أهديها لأخوي صقر العروبة

[أبوسعود حي السليمانيه]

يابقايا صمت ياغيمة جفا( = )للجفا غيمه وللصمت البقايا؟
ياجنون الشعر يادمعة وفا( = )يا سحابة صيف كيف اقتل ضمايا؟
يارحيل الشمس والنور انطفا( = )ياسواد الليل لا تزيد بعنايا
الجروح كثار والقلب اكتفا( = )والرحيل ازداد واتعبت المطايا
اكتب الابيات وانقش بالصفا( = )رحلتي والليل والدرب وشقايا
القصيد احتار والوصف اختفا( = )والبحور السبع جفت يارجايا
يارذاذ الثلج والبرد احتفا( = )ياخزامى نجد وين القا دفايا؟
دام بعدك برد والوصل الدفا( = )شب نار القرب ثم اجلس معايا
من عرفتك وانت تبعد بالخفا( = )ما تجي بوضوح ياسيد الصبايا
تختفي واحساس قلبي ما غفا( = )يضهرك ياهيه من بين البرايا
ان بغيت القرب دربي ما يخفا( = )وان بغيت البعد ابعد عن سمايا
والا انا بخط شعري زخرفا( = )وانت عيش الصمت ياصمت البقايا

[كوووبرا]

تسلم والله اخوي ابو سعود على هالكلمات الجميله واخوي صقر العروبة يستاهل كل خير .

تقبل تحياتي

[yzeed]

سلمت والله والله يعطيك الف الف الف عافية
ماشاء الله تبارك الله قصيدة مضبوطة
بس اخوي موانا بس استاهل القصيدة بل كل
عضو شارك وابدع بهذا الموقع ومشكو مرة ثانية واشاله انشوف ابداعاتكم ...........

[فتى الفلوجه]

ياشباب المسلمين الفلوجه تنتظركم مع تحيات <فتى الفلوجه>

[فتى الفلوجه]

ياشباب عنيزه الحور تنادي فهلموا إلى الفلوجه

[معانـد]

مشكور أخوي أبو سعود


والله يستاهل أخوي صقر العروبه

تسلم يمينك

[أبوسعود حي السليمانيه]

صقر العروبة

هذي البدايه لك

والثانية ماني قايل لكم

بس يحتري على بال ماخلص القصيده

تحياتي

أبوسعود حي السليمانيه uuuu uuuu

[مالك الشاص]

يستاهل اخوي صقر العروبه

[أبوسعود حي السليمانيه]

هذي القصيده لأخوي سرب

<<<<<<<<< قعد شهرين وهو يزين هذي القصيده


على طاري القصيد اللي ينومس جلسة الشعار 000 نويت اكتب قصيدة شعر من فكري واولفها
نويت اسامر الساحه واسابق وسطها السمّار 000 نويت اجمّع القيفان في شعري واعسفها
وصوف الشاعر المبدع مثل طير السما لا طار 000 الى ضاقت عليه الارض جنحانه يرفرها
الى من طار في دنيا الخيال وروض الاشعار 000 على ذيك اللحون اللي على الاوتار يعزفها
هلابك يالقصيد اللي يترجم روعة الافكار 000 هلابك يالحروف اللي من احساسي اقطْفًها
ترحبك سحابة صيف الى من هلت الامطار 000 تهلي بك زهور الارض تبدي لك تلطفها
تنادي لك وتخضع لك هنوف ٍ تخطف الانظار 000 هنوف ٍ زينها طاغي وتسحر في وصايفها
عنود ٍ لا حكت تحكي غنج وتبادل الاسرار 000 دلعها يادلعها يوم احسه في سوالفها
غنوج ٍ لا اقبلت تمشي على سجادة الازهار 000 تهادى فتنة ٍ تمشي على الأرض ومشارفها
لها بالوصف حوريه وتجمع حولها المحار 000 لها بالشعر ملهمة القصايد يوم اوصفها
كريمة حب تعطيني وتسقيني من الانهار 000 شحيحة قرب تضميني ويذبحني تعففها
غيوره تنقهر تجزع وتعلن حالة استنفار 000 سريعه بالغضب تزعل وترسل لي عواصفها
يميزها الهدوء اللي يصاحبها وهي في نار 000 يحليها الرضا لا جات تهديني عواطفها
تثوّر فيني جنوني وتلعب لعبة الشطّار 000 تمادت حيل بجنوني تعبّث في تصرفها
تنادي للبحر تسعى على تغريقة البحار 000 وتنخى موجه الهايج لجل يغرق ولايفها
تفنن بالشعر تكتب وتعطي للشعر مقدار 000 ويلبس حرفها الكايد زخارف من زخارفها
تمكن بي غلاها نظرة ٍ في أول المشوار 000 دخل في وسط خفاق ٍ عشقها يوم صادفها
جذبني يمها صوت ٍ تناغم كنه الأوتار 000 غزاني همسها الجبار وانهاني تعاطفها
سرابي يمها قلب ٍ يبي تكريمته مسيار 000 يبي نجد العذيه ياعسى ربي يشرفها
يبي دار ٍ ورا دار ورا دار ٍ بجنب الدار 000 يبي خطوات رجليني على بابه يوقفها
لجل ينعم بوصل اللي غلاها في خفوقي صار 000 لجل يسمع حلاة الشعر لا ذاب بشفايفها
ما دام ان شعرها عانق قصيدي بالوله لا ثار 000 اجل بكتب قصيدة حب من فكري واولفها

[الوسمي]

صح لسان اخوي الغالي ابو سعود وماقصرت يابعدي على هالقصيدة الجميله

الف شكر ويعطيك العافيه