السلام عليكم ورحمة الله وبركاته

الحمدلله والصلاة والسلام على رسول الله وعلى آله وصحبه أجمعين


قصيدة لـ الشاعر عبدالله عبدالعزيز العليوي و بصوته رحمه الله ..

وهو من شعراء عنيزة المعروفين ..

كلمات القصيدة /

ردتنـي الشـوفـه إلــى زمــان أول
أيـام كنـا صغـار وأحلامنـا أصـغـر
ردتنـي الشوفـه إلـى بيـوت الطيـن
وعيـال حارتنـا والــدور والبسـطـه
أيـام كنـا صغـار وقلوبـنـا بيـضـاء
ردتنـي الشـوفـه إلــى زمــان أول
يـوم الزعـل مايـوم بقلوبنـا طــول
كنا لبعض نشتاق من غيـر مانـدري ..
ردتنـي الشوفـه لسوقـنـا الضـيـق
وتفكيرنـا المحـدود تفكيرنـا الضـيـق
أيـام كنـا صغـار وقلوبـنـا بيـضـاء
ذيـك السنـه تدريـن مانعـرف الغيـره
والحـب مـا جالـه فـي بالنـا سيـره
ردتنـي الشوفـه ورديــت للمـاضـي
لقيت نفسي غصب تبكي على الماضي ...
تذكـري فـي يـوم قلتـي نبـي نرحـل
نبي نـروح بعيـد نبعـد عـن الحـاره
وصرخت دون شعور وشلـون لا رحتـي
ياشيـن هالحـاره هـذا وحنـا صغـار
وأحلامنـا أصغـر يـوم الرحيـل أذكـر
نـزل علينـا السيـل ولا فرحنـا بــه
أول إلا جـاء السيـل كلـن فتـح بابـه
اليـوم صرنـا كبـار دار الزمـن فينـا
صـار العـذاب اكبـر زاد العنـاء فينـا
اليـوم صرنـا كبـار وعذابنـا أكـبـر
تغـيـرت فيـنـا مـلامـح الطـيـبـه
نقـول جيـل اليـوم وقلوبنـا ســوداء
من زيفها سوداء حتـى بعـز الشمـس
ادروبنـا سـوداء فينـا الوفـاء ضايـع
فينا الأمل ضايـع حتـى الزمـن ضايـع
ونقـول جيـل اليـوم ياغاليـه تدريـن
وش اللي غيرنـا الوقـت هـو بالنفـس
واليوم مثل الأمس حنا على اللـي فـات
الـلـي تغيـرنـا ياغالـيـه يـالـيـت
يرجع لنا الماضي نرجع لدار ( الطيـن)
للـدور والبسطـه لأيـام كنـا صـغـار
وقـلــوبــنــا بــيــضـــاء



" أتمنى لكم مشاهدة ممتعة "







تحياتي لكم