استشــــــــــــــــــــــــــــــــارة

[عنيزاوووي]

السلام عليكمuuuu
تحية طيبة لجميع اعضاء شباب عنيزة
ارغب في فتح مركز لخدمة الانترنت والالعاب الالكترونية لذلك ارغب من شباب عنيزة ان يعطوني استشارتهم والاشياء اللي يرغبون انه تكون متوفرة في المركز
وايضاً الموقع المفضل لوجود المركز
واي شيء ترون انه مناسب ويقدم خدمة لجميع الفئات من المجتمع
والاسعار اللي تتوقعون انه تكون مناسبة

الله الله بالافكار ياشباب
سلملمzzz

[abo_rakan]

مساء الخير

ياهلا فيك حبيبي عنيزاوووي وبالتوفيق إن شاء الله قول آمين

ما عندي افكار مفيدة 100% لكن مني لك الدعاء بالتوفيق والنجاح إن شاء الله والشباب هنا بيعطونك أفكار رائعة وفيهم الخير .

[كوووبرا]

ياهلابك اخوي عنيزاوووي وحياك الله يالغالي .

الله يوفقك يالغالي بمشروعك الجديد . ومن ناحيه رأي بالموضوع

أهم شي يالغالي ان يكون المركز شامل لجميع انواع الترفيه وخاصة أجهزة الألعاب الجديدة والمتطوره .

وأرى وضع أشتراك بمدة معينه تكون شامله للمركز يعني يجلس الشخص في أي مكان يحب او يمارس أي هواية او حتى يكون على الانترنت .

هذا الي ببالي الحين وأذا لقيت شي راح اطرحه والله يوفقك

[أبو ناصر]

حيالله الغالي أخونا عنيزاوووي

بالتوفيق إن شاء الله

وأنا أقترح قبل ما تقدم على المشروع أنك تدرسه من جميع الجوانب سواءً الموقع أو الخدمات المقدمة .

ويمكن أن يكون ذلك عن طريق استبيان يحوي على جميع الخدمات المقترح تقديمها والموقع المناسب وأي أنشطة جانية مصاحبة للنشاط الرئيسي ، وأيضاً خانة فارغة لأي خدمة مقترحة لم تدرج بالاستبيان .

ويمكن توزيع الاستبيان لمنسوبي المنتدى عن طريق الرسائل أو بأي طريقة أخرى . ويمكن بعد أن توزع الاستبيان على أشخاص خارج المنتدى .

دعواتي لك بالتوفيق

أخوك / أبو ناصر

[al_lezar]

السلام عليكم ورحمة الله وبركاته

يـــاهلا فيك أخوي عنيزااااوي في المنتدى
بالتوفيق إن شاء الله
اهم شي توفر كل جديد راح إن شاء الله ينجح المركز والسعر لايصير%
وبالتوفيق أخوي

[عنيزاوووي]

اشكر الجميع على الردود وانشاء الله راح يكون منتدى شباب عنيزة اول من راح اخذ بآرائهم في المشروع ومن ناحية الاسعار لاتخافون كل من عنده نت في البيت راح يجي لم المركز والسبب السعر ولكن مثل ماقلت ارغب بتقديم خدمة راقية والمكان راح يكون على نفس طريق الزلفي وش رايكم او من جهة غرب عنيزة افضل ؟؟؟؟؟

[كوووبرا]

بالتوفيق ان شاء الله يالغالي ورايي يكون على طريق الزلفي أفضل ولكن راح يكون غالي إيجار المحل .

بس فعلاً طريق الزلفي بحاجة لمثل هذا المركز .


الله يوفقك وتستاهل والله كل خير اخوي عنيزاوووي

[@_@]

بالتوفيق ان شاء الله يالغالي ورايي يكون على طريق الزلفي أفضل ولكن راح يكون غالي إيجار المحل .

بس فعلاً طريق الزلفي بحاجة لمثل هذا المركز .


الله يوفقك وتستاهل والله كل خير اخوي عنيزاوووي


مشكوووور يا عنيزاوي

واذا طلعت في الكور فكره علمتك اوكي

اوكي