اسمع يا يسوري مادام إنك طلبت الراي ..
الشعر وأنخوك وزن وقافية ولفظ ومعنى.. واللي مافيه وزن مهوب شعر
كلامك هذا يايسوري تقدر تقول إنه محاولة لنظم الشعر ..
شف يا يسوري كل هالأشطر ما سلم بهن من الكسر إلا اثنين , وهن :
(بشر بسعدك دامي اليوم وياك) على شرط إنك تسكّن العين في (سعدْك) مهوب تفتحه
مثل ما نقول بكلامنا العادي . والثاني هو (وآذكر شقاتي في حياتي بدالك)
غن هالشطرين تلقاهن يمشن على موسيقة وحدة ورتم واحد , وهالموسيقى هي الوزن
لذلك حاول تكتب على نفس اللحن بدون عسر وينضبط معك الوزن .
وفيه شي ثاني وهو القافية .. لاحظ معي قوافي الأبيات (حلالك ـ وصالك ـ حياتك
تنالك ـ بدالك) لاحظ إنك بديت بقافية الكاف قبله اللام , لكنك بالبيت الثالث رطقت اللام
وحطيت بداله تاء .. وهذا خلل بالقافية . طبق هالملاحظات واكتب من جديد
وتصير شاعر إن شاء الله .