كوووبرا
23-04-2006, 11:20 AM
السلام عليكم ورحمة الله وبركاته
الشاعر حمد بن عبدالرحمن المغيولي من فحول الشعراء المعاصرين ولد عام 1353هـ في مدينة الشعر ( مدينة عنيزة ) وتميز بالذكاء والنبوغ الذي ظهر في قصائده ذوات الافكار الجديده الخاصه بحمد المغيولي فقط .
احب الصحراء واثرت في شاعريته وقصائده التي اصبحت جميلة المعاني جزلة الالفاظ .
يعتبر (ابو دحيم ) كما يحب عشاقه ان ينادوه من فرسان المحاوره المعدودين وكان يعتبر من مراكز القوة ومن اميز شعراء المحاورة في المملكة وقد لعب محاورات مع كبار الشعراء ( علي ابو ماجد - علي القري - عبدالعزيز البادي - محمد بن ثعلي - احمد الناصر - مطلق الثبيتي مستور العصيمي - شليويح المطيري ) وبالذات مع الشاعر عبدالعزيز البادي حيث اثريا ساحة الرد في عنيزة فترة طويله .
انتقل من عنيزة للعمل في الرياض ( وزارة الدفاع) ومارس الاعمال الحرة في مجال حفر الآبار واستقر به المقام في مدينة تبوك لظروف العمل هناك وتوفي فيها بتاريخ 7/5/ 1416هـ ودفن هناك رحمه الله
اشتهر شعره كثيرا وتناقله الرواه وليس له ديوان مطبوع الا ان هناك اجتهادات من بعض المعجبين الذين حاولوا جمع قصائده في مذكرة كما فعل الاخوان في دار التراث في عنيزة وكذلك نشر له بعض القصائد في ديوان شعراء عنيزة الشعبيون الجزء الثاني ونتمنى ان يجمع شعره في ديوان خاص به فشعره يعتبر ثروه شعريه قل ان تجد مثلها في هذا الزمن ..
أتمنى منكم اخواني من لديه قصائد لهذا الشاعر الكبير ان يتحفنا بها وخاصة انه يوجد قصائد لم تنشر بعد .
أخترت لكم هذه القصيدة ...
الاياقلب ياللي كل ماجاء الليل جاه خلاج=يلوج ويلتوي بالجاش من شي تورج له
اعاني من عنى جرح خفق بين الضلوع ولاج=عرضته للطبيب اللي مدحتوا ماتخرجله
دريت ان الهوى يرث جروح مالهن علاج=الازاد الغلى واللي توده قاصر رجله
يخاف من العيون الشامته واكذوبة الهراج=الا جا الصبح هراج القفى يكثر بنا دجله
انا بصبر عسى بالصبر لو طال الفراق فراج=على شانك وغيرك ماسهرت الليل من اجله
على شانك ومن شانك حياتي بالحياة احراج=عسى قلب شبكته بالهوى ربي يفرج له
تكايدني بخد مادرج من فوقه المكياج=طبيعي الجمال اللي على الوجنه هدب نجله
عليه اربع نجوم وزودوه من الحلى بالتاج=زعيم الحسن له حق الجمال اللي يتوج له
الايامجيب دعوة من دعاك بليلة المعراج=دعاك بجاهك التخفيف تقبل طلبة عجله
تساعدني على خل تركني للشقى مسهاج=ثمان سنين من عمري وانا مرهون في سجله
اعوم بغبة امواجه لما ساقتني الامواج=على شط الفرات ايام وايام على دجله
وهذه قصيدة أخرى للشاعر الكبير ابو دحيم رحمة الله ..
وجودي وجوداللي جذب ونته واشتان=بعدماوقع وافلت من ايدينه الطاره
قلب موتره بالقيظ في حومة النقيان=صميله وهو ظامي على الباب مطاره
فزع للهمل بالقايله والقدم حفيان=تعب وانقلب يبكي على شوف سياره
عرض له حلال القوم طفق من القعدان=جفل ساع شافه يوم حظه طفت ناره
يبي نقذة للعود والعجز والورعان=يدير الروابع والهواجيس محتاره
قعد بالخلا لامن صميل ولاحذيان=صفق بيده اليمنى من الوجد بيساره
ضرب ركعتين وسلم امره الى الرحمن=كفى يامكافي والمقادير جباره
بعد مانصرم نصف الشهر جابوا الرعيان=خبر ميت بين الطعاميس والقاره
لقوا جثته ثم اشعروا بالخبر سلمان=وقال ابعثوا يكشف على النفد طياره
انا صابني مثله من الهاتك الفتان=طلبته بصلح وشنها امس الضحى غاره
انا وش حياتي كان ابصبر على ماجان=معك حق تلعب لعبة الفرد بالشاره
زماني وانا اراعيك عن جملة الخلان=وافوضك تاخذ جوهر القلب واسراره
عسى ربما ترحم وتعطف على الوجعان=على راحتك تسمح من الورد نواره
اطفي فؤاد تشتعل جوفه النيران=ولو حبة بين العشاريق وزراره
احللك وادعي لك من الخالق الغفران=الى انقذت روحي من شقى الحب واكداره
رحمة الله رحمة واسعة وأدخله فسيح جناته .
رجاءً من الأخوة الا يبخلو علينا بقصائد الشاعر الكبير حمد المغيولي رحمه الله
الشاعر حمد بن عبدالرحمن المغيولي من فحول الشعراء المعاصرين ولد عام 1353هـ في مدينة الشعر ( مدينة عنيزة ) وتميز بالذكاء والنبوغ الذي ظهر في قصائده ذوات الافكار الجديده الخاصه بحمد المغيولي فقط .
احب الصحراء واثرت في شاعريته وقصائده التي اصبحت جميلة المعاني جزلة الالفاظ .
يعتبر (ابو دحيم ) كما يحب عشاقه ان ينادوه من فرسان المحاوره المعدودين وكان يعتبر من مراكز القوة ومن اميز شعراء المحاورة في المملكة وقد لعب محاورات مع كبار الشعراء ( علي ابو ماجد - علي القري - عبدالعزيز البادي - محمد بن ثعلي - احمد الناصر - مطلق الثبيتي مستور العصيمي - شليويح المطيري ) وبالذات مع الشاعر عبدالعزيز البادي حيث اثريا ساحة الرد في عنيزة فترة طويله .
انتقل من عنيزة للعمل في الرياض ( وزارة الدفاع) ومارس الاعمال الحرة في مجال حفر الآبار واستقر به المقام في مدينة تبوك لظروف العمل هناك وتوفي فيها بتاريخ 7/5/ 1416هـ ودفن هناك رحمه الله
اشتهر شعره كثيرا وتناقله الرواه وليس له ديوان مطبوع الا ان هناك اجتهادات من بعض المعجبين الذين حاولوا جمع قصائده في مذكرة كما فعل الاخوان في دار التراث في عنيزة وكذلك نشر له بعض القصائد في ديوان شعراء عنيزة الشعبيون الجزء الثاني ونتمنى ان يجمع شعره في ديوان خاص به فشعره يعتبر ثروه شعريه قل ان تجد مثلها في هذا الزمن ..
أتمنى منكم اخواني من لديه قصائد لهذا الشاعر الكبير ان يتحفنا بها وخاصة انه يوجد قصائد لم تنشر بعد .
أخترت لكم هذه القصيدة ...
الاياقلب ياللي كل ماجاء الليل جاه خلاج=يلوج ويلتوي بالجاش من شي تورج له
اعاني من عنى جرح خفق بين الضلوع ولاج=عرضته للطبيب اللي مدحتوا ماتخرجله
دريت ان الهوى يرث جروح مالهن علاج=الازاد الغلى واللي توده قاصر رجله
يخاف من العيون الشامته واكذوبة الهراج=الا جا الصبح هراج القفى يكثر بنا دجله
انا بصبر عسى بالصبر لو طال الفراق فراج=على شانك وغيرك ماسهرت الليل من اجله
على شانك ومن شانك حياتي بالحياة احراج=عسى قلب شبكته بالهوى ربي يفرج له
تكايدني بخد مادرج من فوقه المكياج=طبيعي الجمال اللي على الوجنه هدب نجله
عليه اربع نجوم وزودوه من الحلى بالتاج=زعيم الحسن له حق الجمال اللي يتوج له
الايامجيب دعوة من دعاك بليلة المعراج=دعاك بجاهك التخفيف تقبل طلبة عجله
تساعدني على خل تركني للشقى مسهاج=ثمان سنين من عمري وانا مرهون في سجله
اعوم بغبة امواجه لما ساقتني الامواج=على شط الفرات ايام وايام على دجله
وهذه قصيدة أخرى للشاعر الكبير ابو دحيم رحمة الله ..
وجودي وجوداللي جذب ونته واشتان=بعدماوقع وافلت من ايدينه الطاره
قلب موتره بالقيظ في حومة النقيان=صميله وهو ظامي على الباب مطاره
فزع للهمل بالقايله والقدم حفيان=تعب وانقلب يبكي على شوف سياره
عرض له حلال القوم طفق من القعدان=جفل ساع شافه يوم حظه طفت ناره
يبي نقذة للعود والعجز والورعان=يدير الروابع والهواجيس محتاره
قعد بالخلا لامن صميل ولاحذيان=صفق بيده اليمنى من الوجد بيساره
ضرب ركعتين وسلم امره الى الرحمن=كفى يامكافي والمقادير جباره
بعد مانصرم نصف الشهر جابوا الرعيان=خبر ميت بين الطعاميس والقاره
لقوا جثته ثم اشعروا بالخبر سلمان=وقال ابعثوا يكشف على النفد طياره
انا صابني مثله من الهاتك الفتان=طلبته بصلح وشنها امس الضحى غاره
انا وش حياتي كان ابصبر على ماجان=معك حق تلعب لعبة الفرد بالشاره
زماني وانا اراعيك عن جملة الخلان=وافوضك تاخذ جوهر القلب واسراره
عسى ربما ترحم وتعطف على الوجعان=على راحتك تسمح من الورد نواره
اطفي فؤاد تشتعل جوفه النيران=ولو حبة بين العشاريق وزراره
احللك وادعي لك من الخالق الغفران=الى انقذت روحي من شقى الحب واكداره
رحمة الله رحمة واسعة وأدخله فسيح جناته .
رجاءً من الأخوة الا يبخلو علينا بقصائد الشاعر الكبير حمد المغيولي رحمه الله