي الربع كل ٍ حسب ترتيبه = مسيت بالخير يا شعب السعوديه

سلام رديه سوات الشمس في روس الجبال = تكسي عنيزه كلها واللي بها يدري بها
يامرحبا بالشاعر اللي قام من طيبه وقال= يا مرحبا يا مرحبا يا مرحبا يسري بها

[مهـــــند]

وعليكم السلام ورحمة الله وبركاته

ياسلام سلم

كل عام وانت بالف خير يالغالي صح لسانك والله ربي يعافيك

وين الربع تكفووون يالنشاما ميت هالقسم وين الي يحييه


مشكوووور ياراعي المجاهيم ربي يخليك

دمت بود

[صاهود]

مرحبا هلا والله ايه اذا وسم الواحد يلقا من يرد بس انتم احضرو

قدمك ليا من بغيت اللعب طرشها = ارسل بيوتك بمعنها نناقشها
في قمة الطيب دامك صرت حايشها = مسيت بالخير يا شعب السعوديـه
=======================================
يا مرحبا يا مرحبا بقولها في كل حال= ترحيبةٍ تكسى اللحا باللي حضر وشنبها
وشلون ذودك ياعميل الخير وشلون الحلال = نبي ننشد عن علوم الذود وانت ادربها

[راعي المجاهيم]

ارررحب يا صاعودواستلم لا هنت:

طرشتها يا عسا ربي يوفقها= وترضى بها يا عميلي قبل تعشقها
مثايلٍ من هجوسي مالفقها = مسيت بالخير يا شعب السعوديه

ابك البقاء ياللي ترحب كل ماجاله مجال = من راس عودٍ لو بغا الهرجه يجي ويجيبها
ابشرك ذودي بخير ولو على العالم عدال = يالله عسا المولى يغيث سهولها وشعيبها

[مهـــــند]

صح لسانك ياصاهود ربي يعافيك

تسلمون عسى الله يسعد ايامكم

دمتم بخير

[سعد البراق]

راع المجاهيم

صح السانك والله لا يهينك

حنا وانا اخوووك ماسكين الصفوف


صاهود

صح السانك يا بعدي

وفيت و كفيت

مار وانا اخوووك ترى القافيه بالشطر الثاني على اربعة حروف ( يبها )

شكلك من العجله خليتها على ثلاثة حروف


متابعين للفائده

[صاهود]

مرحبا
صح لسانك يارعي المجاهيم
صح بدانك اخوي مهند
صح بدانك اخوي سعد ماقصرت ايه كلامك صحيح لاهنت

حي المثايل وحي اللي يغنيها = تشدى لهجنٍ هميماتٍ معنيها
مرسولها ابيات يامحلا معنيها = مسيت بالخير يا شعب السعوديـه
يالله طلبتك يامغيث الناس من وبل ولاخيال = ياواحدٍ مدات جوده للبرى يصخيبها
تسقى الديار ابرحمتك مولاي من عقب المحال = يالله ثعاليل السحايب كل يوم ايصيبها

[راعي المجاهيم]

ارررحب يا صاهود
واستلم لاهنت:

صاهود عجل علينا لا تحيرنا= الملعبه حاميه والصبح واصلنا
والمنتدى في نجاحه من تكاتفنا= مسيت بالخير يا شعب السعوديه

يالله يا يالله يا يالله ترزقنا الحلال = من واحد لا جاد جوده للبشر تدريبها
يالله عسا ربي يتقبل منك يا صاهود فال= يومٍ فضيل ودعوة اهل الخير دايم جيبها

[صاهود]

يارع المجهيم ناقك يارجل سقها = انهم لها قبل ذود الناس يسبها
لديره اللي مريفه ناض بارقها = مسيت بالخير يا شعب السعوديه
اركب على حمرا هميمه ماثنا يدها عقال = دوج الفيافي خابر انك بالفيافي ذيبها
مال للحمول اللي نبيها يالعميل الا الجمال = منكم زهاب الساريه ياصاحبي نحريبها

[راعي المجاهيم]

ارررحب يا صاهود
الحمد لله على السلامه طولت علينا

صاهود لياك تلغي قوس وتحط قوس = عطني علوم المطر من بعد جات العسوس
واشرس حروب العرب يا خوك حرب البسوس = مسيت بالخير يا شعب السعوديه

دجنا الفيافي كلها يا صاحبي والعلم قال = مال للفيفاي غير رجالٍ درس ترتيبها
ومال للحمول ان جت ثقيله غير صعبات المنال = وازهل زهاب الساريه ياصاحبي ما اسيبها

[عشـير النشاما]

يسلام سلم
صح لسانك اخوي راعي المجاهيم
ولايهون اخوي الغالي صاهود

[صاهود]

اسفين عن التأخر صح لسانك

مانيب مثل اللذي يمشي يمين الطرق= علم المطر قالو انه ياعميلي شرق
من يوم خامس وذلحينه عليهوم برق =مسيـت بالخيـر يـا شـعـب السعـوديـه
شفتك تدوج في رياضين الحسك ببلا نعال = الارض وانته ماتخبره لتجي تعديبها
كل الهبايب بالشتا مقبلوتن غير الشمال = اليا تغطلس جونا الارض الا تغديبها

[راعي المجاهيم]

ما قصرت يا صاهود صح لسانك

والى اللقاء في وسيمة قادمه

[Śųltąŋ]

الله يعطيك العافية يالغالي ..

شكراً من القلب..