يوم الشعبيات هو اخر يوم لنا بمنتجع اسيا مع دارالزهراء

[دار الزهراء]

اليوم باذن الله هو اخرررررررررررررر يوم لنا بمنتجع اسيا الذي قام بفعالياته دار الزهراء لتوجيه ومتابعة الفتيات اليتيمات ..


مع يوم الشعبيات ومسابقة افضل زي شعبي ..
ومسابقة افضل أكله شعبيه .. مريقيات <<تصغير مرقوق.. قريصينات<<تصغير قرصان.. مطيزيزات <<<تصغير مطاطيز.. رزيزات<<تصغير رز ..جريشات<<تصغير جريش.. سليقيات<<تصغير سليق

ادري انكم فاهمين بس مخي فاصل:0015: و ابي اكتب ..



محتاجين حماسكم معنا وتواجدكم ..


بانتظاركم

[خـلُـود]

^

قومي ارقدي يسد خـلاص يا بعدهم :sm5::throb:

يوهـ يااليوم بيصير خـقه × خـقه :sm5::biggrin1:
وبيصير بوهـ حركتات .. ولبس شعبي وآكل شعبي :throb:

أهم شئ المطازيز اوجسي مشتهيه مطازيز مع بطاطس هذاك الي يطبخ معوهـ :sm1::unsure:<- اكيد يطبخ معوه مهب يقلى يالدرنقه :boxed::throb:

محتاجين حماسكم معنا وتواجدكم ..

اي بالله محتاجين يصير آخر يوم أخق شئ بالعالم :dribble::throb:
وإن شاء الله ان دار الزهراء متميزهـ بكل أبو الأوقات :throb:

وترا بـاتسر بوهـ مفاجأة مسويته للبنات وراح اشقلها عندكم هنا بالمنتدى من الحين اعلمكم:dribble::throb:

ويالله ادعوا لنا بالتوفيق والنجاح :in_love:<- برا :biggrin1:

عوافي يابعدي :rose::throb:

[دار الزهراء]

الله يعافيتس يجنينه والله انه كلتس خير وبركه راعيته والله ياخوخه

[عطرالورد]

محتاجين الحماس مثل ماعودتونا يله عين منكم لاتغاب ترى هذا آخر يوم يعني خلاص غير هاليوم مافيه .. فنش .. وفيه شي حلووو بس ماراح نعلمكم فيه الا اذا جيتو .

[خـلُـود]

^

ترا دخلن الماء وجتن الحتسه من ردتس :sm5::l:
حسيتس تركبين معنا وتتقهوين معنا .. من انتي وفرقعين جدي :Looking_anim::sm1:
بسرعه علمينن من أنتي .. والا بس تسذا ذابتن وجهتس معنا :unsure::g:
<- قصيميه لازم اللقافه :lol::throb:

[غلاعنيزه]

موفقين ياررب
^_^

[القائد]

الله يوفقكم آمين

[ابو حمد]

والله وشهويتونا نبي من المريقيقات والمطيزيزات يالله من فضلك
طيب لو نساعد البواب تغرفون لنا بصحن من كل نوع بس نبي معه لحمة حويشي

شكرا لكم وان شاءالله ما يكون اخر يوم لكم نبي تواصلكم معنا

[دار الزهراء]

والله يخوي ابو حمد ماطلبت شي ابشر بالي تبي ..

انت بس أكد انك بتجي ومالك الا الي يرضيك ..

وتكون من الي يقيمون معنا بأفضل طبق شعبي!! وش رايك ..؟

[ابو حمد]

تقيمي من الحين اي وحدة طابخة مطازيز او مرقوق وعليه كوسة وقرع ولحيمة وعلية فلفل حار تراه تبي تفوز
طيب لو جيت انا وربعي وطبخنا ندخل معكم بالمسابقة
الله يوفقكم دنيا واخره
مشكورة اختي على الدعوة

[خـلُـود]

:sm5:تقيمي من الحين اي وحدة طابخة مطازيز او مرقوق وعليه كوسة وقرع ولحيمة وعلية فلفل حار تراه تبي تفوز

وبطاطس وراك نسيته :sm1:
وتسبديه بس .. هونت اتعشى من هرفي اليوم اشتهيت مطازيز :Looking_anim::sm1:
لا اتسذب ان شاء الله اني اتعشى من هرفي <- جابت العيد :biggrin1:

طيب لو جيت انا وربعي وطبخنا ندخل معكم بالمسابقة

ايه ايه اطبخوهـ وكزوهـ من عند البواب وخلونا نقيمه :w00t2::dribble:
بس كثروا البطاطس وحطو معه ملاعق :dribble::throb:

طيب لو نساعد البواب تغرفون لنا بصحن من كل نوع بس نبي معه لحمة حويشي

اقول اذكر ربك ترا اليوم بنآكل عشان التقيم ماله داعي من آسيا لمستشفى سعود ترا :sm1::sm5:
خلونا نختمه بشئ زين نروح ننام يومين مهب نرقد بالمستشفى :sm1::throb:

بعدين بنجيب الصور تخيلوا انكم آكلتوا منه واذكروا ربكم هماووو .. :unsure::dribble:

<- قاطه بالموضوع :biggrin1:

[الوسمي]

يازين هالموضوع بعد ويالله من فضلك هالدجن عز الله انه يجيبك على وجهك .. الله يعطيكم العافيه جميعاً

[خـلُـود]

يازين هالموضوع بعد ويالله من فضلك هالدجن عز الله انه يجيبك على وجهك

دقيزهـ الوسمي .. أول شئ انت سعودي أقصد قصيمي :Looking_anim:
أولاً وش هالدجن ...!!!!:Looking_anim:
وشلون يجيك على وجهك ..!:Looking_anim:

عربي أقصد قصيمي يامال العافيه :Looking_anim:

<- ياهي ضاق صدرهـ ودهـ تفهم الرد :unsure::sm1:

[عاشق البترول]

الله يعطيكم العافيه

[شمروخ]

أجل مشيتوووووووووووووو

[¬» ڷڪبريآئي رۈآيـﮧ ~]

الله يعطيك العآفية ،،

وعساك ع القوه ،،

بااااالتوووفيق يااااااارب ،،

دُمت بسعادهـ،،

[دار الزهراء]

شاكره للجميع متابعتهم ..

[ابوبدر]

http://www.shababonaizah.com/uploaded/19_1218112082.gif

[Śųltąŋ]

الله يعطيك العافية يالغلا عـ النقل..

لاعدمناكم يارب..