alzaeem
19-05-2006, 03:22 PM
حييّـت يـا جـمـسٍ جدادٍمشـاريـه =
عبّارتـيـنٍ بمـيـة ألــفٍ شريـنـاه
أربع ميا وخمسيـن مـن عنـد أهاليـه =
آخـر موديـل بعالـم الشـرق عــزّاه
حالف حـرام إنـي لاسوقـه واعدّيـه =
يوم إن ولْـد أمّـه قصـر مـا تهقـواه
جمـسٍ ليـا شفتـه عزالـك تقهويـه =
يا ِطيْب طِيْـب القهوجـي كـان قهـواه
تـقـول مـعـزومٍ لحفلة(سـواريـه) =
جاك امتشيّـك وامتعطّـر ومـا احـلاه
سـوّاه لطـوال الشـوارب مسـوّيـه =
مـا يركبـه يـا كـود حامـي حمايـاه
حرٍّ كفـخ مـن روس عالـي مباديـه =
قـرمٍ تلطّّـم وأشقـر الكـنـت طـفّـاه
يا ليت راعي الجمـس يومـه يسمّيـه =
على اسم عنتـر والا بـو زيـد سمّـاه
حيثه شنـب يستاهـل المـدح زاهيـه =
ملعون أبـو مـن لا قمـز لـه وحيّـاه
من عزته ما ركبـو أهـل الدلـع فيـه =
ولا سـوّقـوه أولاد بـابـا ومـامــاه
ولا ساقه الخكري ولا احمـر عتاريـه =
وبنـات المدينـة مـا تعلّـن زوايــاه
الجمـس أحبّـه حـبّ غـالٍ لغاليـه =
حـبٍّ عظيـمٍ حـبّ نمـرٍ لوضـحـاه
ومن حشمته لا جيـت اسافـر اماليـه=
ولا خلّـص المشـوار جيـت آترضّـاه
يا شيب عيني يوم آجـي لـه والاقيـه =
مثل الذي وسـط الخـلا شـاف لامـاه
خطـرٍ ليـا ناديتـه يـقـول: لبّـيـه =
ومن دون سايـق يشتغـل مـن ورا ذاه
هـو ميّـتٍ فيّـه وانـا ميّـتٍ فـيـه =
ولو هو حديـد أحـب شوفـه وطريـاه
لا قمت المّـس فـوق بديـه واداريـه=
بـلا شـعـورٍ قـمـت ادوّر شفـايـاه
ليته هنوف لأجـل اضمّـه واحضويـه =
غـروٍ تضـوع المسـك صافـي ثنايـاه
حالف يمين انـي لاابيعـه ولا أهْفيـه =
لوربّحونـي بـألـف ألــفٍ مــدلاّه
يوم ابيعه الجبان يبيع صاحبْـه بجْنيـه =
والله مـا دامـهـا أمّ الطـلـي شــاه
حتى وأنا في المسجد الفرض اصلّيْـه =
أدعي لجمسي يا عسـى الخلـد مثـواه
وان كـان عنّـي راح مانـي بناسيـه =
كـود البـدو حـب المقاطيـن تنـسـاه
وتحـرم علـي نـوره حـرامٍ مقفّيـه =
وتحرم علي البيـض مـن كـل منحـاه
يا وين أبلقى لـي حريـص ٍ أوصّيـه =
لا غبت عن جمسـي يـزوره ويرعـاه
فـي ذمّتـي بغالـي الـروح لاافديـه =
ولأملّكـه عـمـر المعـنّـى ومخـبـاه
ومن جلـدي البالـي لاوقّـي سماريـه=
ومن هو سعى للجمس ما خـاب مسعـاه
يا لايمي في الجمـس غـادي وسفّيـه =
بـلاك مـا شفتـه ولا شفـت حلـيـاه
لي جمس مابـه جمـس مثلـه يباهيـه =
ولا في جموس الشـرق تلقـى سجايـاه
مـن شـاف فوقيّـه وطالـع بحدريـه =
والله ان يمـوت بساعـتـه داه بــرداه
رمـز الفخامـه والاناقـه مـع التيـه =
الحسـن والابـداع والعقـل والـجـاه
ذي اس از انترناشيونـال عنـد قانيـه=
مـا يكسـح اللـي للمهـمـات يقـنـاه
مخروط والمخـروط صعـبٍ تحدّيـه =
ويصعب على متـن البسيطـه مجـاراه
ومكينتـه علـى أربعيـن وحوالـيـه =
وعموده على العشريـن حنـا خرطنـاه
لاقـام بنزيـنـه تشخـتـر سِواقـيـه =
الكلبليـتـر أزمـــع أمـــره وودّاه
وعلـى المكينـه والبسـاتـم يـودّيـه =
وحمـر التوانـك جمّهـا مـا ذخرنـاه
يـا دوب تحتـرّ البسـاتـم وتـوذيـه =
طـشّ الرديتـر غترتـه وألحقـه مـاه
كـن لـون بنزينـه بصفّـايـةٍ فـيـه =
أحمـر شفايـف عضّـه الزيـن بشْفـاه
وكن لون زيته يـوم تكشـف معاريـه =
ذهب جواهرجي علـى الكـف راعـاه
وقـزوز بالشكمـان رجليـه وايـديـه =
بمكينـة(ٍ بالخـام الاســود) مغـطّـاه
ونـوع الكرونـه رقـم 7 بطـاريْـه =
ورقــم 3 احتـيـاطـي حفـظـنـاه
وتروسهـا حـجـم 4 يــا مقـدّيْـه =
مثـل القـلاده فـوق صـدر الخونـداه
مثـل المسـدّس يبرمـه مـن يعبّـيـه =
ابـو محالـه لا وطـا التـرس ماطـاه
يفتـرّ سيـر المروحـه مـن تواليـه =
وسيـرٍ بـراس الدينمـو قـام يشـعـاه
المروحـه هفّـت وضفّـت سوافـيـه =
ذعـذاع غـربـيٍّ تقـافـت عشـأيـاه
وسرنـدلٍ حمـر البسـاتـم تلالـيـه =
وعمـود تيمـن غرهـدن فـي حجأيـاه
صـمّـام بوجـيّـه بـنـارٍ يغـذّيـه =
وتولّـدت شرارتـه وأكـمـل اغــذاه
واليـا لـذع فيـه البليتـيـن نـاريـه =
كنّـه شـرَر لحّـام فـي بــابٍ اوزاه
ومفتول دفرنسـه عـن القـاع حاميـه =
عـن صكّـة القيعـان يـدفـع منـايـاه
الجمـس كنّـه متّهـم جـاء محاميـه =
دفرنـس والقاضـي غـرازٍ بصحـراه
وكبـر المطبّـه مـا يغيّـر هقـاويـه =
ومساعداتـه عــن يميـنـه ويـسـراه
والاذرعـه عـن ميلـةٍ بـه تواسيـه =
كنْها عضـود مْلاكـمٍ شـرب غرشـاه
وان شال حمـلٍ مـا يكثّـر شكاويـه =
يـا وش يهمّـه والسسـت كلهـا افـداه
كن رفرفيـن حـول حوضـه مداويـه =
شيهانتـيـنٍ دوّمـــنْ بالخـضـيـراه
وكـن لـون كبّوتـه ولمعـة عراويـه =
خدود (أصالـه) بأحمـر اللـون تطـلاه
وكنّه (كلوديـا شيفـرٍ) فـي تمْدريـه =
تعرض لنـا آخـر موديـلات الازيـاه
وكن زول بدْيه يـوم يغريـك صافيـه =
(مارليـن منـرو) وسـط فلـمٍ لفتـنـاه
وكن الكفر لا جيـت بالوصـف ابدّيـه =
حبْ خالٍ ب (سنـدي كروفـرد) شفنـاه
ولا لـه شبيـهٍ فـي نعومـة تمثنـيـة =
الا (نعومـي كامبـل) لْـمـن تمثـنـاه
وكن نقشة جنوط الكفـر فـي محانيـه=
سـجّـاد شيـرازيّـةٍ فــي مـصـلاّه
وصقلة قـزازه يـوم أردّ النظـر فيـه =
من وجنـة (كلـودا الشمالـي) حلايـاه
ولـون المرايـه مـن يراعيـه يلهيـه =
من خلقته كـن أطـرق العـود يجـلاه
ولو هـي بهـا للعيـن فتنـه وتمويـه =
بهـا تشـوف اخريـم الابـره ومنشـاه
أصفى مـن اللولـو بمحّـار شاطيـه =
مـعْ واحـدٍ فـي مبـرم السـلـك دلاّه
وبغمزة (سميره بنـت توفيـق) أحلّيـه =
لا أعطـى الاشـاره والمواتـر تقـفّـاه
كنْ مقـدم الصـدّام لا قمـت اراعيـه =
صدرٍ على (نجوى كـرم) يـوم تنخـاه
وصدّام خلفـي مـاش شـيٍّ يحاكيـه =
يمكن خـذا مـن جسـم (ليلـى) مقفّـاه
مطربـلٍ مثـل الصـوامـع عوالـيـه =
والا غبيـطٍ قــرّح الخـيـل تـتـلاه
والا وليفـي واشقـر القـرن كاسيـه =
مـن فـوق كرسـيٍّ تربّـع وواســاه
والله فـلا يلحـق موديـلـه سفافـيـه =
البهبهانـي مــن حفـيـزه خطفـنـاه
مفضّله عـن نـوع لكـزس وكوبيـه =
وحاشمْه عن من فـي حفيـزه وجدنـاه
ولـه تنـدةٍ بيضـا تعـلّـت متاكـيـه =
كنْهـا كنيـسـة راهــبٍ يطـلـب الله
وكن الجميحيّـات مـن فـوق أعاليـه =
شمعٍ ببيـت القـدس ولّـع مـن أعـلاه
والا كما رجمٍ زمـى فـي صحاريـه =
علـى تليعـة مرقبـه شبّـوا ارطــاه
كن أيمن اصطبّـه والايسـر موازيـه =
عسـاكـرٍ كــلٍّ بيمـنـاه مـشـكـاه
وعيون مـن قـدّام توْضـي مساريـه =
كواكـبٍ يشبـح لـهـا واحــدٍ تــاه
لا شعشعـن والليـل مِـرخٍ علابـيـه =
مثـل الـزمـرّد شرّعـنّـه صبـايـاه
والا مرايـة حاكـمٍ عـنـد عـذْريـه =
قدّامهـا مصـبـاح تعـكـس شظـايـاه
جمسٍ شهر بيـن الامـم اسـم راعيـه =
تباشروا فـي البيـت الابيـض خُبَـاراه
يـوم اكتمـل نموذجـه عنـد والـيـه =
وتكامـل الهيـكـل بكـامـل مـزايـاه
وكــلٍّ هـتــف للـثـانـي ok ok =
ثـم صمّمـوا سبعيـن مليـون شـرواه
صنعة خباث الروس (جورج ,وخوزيه) =
وازرت عقول الشرق الاقصـى تحـدّاه
وان قال احد هو ليـه شرقـك منحّيـه =
الشـرق الاوسـط كيـف حقّـه تناسـاه
بأقـول ذولا مـا عليـهـم مشـاريـه =
مثـل البهـم مكفـول رزقـه ومرعـاه
هذا خلاصة علـم مـن فكّـروا فيـه =
وتسعيـن عـامٍ ليـن زجّـوا مطـايـاه
صنعة مريكانـي مهـو (نـاه ناهيـه) =
بيموت أبـو فلفـل مـا سّـوى سوايـاه
ولو فيه احـدْ يقـدر بصنعـه يجاريـه =
إن كان (كنق , وهنق) جابوا لـه اشبـاه
من عـذره الامريكـي اللـي مسوّيـه =
متحكـمٍ فـي العالـم اقصـاه وادنــاه
جمـسٍ يقـرّب مبعـدات المنـاويـه =
دام الفتـى مـا حضّبـوا سـرّ دنـيـاه
سحبـة غريـقٍ مـدّ للقـارب ايديـه =
سحبـة سويّتـشـه راس مفـتـاح أذّاه
واليا أشتغـل كنّـه يذكّـرك يـا هيـه =
مسحـوب مشعـان الهتيمـي ومَغْـنـاه
وكنْ ريحته لا دسْـت بنصـه تحمْيـه =
عطـرٍ فرنسـي مـن برافـان مجـنـاه
وكنْ حـسّ ماطـوره ورنّـة بواجيـه =
يِسْمِـعْـك دلعـونـه ولالا مـــلالاه
وصوته إلى منّـه مشـى يـا ممشّيـه =
عـزفٍ كلاسيكـي بـكـازا سمعـنـاه
ونغمة صلنصيـره ليـا قمـت توحيـه =
تقسـيـم عــودٍ والـمـروّس تقـفّـاه
وكنّـه لمنّـه قحّـص أجـراس تنبيـه =
عن قصف جّوي سـور بغـداد مرمـاه
واليا احترك وانته على القـار مْوطيـه=
يدْخلك في الجـو الرومانسـي بممشـاه
لا كـنْ صياحـه يـوم بثنيـن تعطيـه =
عـذراً حشرهـا واحـدٍ شيـن علـبـاه
وان طبّ صبخا وانـت عنهـا تِهَاديْـه =
مـوال سعـدون ابـن جابـر أويــلاه
وان كـان تعتـع ألعـن آبـو مجانيـه =
تقل يحكـي عـن شعـر قيـسٍ بليـلاه
واليا دعس صاروخ وان خـفّ يشديـه=
شـيٍّ علـى الميـراج هفّـت زوايــاه
يظهر غميق الزيت من جـوف واديـه =
الـيـا نتلـتـه والتـوانـك مـعـبّـاه
وكنّ الحصا تحتـه ليـا صـاح جنّيْـه =
صغـار البـرد لا شلّعـت مـن رفايـاه
والا هشيـمٍ دقـل سيـلـه يدربـيـه =
مع فرعـة الـوادي لفـى بـه ودربـاه
جمسٍ مشى مـن كـان قافيـه يعميـه=
غـبـاره يضـيّـع دليـلـك ويـبـلاه
ولـولا البريـك وفرملـه مـا يخلّيـه =
مع مسترقّيـن السمـع جـاه مـا جـاه
لا علّـق البـوري وصاحـه يهـدّيـه =
ما فيـه موتـر مـا سجـد لـه ولبّـاه
يهجل هجيل اللـي عـراض مقاريـه =
ساقـه شجيـعٍ فـي النحـر دزّ شلفـاه
واليا مشى مـع راس طعـسٍ يباريـه =
مشية (ضحوكٍ) طبّـت السـوق تبغـاه
والا كمـا رقّاصـةٍ فــي كبـاريـه =
طبّـل لهـا الطبّـال عـشـرٍ مـجـزّاه
وفتـح لـهـا مليـارديـرٍ مخابـيـه =
وقامـت تخشّـع عـن يمينـه ويسـراه
وان مـال مـع دربٍ طعـوسٍ فيافيـه=
تقـل امبراطـورٍ علـى جـال مركـاه
ومن سرعه الرادار مـا عـاد يمديـه =
يشوفـه ولا جنّـي سليـمـان امــداه
وان كان مرْ جاء في الردارات تشويـه =
وهـــم لله مـــا شــافــوه لله لله
هم ما دروا ان الجمس صعبه مراميـه =
ويصعب على الـرادار كشفـة خفايـاه
صحيح من لا يعْرف الصقـر يشويـه =
والجمـس صقـر وكـرّم الله ملـحّـاه
أرقـام طبلونـه خديـعـه وتمـويـه =
من شـآن مـا يِمنَـع ويخسـر وكـالاه
والا تـرى العـدّاد يـا جاهـلٍ فـيـه =
ألفـيـن كيـلـو بالدقيـقـه حسبـنـاه
يـا لعنبـوا جــدّه وجَــدٍّ مثنّـيـه =
الـيـا ركبـتـه والتـوانـك مـعـبّـاه
متوجّـهٍ ماهـوب يحـتـاج توجـيـه =
بينـي وبينـه كلمـة الـسّـر ويــلاه
ويسوق عني ويوصـل القلـب أمانيـه =
وكفّي ترى لَـيْ الدركسـون مـا جـاه
وكل المواتـر لـه عبيـدٍ وهـو بيـه =
هـذا ولـد عـنـزٍ وهــذا ولـدشـاه
مصنـوع لاولاد البـشـوات ترفـيـه =
وكـم واحـدٍ شـاف الملامـه تنصّـاه
جمس آتغـزّل بـه ولا مـن مشاريـه =
كـلٍّ علـى ماحـب قـلـب وهــاواه
ومن ذي وصوفه لو أقوصـد وأغنّيـه =
والله فـلا ألحـق لـه نصيفـة مجـازاه
واعداد ما يذري مـن الشـرق ذاريـه =
صلوا على من زعزع الشـرك وانهـاه
عبّارتـيـنٍ بمـيـة ألــفٍ شريـنـاه
أربع ميا وخمسيـن مـن عنـد أهاليـه =
آخـر موديـل بعالـم الشـرق عــزّاه
حالف حـرام إنـي لاسوقـه واعدّيـه =
يوم إن ولْـد أمّـه قصـر مـا تهقـواه
جمـسٍ ليـا شفتـه عزالـك تقهويـه =
يا ِطيْب طِيْـب القهوجـي كـان قهـواه
تـقـول مـعـزومٍ لحفلة(سـواريـه) =
جاك امتشيّـك وامتعطّـر ومـا احـلاه
سـوّاه لطـوال الشـوارب مسـوّيـه =
مـا يركبـه يـا كـود حامـي حمايـاه
حرٍّ كفـخ مـن روس عالـي مباديـه =
قـرمٍ تلطّّـم وأشقـر الكـنـت طـفّـاه
يا ليت راعي الجمـس يومـه يسمّيـه =
على اسم عنتـر والا بـو زيـد سمّـاه
حيثه شنـب يستاهـل المـدح زاهيـه =
ملعون أبـو مـن لا قمـز لـه وحيّـاه
من عزته ما ركبـو أهـل الدلـع فيـه =
ولا سـوّقـوه أولاد بـابـا ومـامــاه
ولا ساقه الخكري ولا احمـر عتاريـه =
وبنـات المدينـة مـا تعلّـن زوايــاه
الجمـس أحبّـه حـبّ غـالٍ لغاليـه =
حـبٍّ عظيـمٍ حـبّ نمـرٍ لوضـحـاه
ومن حشمته لا جيـت اسافـر اماليـه=
ولا خلّـص المشـوار جيـت آترضّـاه
يا شيب عيني يوم آجـي لـه والاقيـه =
مثل الذي وسـط الخـلا شـاف لامـاه
خطـرٍ ليـا ناديتـه يـقـول: لبّـيـه =
ومن دون سايـق يشتغـل مـن ورا ذاه
هـو ميّـتٍ فيّـه وانـا ميّـتٍ فـيـه =
ولو هو حديـد أحـب شوفـه وطريـاه
لا قمت المّـس فـوق بديـه واداريـه=
بـلا شـعـورٍ قـمـت ادوّر شفـايـاه
ليته هنوف لأجـل اضمّـه واحضويـه =
غـروٍ تضـوع المسـك صافـي ثنايـاه
حالف يمين انـي لاابيعـه ولا أهْفيـه =
لوربّحونـي بـألـف ألــفٍ مــدلاّه
يوم ابيعه الجبان يبيع صاحبْـه بجْنيـه =
والله مـا دامـهـا أمّ الطـلـي شــاه
حتى وأنا في المسجد الفرض اصلّيْـه =
أدعي لجمسي يا عسـى الخلـد مثـواه
وان كـان عنّـي راح مانـي بناسيـه =
كـود البـدو حـب المقاطيـن تنـسـاه
وتحـرم علـي نـوره حـرامٍ مقفّيـه =
وتحرم علي البيـض مـن كـل منحـاه
يا وين أبلقى لـي حريـص ٍ أوصّيـه =
لا غبت عن جمسـي يـزوره ويرعـاه
فـي ذمّتـي بغالـي الـروح لاافديـه =
ولأملّكـه عـمـر المعـنّـى ومخـبـاه
ومن جلـدي البالـي لاوقّـي سماريـه=
ومن هو سعى للجمس ما خـاب مسعـاه
يا لايمي في الجمـس غـادي وسفّيـه =
بـلاك مـا شفتـه ولا شفـت حلـيـاه
لي جمس مابـه جمـس مثلـه يباهيـه =
ولا في جموس الشـرق تلقـى سجايـاه
مـن شـاف فوقيّـه وطالـع بحدريـه =
والله ان يمـوت بساعـتـه داه بــرداه
رمـز الفخامـه والاناقـه مـع التيـه =
الحسـن والابـداع والعقـل والـجـاه
ذي اس از انترناشيونـال عنـد قانيـه=
مـا يكسـح اللـي للمهـمـات يقـنـاه
مخروط والمخـروط صعـبٍ تحدّيـه =
ويصعب على متـن البسيطـه مجـاراه
ومكينتـه علـى أربعيـن وحوالـيـه =
وعموده على العشريـن حنـا خرطنـاه
لاقـام بنزيـنـه تشخـتـر سِواقـيـه =
الكلبليـتـر أزمـــع أمـــره وودّاه
وعلـى المكينـه والبسـاتـم يـودّيـه =
وحمـر التوانـك جمّهـا مـا ذخرنـاه
يـا دوب تحتـرّ البسـاتـم وتـوذيـه =
طـشّ الرديتـر غترتـه وألحقـه مـاه
كـن لـون بنزينـه بصفّـايـةٍ فـيـه =
أحمـر شفايـف عضّـه الزيـن بشْفـاه
وكن لون زيته يـوم تكشـف معاريـه =
ذهب جواهرجي علـى الكـف راعـاه
وقـزوز بالشكمـان رجليـه وايـديـه =
بمكينـة(ٍ بالخـام الاســود) مغـطّـاه
ونـوع الكرونـه رقـم 7 بطـاريْـه =
ورقــم 3 احتـيـاطـي حفـظـنـاه
وتروسهـا حـجـم 4 يــا مقـدّيْـه =
مثـل القـلاده فـوق صـدر الخونـداه
مثـل المسـدّس يبرمـه مـن يعبّـيـه =
ابـو محالـه لا وطـا التـرس ماطـاه
يفتـرّ سيـر المروحـه مـن تواليـه =
وسيـرٍ بـراس الدينمـو قـام يشـعـاه
المروحـه هفّـت وضفّـت سوافـيـه =
ذعـذاع غـربـيٍّ تقـافـت عشـأيـاه
وسرنـدلٍ حمـر البسـاتـم تلالـيـه =
وعمـود تيمـن غرهـدن فـي حجأيـاه
صـمّـام بوجـيّـه بـنـارٍ يغـذّيـه =
وتولّـدت شرارتـه وأكـمـل اغــذاه
واليـا لـذع فيـه البليتـيـن نـاريـه =
كنّـه شـرَر لحّـام فـي بــابٍ اوزاه
ومفتول دفرنسـه عـن القـاع حاميـه =
عـن صكّـة القيعـان يـدفـع منـايـاه
الجمـس كنّـه متّهـم جـاء محاميـه =
دفرنـس والقاضـي غـرازٍ بصحـراه
وكبـر المطبّـه مـا يغيّـر هقـاويـه =
ومساعداتـه عــن يميـنـه ويـسـراه
والاذرعـه عـن ميلـةٍ بـه تواسيـه =
كنْها عضـود مْلاكـمٍ شـرب غرشـاه
وان شال حمـلٍ مـا يكثّـر شكاويـه =
يـا وش يهمّـه والسسـت كلهـا افـداه
كن رفرفيـن حـول حوضـه مداويـه =
شيهانتـيـنٍ دوّمـــنْ بالخـضـيـراه
وكـن لـون كبّوتـه ولمعـة عراويـه =
خدود (أصالـه) بأحمـر اللـون تطـلاه
وكنّه (كلوديـا شيفـرٍ) فـي تمْدريـه =
تعرض لنـا آخـر موديـلات الازيـاه
وكن زول بدْيه يـوم يغريـك صافيـه =
(مارليـن منـرو) وسـط فلـمٍ لفتـنـاه
وكن الكفر لا جيـت بالوصـف ابدّيـه =
حبْ خالٍ ب (سنـدي كروفـرد) شفنـاه
ولا لـه شبيـهٍ فـي نعومـة تمثنـيـة =
الا (نعومـي كامبـل) لْـمـن تمثـنـاه
وكن نقشة جنوط الكفـر فـي محانيـه=
سـجّـاد شيـرازيّـةٍ فــي مـصـلاّه
وصقلة قـزازه يـوم أردّ النظـر فيـه =
من وجنـة (كلـودا الشمالـي) حلايـاه
ولـون المرايـه مـن يراعيـه يلهيـه =
من خلقته كـن أطـرق العـود يجـلاه
ولو هـي بهـا للعيـن فتنـه وتمويـه =
بهـا تشـوف اخريـم الابـره ومنشـاه
أصفى مـن اللولـو بمحّـار شاطيـه =
مـعْ واحـدٍ فـي مبـرم السـلـك دلاّه
وبغمزة (سميره بنـت توفيـق) أحلّيـه =
لا أعطـى الاشـاره والمواتـر تقـفّـاه
كنْ مقـدم الصـدّام لا قمـت اراعيـه =
صدرٍ على (نجوى كـرم) يـوم تنخـاه
وصدّام خلفـي مـاش شـيٍّ يحاكيـه =
يمكن خـذا مـن جسـم (ليلـى) مقفّـاه
مطربـلٍ مثـل الصـوامـع عوالـيـه =
والا غبيـطٍ قــرّح الخـيـل تـتـلاه
والا وليفـي واشقـر القـرن كاسيـه =
مـن فـوق كرسـيٍّ تربّـع وواســاه
والله فـلا يلحـق موديـلـه سفافـيـه =
البهبهانـي مــن حفـيـزه خطفـنـاه
مفضّله عـن نـوع لكـزس وكوبيـه =
وحاشمْه عن من فـي حفيـزه وجدنـاه
ولـه تنـدةٍ بيضـا تعـلّـت متاكـيـه =
كنْهـا كنيـسـة راهــبٍ يطـلـب الله
وكن الجميحيّـات مـن فـوق أعاليـه =
شمعٍ ببيـت القـدس ولّـع مـن أعـلاه
والا كما رجمٍ زمـى فـي صحاريـه =
علـى تليعـة مرقبـه شبّـوا ارطــاه
كن أيمن اصطبّـه والايسـر موازيـه =
عسـاكـرٍ كــلٍّ بيمـنـاه مـشـكـاه
وعيون مـن قـدّام توْضـي مساريـه =
كواكـبٍ يشبـح لـهـا واحــدٍ تــاه
لا شعشعـن والليـل مِـرخٍ علابـيـه =
مثـل الـزمـرّد شرّعـنّـه صبـايـاه
والا مرايـة حاكـمٍ عـنـد عـذْريـه =
قدّامهـا مصـبـاح تعـكـس شظـايـاه
جمسٍ شهر بيـن الامـم اسـم راعيـه =
تباشروا فـي البيـت الابيـض خُبَـاراه
يـوم اكتمـل نموذجـه عنـد والـيـه =
وتكامـل الهيـكـل بكـامـل مـزايـاه
وكــلٍّ هـتــف للـثـانـي ok ok =
ثـم صمّمـوا سبعيـن مليـون شـرواه
صنعة خباث الروس (جورج ,وخوزيه) =
وازرت عقول الشرق الاقصـى تحـدّاه
وان قال احد هو ليـه شرقـك منحّيـه =
الشـرق الاوسـط كيـف حقّـه تناسـاه
بأقـول ذولا مـا عليـهـم مشـاريـه =
مثـل البهـم مكفـول رزقـه ومرعـاه
هذا خلاصة علـم مـن فكّـروا فيـه =
وتسعيـن عـامٍ ليـن زجّـوا مطـايـاه
صنعة مريكانـي مهـو (نـاه ناهيـه) =
بيموت أبـو فلفـل مـا سّـوى سوايـاه
ولو فيه احـدْ يقـدر بصنعـه يجاريـه =
إن كان (كنق , وهنق) جابوا لـه اشبـاه
من عـذره الامريكـي اللـي مسوّيـه =
متحكـمٍ فـي العالـم اقصـاه وادنــاه
جمـسٍ يقـرّب مبعـدات المنـاويـه =
دام الفتـى مـا حضّبـوا سـرّ دنـيـاه
سحبـة غريـقٍ مـدّ للقـارب ايديـه =
سحبـة سويّتـشـه راس مفـتـاح أذّاه
واليا أشتغـل كنّـه يذكّـرك يـا هيـه =
مسحـوب مشعـان الهتيمـي ومَغْـنـاه
وكنْ ريحته لا دسْـت بنصـه تحمْيـه =
عطـرٍ فرنسـي مـن برافـان مجـنـاه
وكنْ حـسّ ماطـوره ورنّـة بواجيـه =
يِسْمِـعْـك دلعـونـه ولالا مـــلالاه
وصوته إلى منّـه مشـى يـا ممشّيـه =
عـزفٍ كلاسيكـي بـكـازا سمعـنـاه
ونغمة صلنصيـره ليـا قمـت توحيـه =
تقسـيـم عــودٍ والـمـروّس تقـفّـاه
وكنّـه لمنّـه قحّـص أجـراس تنبيـه =
عن قصف جّوي سـور بغـداد مرمـاه
واليا احترك وانته على القـار مْوطيـه=
يدْخلك في الجـو الرومانسـي بممشـاه
لا كـنْ صياحـه يـوم بثنيـن تعطيـه =
عـذراً حشرهـا واحـدٍ شيـن علـبـاه
وان طبّ صبخا وانـت عنهـا تِهَاديْـه =
مـوال سعـدون ابـن جابـر أويــلاه
وان كـان تعتـع ألعـن آبـو مجانيـه =
تقل يحكـي عـن شعـر قيـسٍ بليـلاه
واليا دعس صاروخ وان خـفّ يشديـه=
شـيٍّ علـى الميـراج هفّـت زوايــاه
يظهر غميق الزيت من جـوف واديـه =
الـيـا نتلـتـه والتـوانـك مـعـبّـاه
وكنّ الحصا تحتـه ليـا صـاح جنّيْـه =
صغـار البـرد لا شلّعـت مـن رفايـاه
والا هشيـمٍ دقـل سيـلـه يدربـيـه =
مع فرعـة الـوادي لفـى بـه ودربـاه
جمسٍ مشى مـن كـان قافيـه يعميـه=
غـبـاره يضـيّـع دليـلـك ويـبـلاه
ولـولا البريـك وفرملـه مـا يخلّيـه =
مع مسترقّيـن السمـع جـاه مـا جـاه
لا علّـق البـوري وصاحـه يهـدّيـه =
ما فيـه موتـر مـا سجـد لـه ولبّـاه
يهجل هجيل اللـي عـراض مقاريـه =
ساقـه شجيـعٍ فـي النحـر دزّ شلفـاه
واليا مشى مـع راس طعـسٍ يباريـه =
مشية (ضحوكٍ) طبّـت السـوق تبغـاه
والا كمـا رقّاصـةٍ فــي كبـاريـه =
طبّـل لهـا الطبّـال عـشـرٍ مـجـزّاه
وفتـح لـهـا مليـارديـرٍ مخابـيـه =
وقامـت تخشّـع عـن يمينـه ويسـراه
وان مـال مـع دربٍ طعـوسٍ فيافيـه=
تقـل امبراطـورٍ علـى جـال مركـاه
ومن سرعه الرادار مـا عـاد يمديـه =
يشوفـه ولا جنّـي سليـمـان امــداه
وان كان مرْ جاء في الردارات تشويـه =
وهـــم لله مـــا شــافــوه لله لله
هم ما دروا ان الجمس صعبه مراميـه =
ويصعب على الـرادار كشفـة خفايـاه
صحيح من لا يعْرف الصقـر يشويـه =
والجمـس صقـر وكـرّم الله ملـحّـاه
أرقـام طبلونـه خديـعـه وتمـويـه =
من شـآن مـا يِمنَـع ويخسـر وكـالاه
والا تـرى العـدّاد يـا جاهـلٍ فـيـه =
ألفـيـن كيـلـو بالدقيـقـه حسبـنـاه
يـا لعنبـوا جــدّه وجَــدٍّ مثنّـيـه =
الـيـا ركبـتـه والتـوانـك مـعـبّـاه
متوجّـهٍ ماهـوب يحـتـاج توجـيـه =
بينـي وبينـه كلمـة الـسّـر ويــلاه
ويسوق عني ويوصـل القلـب أمانيـه =
وكفّي ترى لَـيْ الدركسـون مـا جـاه
وكل المواتـر لـه عبيـدٍ وهـو بيـه =
هـذا ولـد عـنـزٍ وهــذا ولـدشـاه
مصنـوع لاولاد البـشـوات ترفـيـه =
وكـم واحـدٍ شـاف الملامـه تنصّـاه
جمس آتغـزّل بـه ولا مـن مشاريـه =
كـلٍّ علـى ماحـب قـلـب وهــاواه
ومن ذي وصوفه لو أقوصـد وأغنّيـه =
والله فـلا ألحـق لـه نصيفـة مجـازاه
واعداد ما يذري مـن الشـرق ذاريـه =
صلوا على من زعزع الشـرك وانهـاه