المساعد الشخصي الرقمي

مشاهدة النسخة كاملة : اصعب المواقف التي حدثت لك اثناء القياده..شارك برايك

بنت عنيزة
22-04-2006, 07:55 PM
السلام عليكم ورحمه الله وبركاته

صباح الخير جميعا...........مساء الخير جميعا

ودي اطرح موضوع

عن اصعب المواقف واللحظات التي تحدث للشخص اثناء القياده>>> اللاخت طبعا قصدها انتم

وكيفيه تصرف الشخص اثناء الموقف

لكي نستفيدوا انتم من المواقف اذا حدثت لكم مستقبلا......


انا اصعب موقف صار لي مع اخوي

هو ان انفجار كفر علي على طريق الرياض

ولكن الله ستر الحمدلله

ان الوقت كله كان مطر وهواء شديد مايخلي احد يقدر يسوي شي

ولا قدر اخوي اغير الكفر الا بعد مرور ساعتين

كل من حصل له موقف صعب يطرحه للافاده>>> والضحك بعد

وشكرا لكم
كوووبرا
23-04-2006, 12:27 AM
ما قلتلك أختي بنت عنيزة ان مواضيعك مهب صاحيه .


اذكر موقف كنا جاين من البر ومسرعين ومعنا كسره ددسن تحوم تسبد الحمار من شيناه .

المهم وحنا بالمطين مسريعين ايقالنا وهي يالله تمشي 60 المهم وحنا نسولف ما درينا الا الكبوت طاير وعلى القزازة ومانشوف شي وعلى طول اخيك يطلع راسه مع الدريشة وووقف السيارة هههههههههههههه

والحمدلله مرت على خير بس بجد خفت ونا طبعي ذروق هههههههه

صدز هالموقف عجزت انساه


الف شكر اختي على هالمواضيع الحلوة
المميز
24-04-2006, 03:13 PM
ههههههههههههههههههههه الله يرجك اخووي سرااب على هاموقف انا الصرااحه مااذكر اني حصلي موقف يرووع
بنت عنيزة
25-04-2006, 10:34 PM
السلام عليكم ورحمه الله وبركاته

ههههههههههههههههههههههه
هههههههههههههههههههههههههه

والله موقف خطير

مشكور اخوي سراب
واخوي السياسي تذكر يمكن صاير لك شئ وانت ناسي

يعطيكم العافيه
احسـاس
28-04-2006, 01:11 AM
السلام عليكم ورحمه الله وبركاته

انا من اصعب المواقف الي حصلت لي

مره كنا طالعين للبر وجلسنا لين الليل ولما رجعنا وقبل مانطلع من البر

طفت السياره علينا وتخيلو ضلام ماتشوف ايدك ونجلس والجوال مافي شبكه

والحمدالله جاء واحد وجلسنا نحاول بالسياره واشتغلت وبس


اخوكم صعوبي
مالك الشاص
15-05-2006, 04:37 PM
الحمدلله على السلامه اخوي صعوبي
97*الهلي خلي*97
16-05-2006, 11:45 PM
مشكوين كلكم على مواقفكم
ومشكورة إختي بنت عنيزة على الموضوع الحلو
المهم ....ابقولكم موقف صارلي...
مرة كنت راجع أنا والعيال ومعنا باترل ديزل من مرقى الخرارة الي عند المزاحمية كانكم تعرفونه المهم كنا راجعين لرياض وطبعاً كان مثل السفر حول 80-100 كيلو وحنا طالعين على الخط نبنمسكه سمعنا صوت طقطقه يوم وقفنا لقينا الكفر الي قدام على اليمين طايح طالع من مكانة شوي ويطيح بس الحمد الله لقينا الصواميل وركبناه ومشينا يوم مشينا 10 كيلو تقريباً كنا نمشي حول المية وصدفة وأنا أكلم بالجوال نزلت السيارة من قدام شوي وأشوف شي يطير بجنبي (كنت قاعد وراء السواق)وأشوف شرار تحت وأناظر زين أثر الكفر يناقز جنبي والهوب يحك بالزفلت ويطلع شرار بس الحمد الله معنا سواق على مستوى ماشاء الله سحب جلنطات ورد نمر الين وقف السيارة بدون ماتنقلب ويوم وقفنا نشوف الكفر ماسك خط مدرعم قدام وجبنا الكفر والحمد الله محد وطاه ولا نط بالسيد الثاني وركبنا الكفر بأربع صواميل تقريباً الي هن حقات السبير ومشينا وكل 5 -10 كيلو نوقف ونشد الصواميل زين الين وصلنا والحمد الله.

بس نصيحة لاأحد يركب صواميل تجارية .

وشكراً لكم جميعاً.

أخوكم 97*الهلي خلي*97
عبووود
12-08-2008, 03:54 AM
السلام عليكم
اولا الحمدلله كلكم على سلمتكم
ثانيا الله يخليتس بنت عنيزة ولا يحرمنى من موضيعتس الرائعه
ثلاثا <<< مسوي تفلسف
المهم هذا موقفي كنت راجع من المدينه مع اهلي واخووي ومعني باترل 2004 المهم وحنا راجعين معنا خالتي وخوافه بالروحه انا ورا باخر شي وبرجعه قالت خالتي انا ابرووح ورا المهم اخووي راعي سرعه ومسرع نمشي 180 انا سمعت طقه يووم التفت ولا الموتر افترك ضرب كفر ورا يسار اخوي الله ليضره سواق ضرب فرامل ويفك المى وقف الموتر بالطريق ورانا خالي واخوياوه بعيدين عنا شوي يوم خطم ولانا وقفين ويشوف نحربش بالكفر رجع معاكس على الردميه نزلو هو واخوياه يعاونوننا فرشنا فرشه تحت على الردميه ونزلو اهلي فكينا ا لصواميل مر يعيي الكفر يطلع ولا الكفر متقطع وملتوي على الهووك ونقعد نقطع الكفر الما طلع وركبنا الستبنه ومشينا
والحمد لله
والله يكفينا ويكفيكم شر الحوادث
اخوكم :عبووود
عاطل
12-08-2008, 04:04 AM
اول شي اشكرك على الموضوع الرائع

مع ان الموضوع له سنتين خخخخخخخ

المهم ذاك اليوم مطلع موتري الجيب من الورشة

موديله 81 وتون مزين الاذرعه

المهم وادخل مع اللفة على سرعتي

وينطلق الذراع والله وبالشجرة خخخخخخخخخخخخخخ

ولاكانه صار شي لبق عند البيت وطف خخخخخخخخ