مهرجان الماعز السورية بعنيزة

[أبو ناصر]

دعوة لحضور مهرجان

يقام يوم الخميس القادم 29/3/1427هـ مهرجان للماعز السوري بعنيزة والذي يقوم به منظموا مهرجانات الضلعة بعنيزة .
ويستقطب المهرجان العديد من محبي وملاك تلك السلالات النادرة من مختلف مناطق المملكة ودول الخليج .
ويبداء المهرجان بعد تناول وجبة العشاء والتي يقدمها المنظمين بعد صلاة العشاء ، وتصل أسعار بعض الأغنام المعروضة في المهرجان إلى مبالغ عالية قد تصل إلى أكثر من 50000 ريال .
الموقع عل طريق الضلعة
والدعوة عامة للجميع .

صورة عنز سورية مشتراه بمبلغ 52000 ريال ومعها ثلاث سخال .
116

[كوووبرا]

تسلم والله يابو ناصر على هالمعلومات عن هذا المهرجان .

بالتوفيق ان شاء الله لجميع المهتمين بهذا النوادر

لك خالص تحياتي

[الوسمي]

الله يعطيك العافيه أخوي ابو ناصر وماقصرت يابعدي على هالدعوة

بالتوفيق ان شاء الله

تحياتي

[أبوأحمد]

كررررررررررره
منب اواطن السوري واوووووووووووووووووه شكله شين استغفر الله

[مالك الشاص]

والله شكله شين بالحيل

[كريم المرور]

صراحة أول ماقالوا لي عن هالمهرجان ما صدقت 0 معقول : أجمل شارع ،حي ،بيت ،00الخ لكن ماعز أظنها بهذه الأسعار غير مقبولة شرعا ولا عقلا 0أرجو المعذرة إن كنت صدمت ذوق أحد0

[فتى باريس نجد]

والله شكله مايستاهل القيمه لإنه تقل صغير شوي

يسلموا أبو ناصر على الموضوع

تقبل تحياتي

[أبو ناصر]

سراب .. الجارح .. أبوأحمد .. مالك الشاص .. كريم المرور .. فتى باريس نجد

شكراً للجميع على المرور

أما من ناحية الذوق والرغبة ، فهذي هواية تصلح لناس وناس ما تصلح لهم

وأحب أفيد بمعلومة
أن العنز المعروضة بيعت بحراج في الرياض ( يعني مزاود رجاجيل ) مع ثنتين من بناتها بمبلغ 60000 ريال صافي ( أي بثلاثة وستون ألف ريال ) قيمة موتر

المهم بالموضوع .. هذي هواية لفئة من الناس مثلها مثل الهوايات الأخرى

لكن مع فرق وجود الربحية في هذي الهواية ( معروف بعض الهوايات ما يجيك منها إلا الخسائر والفشيلة و ..... )

وعلى فكرة ... يوم أن الغرب يبوعون اللوحات الفنية ( واللي يعتبرها البعض شخابيط ) بملايين الدولارات تبيهم ما عندهم سالفه

أشكر للجميع تشريفهم الموضوع ، وحبيت الإيضاح فقط

وسامحونا .......

[عاالشروكي ــشق]

الصرا حه انا ماعرف للغنم بس دام سعره عالي اكيد زينه

ههههههههههههههههههههههههههههههههههههههههه

[حميدو]

اووووووووووهـ ياشيخ يابو ناصر والله ياهي قهرررررررررررررررر

فاتنا عرض الأزياء للغنمات الحلوات ههههههههههههههههههههههههههههه

لو اجيب الغنمه اللي عندنا بالبيت تشرونه يا شباب ؟؟؟

الصراحه ياهي غثيثه مب مثل الدباب ،، الدباب ياقف بالقراش ما يقول شئ وهي ماغير تثاغي
هههههههههههههههههههههههههههههههههههه

الصراحه مزعجه عادي شباب والله اجدع لكم به بس فكونا منه قريبا راح انزل له صوره بس اوديه للكوفيره اسوي له بعض التعديلات وانزله لكم ههههههههههههههههههههههههههه

تحياتي

[ابو حمد]

الله يعطيك العافيه أخوي ابو ناصر